पुलावर ओढणी तर नदीत २३ वर्षीय तरुणीचा आढळला मृतदेह; पोलिसांना वेगळाच संशय...

बुलडाणा : खामगाव तालुक्यातील शिरला मन नदीत आज सकाळी एका २३ वर्षीय तरुणीचे प्रेत आढळून आल्याने एकच खळबळ उडाली आहे. या महिलेचा खून की आत्महत्या याबाबत तर्क-वितर्क लावले जात आहे. सध्या पोलीस घटनास्थळी दाखल झाले असून पोलीस तपास सुरू असल्याची माहिती आहे.

मिळालेल्या माहितीनुसार, बस स्थानकाजवळ असलेल्या पुलाखाली सदर मृतदेह आढळून आला आहे. तर परिसरातील बघायची यांची गर्दी झाली आहे. हिवरखेड पोलीस घटनास्थळी दाखल झाले असून श्वान पथकाला देखील घटनास्थळी आणण्यात आले आहे. खामगावपासून सुमारे १८ किलोमीटर अंतरावर असलेल्या शिरला मन डॅममध्ये एका अनोळखी महिलेचा मृतदेह आढळून आला. तिचा औढणी पुलावर पडल्याचेही निदर्शनास आले.

१ घर, ४ फास आणि ६ जणांचे शव; अंगाचा थरकाप उडवणारी घटना; पोलिसांच्या तपासात धक्कादायक खुलासा
कदाचित अज्ञात इसमाने तिचा खून करून तिचा मृतदेह पाण्यात फेकून दिला असावा ? असा संशय व्यक्त होत आहे. पोलीस स्टेशनचे ठाणेदार व पथक घटना ठिकाणी आले आहे. घटनेची माहितीचे गांभीर्य लक्षात घेता विभागाचे पोलीस अधिकारी अमोल कोळी घटनास्थळी दाखल झाले आहे तर घटनेमुळे सर्वत्र एकच खळबळ उडाली आहे.