भंडारा : भंडारा जिल्ह्यात मोहाडी तहसीलदार दीपक कारंडे यांनी वाळू माफियांनी केलेल्या हल्ल्यानंतर स्वसौरक्षणार्थ हवेत गोळीबार केल्याची घटना घडली आहे. गोळीबार झाल्याची ही घटना जिल्ह्यात हवेसारखी पसरली. घटनेचे गांभीर्य लक्षात घेऊन पोलीस अधीक्षक तसेच अप्पर पोलीस अधीक्षक यांनी घटनास्थळी जावून पाहणी केली. तहसीलदार यांच्या तक्रारीनंतर मोहाडी येथे गुन्हा दाखल झाला असून एका आरोपीला अटक करण्यात आली आहे. (Sand Smuggler Attack Tehsildar)
मिळालेल्या माहितीनुसार, बुधवारी दुपारी साडेतीनच्या दरम्यान मोहाडी तहसीलदार दीपक कारंडे यांना रोहा या गावी साठवलेली वाळू जेसीबीद्वारे टिप्परमध्ये भरुन चोरी केली जात असल्याची गुप्त माहिती मिळाली. तहसीलदार कारंडे यांनी त्यांच्या पथकासह रोहा येथे प्रत्यक्षात भेट दिली असता जेसीबीद्वारे टिप्परमध्ये वाळू भरण्याचं काम सुरु होते. तहसीलदार यांनी ते काम थांबवून आम्हाला शासकीय कार्यवाही करण्यास मदत करावी, असं आव्हान जेसीबी चालकाला केलं. मात्र, जेसीबी चालकाने त्यांच्यावर जेसीबीच्या पंज्याद्वारे हल्ला चढविला, यात तहसीलदार यांनी स्वतःचा बचाव केला. त्यानंतर जेसीबी चालकाने तिथून जेसीपी घेवून पळ काढला.
कारंडे यांनी त्याचा पाठलाग करुन त्याला पुन्हा थांबवण्याचा प्रयत्न केला असचा जेसीबी चालकाने पुन्हा त्यांच्यावर जेसीबीच्या पंज्याने जीवघेणा हल्ला केला. दोनदा झालेल्या जीवघेणा हल्ल्यामुळे तहसीलदार यांनी स्वतःच्या संरक्षणार्थ त्यांच्याकडे असलेली परवाना धारक बंदुकीने हवेत गोळीबार केला. गोळीबार होताच जेसीबी चालक घाबरुन जेसीबी तिथेच सोडून पळून गेला. या संपूर्ण घटनेची माहिती तहसीलदार यांनी मोहाडी पोलिसांना दिल्यानंतर मोहाडी पोलिसांनी तात्काळ घटनास्थळी धाव घेत जेसीबी आणि टीप्पर ताब्यात घेतले.
या घटनेची माहिती पोलीस अधीक्षक लोहित मतानी यांना मिळताच घटनेचे गांभीर्य लक्षात घेऊन त्यांनी अप्पर पोलीस अधीक्षक अनिकेत भारती, उपविभागीय पोलीस अधिकारी संजय पाटील यांच्यासह घटनास्थळी जाऊन चौकशी केली. मोहाडी तहसीलदार दीपक कारंडे यांनी दिलेल्या तक्रारीनंतर जेसीबी चालक, मालक, तसेच टिप्पर चालक आणि मालक यांच्याविरुद्ध कलम ३५३, ३७९ नुसार गुन्हा नोंद केला गेला असून सध्या जेसीपी चालकाला अटक करण्यात आलेली आहे. या संपूर्ण प्रकरणाची चौकशी करुन यामध्ये दोषी आढळल्यास इतरही लोकांवर गुन्हा दाखल करुन अटक केली जाईल, असे पोलीस अधीक्षक लोहित मतानी यांनी यावेळी सांगितले.
मिळालेल्या माहितीनुसार, बुधवारी दुपारी साडेतीनच्या दरम्यान मोहाडी तहसीलदार दीपक कारंडे यांना रोहा या गावी साठवलेली वाळू जेसीबीद्वारे टिप्परमध्ये भरुन चोरी केली जात असल्याची गुप्त माहिती मिळाली. तहसीलदार कारंडे यांनी त्यांच्या पथकासह रोहा येथे प्रत्यक्षात भेट दिली असता जेसीबीद्वारे टिप्परमध्ये वाळू भरण्याचं काम सुरु होते. तहसीलदार यांनी ते काम थांबवून आम्हाला शासकीय कार्यवाही करण्यास मदत करावी, असं आव्हान जेसीबी चालकाला केलं. मात्र, जेसीबी चालकाने त्यांच्यावर जेसीबीच्या पंज्याद्वारे हल्ला चढविला, यात तहसीलदार यांनी स्वतःचा बचाव केला. त्यानंतर जेसीबी चालकाने तिथून जेसीपी घेवून पळ काढला.
कारंडे यांनी त्याचा पाठलाग करुन त्याला पुन्हा थांबवण्याचा प्रयत्न केला असचा जेसीबी चालकाने पुन्हा त्यांच्यावर जेसीबीच्या पंज्याने जीवघेणा हल्ला केला. दोनदा झालेल्या जीवघेणा हल्ल्यामुळे तहसीलदार यांनी स्वतःच्या संरक्षणार्थ त्यांच्याकडे असलेली परवाना धारक बंदुकीने हवेत गोळीबार केला. गोळीबार होताच जेसीबी चालक घाबरुन जेसीबी तिथेच सोडून पळून गेला. या संपूर्ण घटनेची माहिती तहसीलदार यांनी मोहाडी पोलिसांना दिल्यानंतर मोहाडी पोलिसांनी तात्काळ घटनास्थळी धाव घेत जेसीबी आणि टीप्पर ताब्यात घेतले.
या घटनेची माहिती पोलीस अधीक्षक लोहित मतानी यांना मिळताच घटनेचे गांभीर्य लक्षात घेऊन त्यांनी अप्पर पोलीस अधीक्षक अनिकेत भारती, उपविभागीय पोलीस अधिकारी संजय पाटील यांच्यासह घटनास्थळी जाऊन चौकशी केली. मोहाडी तहसीलदार दीपक कारंडे यांनी दिलेल्या तक्रारीनंतर जेसीबी चालक, मालक, तसेच टिप्पर चालक आणि मालक यांच्याविरुद्ध कलम ३५३, ३७९ नुसार गुन्हा नोंद केला गेला असून सध्या जेसीपी चालकाला अटक करण्यात आलेली आहे. या संपूर्ण प्रकरणाची चौकशी करुन यामध्ये दोषी आढळल्यास इतरही लोकांवर गुन्हा दाखल करुन अटक केली जाईल, असे पोलीस अधीक्षक लोहित मतानी यांनी यावेळी सांगितले.