म.टा. वृत्तसेवा, धुळे
संपूर्ण राज्याचे लक्ष लागून असलेल्या धुळे महानगरपालिका निवडणुकीत भाजपला स्पष्ट बहुमत मिळाले आहे. भाजपाने दिलेला फिप्टी प्लसचा नारा अखेर खरा ठरला असून ७४ जागांपैकी ५० जागा भाजपने जिंकल्या आहेत. तर भाजपाचे बंडखोर आमदार अनिल गोटे यांच्या लोकसंग्राम पक्षाला केवळ एका जागेवर समाधान मानावं लागलं आहे. तसेच काँगेस-राष्ट्रवादी काँग्रेस आघडीला १४ जागा, शिवसेना २, एमआयएम २, समाजवादी पार्टी २, बसपा १ आणि अपक्ष २ जागांवर विजयी झालेत.
भाजप विरुद्ध आमदार गोटे अशी ही निवडणूक रंगली. पण या निवडणुकीत गोटेंच्या लोकसंग्राम पक्षाचा एकच उमेदवार विजयी झाला. त्याही गोटेंच्या पत्नी हेमा गोटे या प्रभाग ५ मधून निवडून आल्या. तर गोटेंचे पुत्र तेजस गोटे हे थोडया मतांनी पराभूत झालेत. या निवडणुकीतली महत्त्वाची गोष्ट म्हणजे एमआयएमने धुळ्यात आपलं खातं उघडलं आहे. एमआयएमने गोटेंच्या लोकसंग्रामला मागे टाकत २ जागा जिंकल्या आहेत.
मतदानाच्या दिवसापर्यंत निवडणूक चुरशी
जलसंपदा मंत्री गिरीश महाजन, पर्यटनमंत्री जयकुमार रावल आणि संरक्षण राज्यमंत्री सुभाष भामरे या तिन्ही मंत्र्यांनी महापालिका निवडणूक प्रतिष्ठेची केली होती. यामुळे भाजपला धुळे महापालिकेत सत्ता मिळवण्यात यश आलं आहे. पण मनपा निवडणूक प्रभारी म्हणून जलसंपदा मंत्री गिरीष महाजन यांची वर्णी लागल्यापासून आमदार गोटे हे भाजपातील मंत्री महाजन, रावल आणि संरक्षण राज्यमंत्री डॉ. सुभाष भामरे यांच्यावर निशाना साधत होते. यामुळे मतदानाच्या दिवसांपर्यंत निवडणूक चुरशीची ठरली. त्यात आता गोटेंच्या लोकसंग्राम पक्षातील पदाधिकारी व कार्यकर्त्यांवर गुन्हे दाखल करण्यात आले आहेत. यामुळे गोटे आता काय नवीन खेळी खेळतील याकडे शहरासह जिल्हावासींयाचं लक्ष लागलं आहे.
जनतेनेच गोटेंना जागा दाखवलीः गिरीश महाजन
अनिल गोटेंनी अतिशय खालच्या पातळीवरून भाजप नेत्यांवर आणि मंत्र्यांवर टीका केली. निवडणुकीची सूत्र माझ्या हाती दिल्याने सभेमध्ये गोंधळ घातला. नेत्यांना शिवीगाळ केला. पण गोटेंना जनतेनेच धडा शिकवला. पक्षा पेक्षा आपण मोठे हे दाखवण्याचा गोटेंचा प्रयत्न होता. पण जनतेने त्यांना निवडणुकीत योग्य जागा दाखवली. त्यांचा एकच उमेदवार निवडून आला, असं जलसंपदा मंत्री गिरीश महाजन म्हणाले.
गुंडगिरीच्या जीवावर भाजपला यशः गोटे
धुळ्यातील २१ निवडणूक निर्णय अधिकाऱ्यांपैकी ११ अधिकारी जळगावचे होते. भाजपने ईव्हीएमचा घोळ केला. पैशांचा महापूर आणि गुंडगिरीच्या जीवावर भाजपला यश मिळालं, असा आरोप आमदार अनिल गोटेंनी केला आहे. हे गुंड ज्यावेळीस भाजपवर उलटतील तेव्हा त्यांना कळेल. भाजपचा हा विजय महाराष्ट्रासाठी धोक्याचा आहे. आपल्या पापावर विजयाचं पांघरूण घालण्याचा भाजचा प्रयत्न आहे, अशी टीका गोटेंनी केली.
