अ‍ॅपशहर

ऐन दिवाळीच्या तोंडावर एसटी कामगारांचं उपोषण, वाचा काय आहेत महत्त्वाच्या मागण्या?

विविध मागण्यांसाठी एसटी कामगार आजपासून बुलडाण्याच्या विभागीय कार्यालयासमोर उपोषणाला बसले आहेत. त्यामळे बुलडाणा जिल्ह्यात एसटीच्या सेवेवर परिणाम होण्याची शक्यता आहे.

Maharashtra Times 27 Oct 2021, 1:59 pm
बुलडाणा : राज्य सरकारी कर्मचारी प्रमाणे २८ टक्के महागाई भत्ता मिळावा, वाढीव घरभाडे मिळावे, पंधरा हजार रुपये दिवाळी बोनस द्यावा यासह विविध मागण्यांसाठी एसटी कामगार आजपासून बुलडाण्याच्या विभागीय कार्यालयासमोर उपोषणाला बसले आहेत. त्यामळे बुलडाणा जिल्ह्यात एसटीच्या सेवेवर परिणाम होण्याची शक्यता आहे.
महाराष्ट्र टाइम्स.कॉम st workers maharashtra


एसटी कामगारांना नियमित वेतन वेळेवर मिळत नाही. रा.प. प्रशासनाने दि. ३० जुन २०१८ मध्ये परिपत्रक सूचना काढून मान्य केलेले असतानाही अद्याप कामगारांना वार्षिक वेतनवाढ दर ३% व घरभाडे भत्याचा दर २४% लागू केलेला नाही. कामगार कराराच्या तरतुदीनुसार, शासकीय कर्मचाऱ्यांना लागू होणारा महागाई भत्ता दर रा. प. कामगारांना लागू करण्याचे मान्य केले असताही तो मिळाला नाही.
'मुख्यमंत्रीसाहेब', हजारो क्विंटल संत्री रस्त्यावर फेकण्याची वेळ, शेतकऱ्याला मदतीची अपेक्षा
शासन निर्णयानुसार महागाई भत्ता दर माहे जुलै २०१८ ते माहे सप्टें २०१८ कालावधीची तीन महिन्याची २%. जानेवारी २०१९ ते सप्टें २०१९ या कालावधीची नऊ महिन्याची ३% आहे. महागाई भत्ता थकबाकी तसेच डिसेंबर २०१९ पासून १२ % वरून १७ % असा लागू करून सदर वाढीव महागाई भत्ता कामगारांना लागू करण्यात यावा. या मागण्यांघेऊन हे कामगार उपोषणाला बसले आहेत.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज