म. टा. वृत्तसेवा, धुळे
धुळे महापालिकेचे आयुक्त डॉ. नामदेव भोसले यांच्या कार्यशैलीबाबत उपमहापौर फारुक शाह यांनी केलेल्या तक्रारीच्या अनुषंगाने जिल्हा प्रशासनामार्फत चौकशी करण्यात आली होती. मात्र, केवळ कागदावरच ही चौकशी झाली असल्याचा दावा करीत शाह यांनी नाशिक विभागीय आयुक्तांकडे तक्रार केली होती. त्याची दखल घेऊन विभागीय आयुक्तांनी आयुक्तांची फेरचौकशी करावी, असे आदेश धुळ्याचे जिल्हाधिकारी आण्णासाहेब मिसाळ यांना दिले आहेत. याबाबतचे पत्र प्राप्त झाले असल्याची माहिती जिल्हा प्रशासनाकडून देण्यात आली.
उपमहापौर शाह यांनी आयुक्त डॉ. नामदेव भोसले यांच्या कार्यपध्दतीबाबत नाशिक विभागीय आयुक्त एकनाथ डावले यांच्याकडे तक्रार केली होती. धुळे शहरात १३६ कोटी रुपयांच्या पाणीपुरवठा योजनेबाबत वारंवार तक्रारी होऊनही आयुक्तांनी त्याकडे दुर्लक्ष केले. अनधिकृत मोबाइल टॉवर्सचा प्रश्न मागील काही वर्षांपासून प्रलंबित आहे तरीही आयुक्तांनी रिलायन्स जिओ या कंपनीला ३६ टॉवर उभारण्यासाठी ना हरकत दाखले दिले. नगरोत्थान योजनेंतर्गत कामांच्या निविदा प्रक्रियेतही भ्रष्टाचार झाल्याचा तक्रारी आहेत. या सर्व बाबींची चौकशी करावी, अशी तक्रार शाह यांनी विभागीय आयुक्तांकडे केली होती. जिल्हाधिकारी आयुक्तांना पाठिशी घालत असल्याचा आरोप करीत उपमहापौर शाह यांनी जिल्हा प्रशासनाच्या कार्यालयासमोर आंदोलन केले होते. तसेच विभागीय आयुक्त एकनाथ डवले यांच्याकडे तक्रार केली होती. त्याची दखल विभागीय आयुक्तांनी घेवून मनपा आयुक्त भोसले यांच्या चौकशीसाठी त्रिसदस्यीय समितीमार्फत फेरचौकशी करावी असे आदेश जिल्हाधिकारी मिसाळ यांना दिले आहेत.
कागदाला कागद जोडल्याची तक्रार
विभागीय आयुक्तांच्या आदेशानुसार अप्पर जिल्हाधिकारी प्रकाश वायचळ यांच्यामार्फत आयुक्त डॉ. नामदेव भोसले यांची चौकशी करण्यात आली. परंतु चौकशी अधिकाऱ्याने केवळ कागदाला कागद लावून अहवाल तयार केला. तक्रारदाराचे म्हणणे ऐकून घेतले नाही. त्यासोबत स्वत:चा अभिप्राय दिला नाही. अशा त्रुटींमुळे ही चौकशी असमाधानकारक ठरली. परिणामी भोसले यांच्यावर कारवाई होऊ शकली नसल्याचे शाह यांचे म्हणणे आहे.
धुळे महापालिकेचे आयुक्त डॉ. नामदेव भोसले यांच्या कार्यशैलीबाबत उपमहापौर फारुक शाह यांनी केलेल्या तक्रारीच्या अनुषंगाने जिल्हा प्रशासनामार्फत चौकशी करण्यात आली होती. मात्र, केवळ कागदावरच ही चौकशी झाली असल्याचा दावा करीत शाह यांनी नाशिक विभागीय आयुक्तांकडे तक्रार केली होती. त्याची दखल घेऊन विभागीय आयुक्तांनी आयुक्तांची फेरचौकशी करावी, असे आदेश धुळ्याचे जिल्हाधिकारी आण्णासाहेब मिसाळ यांना दिले आहेत. याबाबतचे पत्र प्राप्त झाले असल्याची माहिती जिल्हा प्रशासनाकडून देण्यात आली.
उपमहापौर शाह यांनी आयुक्त डॉ. नामदेव भोसले यांच्या कार्यपध्दतीबाबत नाशिक विभागीय आयुक्त एकनाथ डावले यांच्याकडे तक्रार केली होती. धुळे शहरात १३६ कोटी रुपयांच्या पाणीपुरवठा योजनेबाबत वारंवार तक्रारी होऊनही आयुक्तांनी त्याकडे दुर्लक्ष केले. अनधिकृत मोबाइल टॉवर्सचा प्रश्न मागील काही वर्षांपासून प्रलंबित आहे तरीही आयुक्तांनी रिलायन्स जिओ या कंपनीला ३६ टॉवर उभारण्यासाठी ना हरकत दाखले दिले. नगरोत्थान योजनेंतर्गत कामांच्या निविदा प्रक्रियेतही भ्रष्टाचार झाल्याचा तक्रारी आहेत. या सर्व बाबींची चौकशी करावी, अशी तक्रार शाह यांनी विभागीय आयुक्तांकडे केली होती. जिल्हाधिकारी आयुक्तांना पाठिशी घालत असल्याचा आरोप करीत उपमहापौर शाह यांनी जिल्हा प्रशासनाच्या कार्यालयासमोर आंदोलन केले होते. तसेच विभागीय आयुक्त एकनाथ डवले यांच्याकडे तक्रार केली होती. त्याची दखल विभागीय आयुक्तांनी घेवून मनपा आयुक्त भोसले यांच्या चौकशीसाठी त्रिसदस्यीय समितीमार्फत फेरचौकशी करावी असे आदेश जिल्हाधिकारी मिसाळ यांना दिले आहेत.
कागदाला कागद जोडल्याची तक्रार
विभागीय आयुक्तांच्या आदेशानुसार अप्पर जिल्हाधिकारी प्रकाश वायचळ यांच्यामार्फत आयुक्त डॉ. नामदेव भोसले यांची चौकशी करण्यात आली. परंतु चौकशी अधिकाऱ्याने केवळ कागदाला कागद लावून अहवाल तयार केला. तक्रारदाराचे म्हणणे ऐकून घेतले नाही. त्यासोबत स्वत:चा अभिप्राय दिला नाही. अशा त्रुटींमुळे ही चौकशी असमाधानकारक ठरली. परिणामी भोसले यांच्यावर कारवाई होऊ शकली नसल्याचे शाह यांचे म्हणणे आहे.