तिकीट देतो, निवडून या; आठ दिवसांपूर्वी ठाकरेंची भेट, उमेदवाराला 'कानमंत्र' देतानाचा फोटो समोर

बुलढाणा : महाविकास आघाडीतर्फे शिवसेना (उद्धव बाळासाहेब ठाकरे) पक्षाकडून बुलढाणा लोकसभा मतदारसंघातून नरेंद्र खेडेकर यांना उमेदवारी जाहीर करण्यात आली आहे. पक्षप्रमुख उद्धव ठाकरे यांनी नुकताच बुलढाणा दौरा केला होता. या दौऱ्यात खेडेकरांशी संवाद साधतानाचा त्यांचा फोटो व्हायरल झाला आहे. ठाकरेंनी खेडेकरांना दिलेल्या ऑफरचा किस्सा चर्चेत आहे.

आठ दिवसांपूर्वी, म्हणजे गेल्या बुधवारी २० मार्च रोजी विदर्भाचा विशेषतः बुलढाणा जिल्ह्यातील मेहकर आणि सिंदखेड राजा येथे उद्धव ठाकरे यांनी जनसंवाद मेळावा घेतला होता. महाविकास आघाडी शिवसेना (उद्धव बाळासाहेब ठाकरे) पक्षाकडून उमेदवार जाहीर न करताच, ते निघून गेले होते.
पक्षप्रमुखांना माहिती, पक्षप्रमुख सांगतील, पक्षप्रमुख निर्णय घेतील, नांदगावकरांचे 'मनसे' मौन
पण त्यावेळेस त्यांनी आपल्या दौऱ्यांच्या व्यासपीठावर नरेंद्र खेडेकर यांना अचानक बोलावून घेतलं होतं. त्यांच्याशी नेमका काय संवाद साधला होता, त्याची चर्चा आता रंगू लागली आहे. त्यावेळचा फोटो आता चर्चेचा विषय ठरत आहे. नेमकं तेव्हाच "उमेदवारी तुला देतो आणि तू निवडून ये, विजयी हो' असा काही कानमंत्र तर ठाकरेंनी दिला नसावा, अशी चर्चा आता त्या एका फोटोवरून रंगत आहे.
श्रीकांत शिंदेंच्या मतदारसंघात मविआतर्फे कोण? ठाकरेंचे चार पत्ते झाकलेले, कोणकोणत्या जागांवर वेट अँड वॉच?
पैलवान निवडणुकीच्या रिंगणात आला आहे. समोर प्रतिस्पर्धी म्हणून महायुतीकडून एकनाथ शिंदे यांच्या शिवसेनेचे विद्यमान खासदार प्रतापराव जाधवच उमेदवार असणार का, याची आता औपचारिक घोषणा बाकी आहे.
Read Latest Maharashtra News Updates And Marathi News

शिवसेनेचे हे दोन 'वाघ' जे कधी काळी मित्र म्हणून सोबत वावरत होते, ते आता कसा एकमेकांचा सामना करतात, याची उत्सुकता जिल्हावासी, मतदारांना लागली आहे. आता एकीकडे मार्च महिन्यात उन्हाचे चटके लागायला सुरुवात झाली आहे, तसं राजकीय वातावरणही हळूहळू तापणार, यात तीळमात्र शंका नाही.