आईचं निधन झाल्याचं कळताच मुलगी धावून आली, अंत्यविधीवेळी आला संशय अन्...

चंद्रपूर : आईचा मृत्यू झाल्याची वार्ता कळताच मोठी मुलगी अंत्यविधीसाठी धावून आली. आईचा मृत्यू नैसर्गिक नसल्याचा तिला संशय आला. तिने पोलिसात तक्रार नोंदविली. पोलीसांच्या तपासात पोटच्या मुलीने अन् सूनेने हत्या केल्याचे उघड झाले. या घटनेने एकच खळबळ उडाली. ही हत्या शेतीचा वादावरून झाली. पोलिसांनी वंदना विनोद खाठे (वय ३५) आणि चंद्रकला प्रभाकर सावसाकडे (वय ४०) या दोघींना अटक केली आहे.

तानाबाई महादेव सावसाकडे (वय ६५) या सिंदेवाही तालुक्यातील मोहाळी (नलेश्वर) येथे राहत होत्या. तानाबाई सावसाकडे यांचा ४ ऑक्टोबरला मृत्यू झाल्याची माहिती त्यांच्या मोठ्या मुलीला देण्यात आली. आई मरण पावली म्हणून मोठी मुलगी रंजना रामेश्वर सोनवणे, तिचे पती बल्लारपूरहून अंत्यविधीसाठी मोहाळीत आले. अंत्यविधीवेछी मोठ्या मुलीला आणि तिच्या पतीला संशय आला होता. पण ते त्यावेळी बोलले नाही.

रावण दहनाचा कार्यक्रम आदिवासी बांधवानी उधळला; म्हणाले, रावण आमच्यासाठी पूजनीय...

अंत्यविधी झाल्यावर मोठ्या मुलीने बुधवारी ५ ऑक्टोबरला सिंदेवाही पोलीस ठाणे गाठून तक्रार दाखल केली. त्याआधारे पोलिसांनी मृत महिलेची लहान मुलगी, सुनेला चौकशीसाठी ताब्यात घेतले. चौकशीत दोघींनीही तानाबाई सावसाकडे यांच्या तोंडावर व नाकावर चादर दाबून खून केल्याचे सांगितले. याप्रकरणी पोलिसांनी मुलगी वंदना विनोद खाटे आणि सून चंद्रकला प्रभाकर सावसाकडे यांच्यावर गुन्हा दाखल करून अटक केली आहे.

वर्गात उभे राहून विद्यार्थ्याने सांगितली धक्कादायक कहाणी, मुलाने असे काही केले की पालकवर्ग हादरला, परंतु पु