विषय मंजुरीवरून वाद; शहरातही धावपळ
म. टा. वृत्तसेवा, धुळे
नंदुरबार नगरपालिकेच्या मंगळवारी (दि. ३) सर्वसाधारण सभेत काँग्रेस आणि भाजपच्या नगरसेवकांमध्ये विषय मंजुरीवरून वाद झाला. या वादाचे रुपांतर पुढे हाणामारीत होऊन तणावाची परिस्थिती निर्माण झाली होती. शहरातही या हाणामारीचे पडसाद उमटले असून, पोलिसांकडून वेळीच शहरातील प्रमुख रस्त्यावर बंदोबस्त लावण्यात आल्याने परिस्थिती नियंत्रणात आली.
नंदुरबार पालिकेची सर्वसाधारण सभा मंगळवारी (दि. ३) सकाळी ११ वाजता आयोजित करण्यात आली होती. या सभेत काँग्रेस आणि भाजपच्या नगरसेवकांमध्ये सभेतील विषय मंजुरीवरून शाब्दिक वाद झाला. या वादाचे पुढे हाणामारीत रुपांतर झाल्याचे चित्र पाहायला मिळाले. या हाणामारीत २ भाजप नगरसेवकांना मारहाण करण्यात आली आहे. तर एका भाजप नगरसेविकेचे पती गंभीर जखमी झाले आहेत. या राड्यावरून नंदुरबार नगरपालिका परिसरात तणावाचे वातावरण होते. नंदुरबार शहरातील काही भागांमध्ये वाद निर्माण झाला. काही जणांच्या जमावाच्या हल्ल्यामुळे शहरातील व्यावसायिकांनी तत्काळ आपापले दुकाने बंद केली. पोलिस अधीक्षक संजय पाटील यांनी पोलिसांचा फौजफाटा शहरातील प्रमुख चौकांसह बाजारपेठेत तैनात केला. तर राज्य राखीव पोलिस बलाचे जवान आणि दंगा काबू पथकाने तत्काळ परिस्थिती नियंत्रणात आणली.
या वेळी पोलिस उपअधिक्षक रमेश पवार, स्थानिक गुन्हे अन्वेषण विभागाचे किशोर नवले, पोलिस उपनिरीक्षक दत्तात्रय गुळींग यांच्यासह पथकाने घटनास्थळी धाव घेत काही जणांना ताब्यात घेऊन चौकशी सुरू केली. नंदुरबार शहरात आता तणावपूर्ण शांतता असून, शहरात शांततेचे आवाहन पोलिस दलाकडून करण्यात आले आहे.
म. टा. वृत्तसेवा, धुळे
नंदुरबार नगरपालिकेच्या मंगळवारी (दि. ३) सर्वसाधारण सभेत काँग्रेस आणि भाजपच्या नगरसेवकांमध्ये विषय मंजुरीवरून वाद झाला. या वादाचे रुपांतर पुढे हाणामारीत होऊन तणावाची परिस्थिती निर्माण झाली होती. शहरातही या हाणामारीचे पडसाद उमटले असून, पोलिसांकडून वेळीच शहरातील प्रमुख रस्त्यावर बंदोबस्त लावण्यात आल्याने परिस्थिती नियंत्रणात आली.
नंदुरबार पालिकेची सर्वसाधारण सभा मंगळवारी (दि. ३) सकाळी ११ वाजता आयोजित करण्यात आली होती. या सभेत काँग्रेस आणि भाजपच्या नगरसेवकांमध्ये सभेतील विषय मंजुरीवरून शाब्दिक वाद झाला. या वादाचे पुढे हाणामारीत रुपांतर झाल्याचे चित्र पाहायला मिळाले. या हाणामारीत २ भाजप नगरसेवकांना मारहाण करण्यात आली आहे. तर एका भाजप नगरसेविकेचे पती गंभीर जखमी झाले आहेत. या राड्यावरून नंदुरबार नगरपालिका परिसरात तणावाचे वातावरण होते. नंदुरबार शहरातील काही भागांमध्ये वाद निर्माण झाला. काही जणांच्या जमावाच्या हल्ल्यामुळे शहरातील व्यावसायिकांनी तत्काळ आपापले दुकाने बंद केली. पोलिस अधीक्षक संजय पाटील यांनी पोलिसांचा फौजफाटा शहरातील प्रमुख चौकांसह बाजारपेठेत तैनात केला. तर राज्य राखीव पोलिस बलाचे जवान आणि दंगा काबू पथकाने तत्काळ परिस्थिती नियंत्रणात आणली.
या वेळी पोलिस उपअधिक्षक रमेश पवार, स्थानिक गुन्हे अन्वेषण विभागाचे किशोर नवले, पोलिस उपनिरीक्षक दत्तात्रय गुळींग यांच्यासह पथकाने घटनास्थळी धाव घेत काही जणांना ताब्यात घेऊन चौकशी सुरू केली. नंदुरबार शहरात आता तणावपूर्ण शांतता असून, शहरात शांततेचे आवाहन पोलिस दलाकडून करण्यात आले आहे.