वर्गात उभे राहून विद्यार्थ्याने सांगितली धक्कादायक कहाणी, मुलाने असे काही केले की पालकवर्ग हादरला, परंतु पुढे...

चंद्रपूर : वडिलांनी मोबाइल बघू दिला नाही, केवळ या कारणाने एका अल्पवयीन मुलाने अपहरणाचा बनाव केला. शहरातील एका अकरा वर्षाच्या मुलाला मोबाइलचे प्रचंड वेड होते. नेहमीप्रमाणे तो मोबाईलवर गेम खेळत होता. त्यामुळे वडीलाने त्याला हटकले. त्याचा राग त्याने मनात ठेवला. शाळेत जात असतानात त्याने अपहरणाचा डाव रचला. ( parents were worried after a story told by a student)

या विद्यार्थ्याने तयार केलेली खोटी कहाणी त्याने वर्गात ऐकवली. त्याने सांगितले की, काही लोकांनी मला पेढा खायला दिला. मात्र मी तो खाल्ला नाही. त्यामुळे त्या लोकांनी माझ्या तोंडावर रुमाल बांधला आणि मला बेशुद्ध करण्याचा प्रयत्न केला. ही कहाणी ऐकूण विद्यार्थ्यांसह शिक्षकही हादरले. परिस्थितीचे गांभीर्य लक्षात घेत तातडीने शाळेतून या विद्यार्थ्याच्या घरी संपर्क साधण्यात आला. आपल्या मुलाबाबत असे घडल्याचे लक्षात आल्यानंतर हादरलेले त्याचे वडील शाळेत आले. त्यानंतर त्यांनी पोलिस ठाणे गाठले तक्रार दिली.

क्लिक करा आणि वाचा- वीज कोसळून मोठी दुर्घटना: दोन महिलांसह एका व्यक्तीने गमावला जीव, तिघे जखमी; चंद्रपुरात हळहळ

पोलिसांनी हे प्रकरण गांभीर्याने घेत मुलाने दाखविलेल्या जागेवरील सीसीटीव्ही फुटेज बघितले. मात्र, त्यात असा कोणताच प्रकार घडला नसल्याचे पोलिसांना दिसून आले. काही वेळाने पोलिसांनी त्या विद्यार्थ्याला विश्वासात घेऊन विचारणा केली. त्यानंतर त्याने खरी हकीकत सांगितली. मोबाईल बघू दिला नसल्याने आणि मला शाळेत जायचे नव्हते या कारणाने आपण असा बनाव केल्याचे त्याने पोलिसांना सांगितले. विद्यार्थ्याची कहाणी ऐकून पोलीसही अवाक् झाले.

क्लिक करा आणि वाचा- घोणस अळीचा दंश, युवा शेतकरी थेट रुग्णालयात, राज्यातील शेतीवरील संकटाची मालिका सुरूच

वडील अभ्यासासाठी सतत तगादा लावतात. शिवाय आपल्यावर सतत रागावत असतात. या कारणामुळे जिल्ह्यातील एका मुलानं अपहरणाचा बनाव केला होता. हा प्रकार समोर आल्यावर पालक वर्ग हादरला होता. या प्रकाराचा अद्याप विसर झालेला नसतांना आता पुन्हा आणखी एका विद्यार्त्याने अपहरणाचा बनाव केल्याचा दुसरा प्रकार समोर आला आहे.

क्लिक करा आणि वाचा- मुख्यमंत्र्यांच्या खुर्चीत श्रीकांत शिंदे; मुनगंटीवार म्हणाले आक्षेपार्ह काय? शिंदेंनी मलाही सांगितलं