महापालिका निवडणुकीचे निकाल
> भाजपा - ५०
> शिवसेना - २
> राष्ट्रवादी - ९
> काँग्रेस - ५
> एमआयएम - २
> समाजवादी पार्टी - २
> बसपा - १
> लोकसंग्राम पक्ष - १
> अपक्ष - २
संपूर्ण राज्याचे लक्ष लागून असलेल्या धुळे महानगरपालिका निवडणुकीत भाजपला स्पष्ट बहुमत मिळाले आहे. भाजपाने दिलेला फिप्टी प्लसचा नारा अखेर खरा ठरला असून ७४ जागांपैकी ५० जागा भाजपने जिंकल्या आहेत. तर भाजपाचे बंडखोर आमदार अनिल गोटे यांच्या लोकसंग्राम पक्षाला केवळ एका जागेवर समाधान मानावं लागलं आहे. तसेच काँगेस-राष्ट्रवादी काँग्रेस आघडीला १४ जागा, शिवसेना २, एमआयएम २, समाजवादी पार्टी २, बसपा १ आणि अपक्ष २ जागांवर विजयी झालेत.
भाजप विरुद्ध आमदार गोटे अशी ही निवडणूक रंगली. पण या निवडणुकीत गोटेंच्या लोकसंग्राम पक्षाचा एकच उमेदवार विजयी झाला. त्याही गोटेंच्या पत्नी हेमा गोटे या प्रभाग ५ मधून निवडून आल्या. तर गोटेंचे पुत्र तेजस गोटे हे थोडया मतांनी पराभूत झालेत. या निवडणुकीतली महत्त्वाची गोष्ट म्हणजे एमआयएमने धुळ्यात आपलं खातं उघडलं आहे. एमआयएमने गोटेंच्या लोकसंग्रामला मागे टाकत २ जागा जिंकल्या आहेत.
मतदानाच्या दिवसापर्यंत निवडणूक चुरशी
जलसंपदा मंत्री गिरीश महाजन, पर्यटनमंत्री जयकुमार रावल आणि संरक्षण राज्यमंत्री सुभाष भामरे या तिन्ही मंत्र्यांनी महापालिका निवडणूक प्रतिष्ठेची केली होती. यामुळे भाजपला धुळे महापालिकेत सत्ता मिळवण्यात यश आलं आहे. पण मनपा निवडणूक प्रभारी म्हणून जलसंपदा मंत्री गिरीष महाजन यांची वर्णी लागल्यापासून आमदार गोटे हे भाजपातील मंत्री महाजन, रावल आणि संरक्षण राज्यमंत्री डॉ. सुभाष भामरे यांच्यावर निशाना साधत होते. यामुळे मतदानाच्या दिवसांपर्यंत निवडणूक चुरशीची ठरली. त्यात आता गोटेंच्या लोकसंग्राम पक्षातील पदाधिकारी व कार्यकर्त्यांवर गुन्हे दाखल करण्यात आले आहेत. यामुळे गोटे आता काय नवीन खेळी खेळतील याकडे शहरासह जिल्हावासींयाचं लक्ष लागलं आहे.
जनतेनेच गोटेंना जागा दाखवलीः गिरीश महाजन
अनिल गोटेंनी अतिशय खालच्या पातळीवरून भाजप नेत्यांवर आणि मंत्र्यांवर टीका केली. निवडणुकीची सूत्र माझ्या हाती दिल्याने सभेमध्ये गोंधळ घातला. नेत्यांना शिवीगाळ केला. पण गोटेंना जनतेनेच धडा शिकवला. पक्षा पेक्षा आपण मोठे हे दाखवण्याचा गोटेंचा प्रयत्न होता. पण जनतेने त्यांना निवडणुकीत योग्य जागा दाखवली. त्यांचा एकच उमेदवार निवडून आला, असं जलसंपदा मंत्री गिरीश महाजन म्हणाले.
गुंडगिरीच्या जीवावर भाजपला यशः गोटे
धुळ्यातील २१ निवडणूक निर्णय अधिकाऱ्यांपैकी ११ अधिकारी जळगावचे होते. भाजपने ईव्हीएमचा घोळ केला. पैशांचा महापूर आणि गुंडगिरीच्या जीवावर भाजपला यश मिळालं, असा आरोप आमदार अनिल गोटेंनी केला आहे. हे गुंड ज्यावेळीस भाजपवर उलटतील तेव्हा त्यांना कळेल. भाजपचा हा विजय महाराष्ट्रासाठी धोक्याचा आहे. आपल्या पापावर विजयाचं पांघरूण घालण्याचा भाजचा प्रयत्न आहे, अशी टीका गोटेंनी केली.
महापालिका निवडणुकीचे निकाल
> भाजपा - ५०
> शिवसेना - २
> राष्ट्रवादी - ९
> काँग्रेस - ५
> एमआयएम - २
> समाजवादी पार्टी - २
> बसपा - १
> लोकसंग्राम पक्ष - १
> अपक्ष - २