बुलडाणा की बुलढाणा? नक्की लिहायचं काय? जिल्हा प्रशासनाने अनेक वर्षांचा घोळ मिटवला

बुलढाणा : जिल्हा मुख्यालय असलेल्या बुलडाणा शहराच्या नावाचा संभ्रम आता दूर झाला आहे. बुलडाणा नव्हे तर बुलढाणा लिहिणे अनिवार्य असल्याचे निर्देश जिल्हा प्रशासनाने दिले आहेत. थंड हवेचे ठिकाण असलेल्या बुलढाणा शहराचे नेमके नाव कसे लिहावे? याबाबत अनेक वर्षापासून संभ्रम आहे.

एके काळी या शहराचे नाव भिलढाणा होते. इंग्रजांच्या काळात हे शहर जिल्हा मुख्यालय बनले. कालांतराने त्याचे बुलढाणा असे नामांतर करण्यात आले. परंतु बुलडाणा की बुलढाणा असा संभ्रम कायम होता.

दरम्यान जिल्हा प्रशासनाने बुलडाणा नव्हे तर बुलढाणा असा उल्लेख करावा असे निर्देश दिले आहेत. गॅझेटमध्येही तसाच उल्लेख असल्याचे जिल्हा प्रशासनाने स्पष्ट केले आहे. त्यामुळे आता नावाबाबतचा संभ्रम दूर झाला असून बुलडाणा हा उल्लेख योग्य नसून बुलढाणा हा उल्लेख योग्य असल्याचे स्पष्ट झाले आहे.

हेही वाचा : आमचंच बहिष्काराचं पत्र आम्हाला दिलं, अक्षरही बदललं नाही, फडणवीसांकडून अजितदादांची खिल्ली

जन्मदाखले, आधार, टीसी यासारख्या अनेक महत्त्वपूर्ण कागदपत्रांवर जिल्ह्यांचं नाव लिहिताना नागरिकांची गफलत व्हायची. बुलढाणा की बुलडाणा या नावात अनेकांचा गोंधळ उडत होता. परंतु आता बुलढाणा या नावाचाच वापर जिल्हावासियांनी करावा, या नावाचा गॅझेटमध्येही उल्लेख असल्याचं जिल्हा प्रशासनानं सांगितलं आहे.

हेही वाचा : बांगर म्हणाले मुस्काटात मारा, सुर्वे म्हणाले तंगड्या तोडा; अजितदादांनी विचारलं, मस्ती आली काय?

सर्व शासकीय कार्यालयांना जिल्ह्याच्या नावात बदल करण्याच्या सूचना जिल्हा प्रशासनाने जारी केल्या आहे. याशिवाय जिल्हाधिकारी कार्यालयाच्या फलकावरील नावातही बदल करण्यात आला असून आता त्यावर बुलढाणा असा उल्लेख करण्यात आला आहे

हेही वाचा : गर्ल्स हॉस्टेलमध्ये हाहाःकार, सुरक्षारक्षकाकडून तरुणींचा विनयभंग, धक्कादायक सीसीटीव्ही VIDEO