वाचलो रे भावा! पाण्यात पडलेला मोबाइल सुकवण्यासाठी दुचाकीचा सीटवर ठेवला, पुढे जे घडले त्याने दुचाकीस्वार हादरला

चंद्रपूर : मोबाईल आज दैनंदिन गरजेच्या एक भाग झालेला आहे. अवघ्या जगाशी जोडणारा या मोबाइलला हाताळण्यात आपली चूक झाली तर त्याचा किती घातक होऊ शकतो याचा प्रत्यय चंद्रपुरातील एका घटनेनंतर आला आहे. पाण्यात पडलेला मोबाइल सुकवण्यासाठी मोबाइल धारकाने तो आपल्या दुचाकीच्या सीटवर ठेवला. काही वेळातच मोबाईलचा स्फोट झाला. ही चंद्रपूर शहरातील घटना चंद्रपुरातील विठ्ठल मंदिर वार्डात आज घडली.

'वाचलो रे भावा'

दुचाकीच्या सीटवरच मोबाइलचा स्फोट झाल्याने या घटनेत दुचाकीचे थोडेफार नुकसान झाले आहे. या घटनेने मोबाइलधारक धास्तावले आहेत. चुकून हा मोबाइल पॅन्ट किंवा शर्टाचा खिशात असतात तर.. या विचारानेच 'वाचलो रे भावा' असं म्हणण्याची वेळ मोबाFल धारकावर ओढवली.

दौंडजवळ मालगाडीचा डबा घसरला; वंदे भारत, हुतात्मा एक्सप्रेस लेट, प्रवाशांची मोठी गैरसोय
या घटनेबाबत मिळालेल्या माहितीनुसार, चंद्रपूर शहरातील विठ्ठल मंदिर वार्डात असणारे अशोक अंबीरवार यांचा मोबाइल पाण्यात पडला होता. त्यामुळे मोबाइलच्या आत पाणी शिरलं होतं. मोबाइल सुकविण्यासाठी त्यांनी दुचाकीच्या सीटवर मोबाईल ठेवला. या दरम्यान काही वेळातच मोबाईलचा स्फोट झाला.

घराला आग लागली तरी नवऱ्याची इच्छा असेल तर बायकोने सेक्स करावा; मौलानाचं लाजिरवाणं वक्तव्य
मोठी दुर्घटना टळली

या स्फोटात दुचाकीची हानी झाली आहे.स्फोट झालेला मोबाईल एमआय कंपनीचा होता. या घटनेत योगायोगाने स्फोटात दुचाकीने पेट घेतला नाही. त्यामुळं मोठी दुर्घटना टळली. मोबाइल आणि इलेक्ट्रॉनिक दुचाकीच्या स्फोटाच्या घटना वाढलेल्या आहेत. मोबाइल वापरताना काळजीपूर्वक वापरण्याचा सल्ला दिला जातो. मात्र याकडे फार गांभीर्याने बघितलं जात नाही. त्यामुळे या घटना घडत असतात. मोबाइल स्फोटाच्या काही घटनांमध्ये मोबाईलधारक गंभीर जखमी झालेले आहेत.