म. टा. वृत्तसेवा, धुळे
रस्ते अपघात कमी करण्यासाठी काम करणाऱ्या संस्थेच्या बिलांच्या मोबदल्यात ४० हजारांची लाच मागितल्याप्रकरणी धुळे प्रादेशिक परिवहन अधिकारी पी. के. तडवी यांच्याविरोधात एसीबीने देवपूर पोलिस स्टेशन येथे गुन्हा दाखल केला आहे.
शहरातील साईनाथ एजन्सीमार्फत रस्ता सुरक्षा फाउंडेशन या संस्थेमार्फत रस्ता सुरक्षा सप्ताहानिमित्त साहित्याचा पुरवठा केल्याचे १ लाख ८० हजार रुपयांचे बिल प्रादेशिक परिवहन अधिकारी पी. के. तडवी यांच्याकडे जमा केले होते. त्याबदल्यात अधिकारी तडवी यांनी तक्रारदार यांच्याकडून ४० हजारांची मागणी केली. याबाबत तक्रारदार यांनी धुळे लाचलुचपत प्रतिबंधक विभागाकडे लेखी तक्रार केली. त्यानुसार २६ एप्रिल रोजी तक्रारदारांनी कर्मचाऱ्याकडे तडजोडीअंती ३० हजार रुपये दिले असता, कर्मचाऱ्याने ती रक्कम घेतली नाही. तडवींनीदेखील रक्कम स्वीकारली नाही. त्यानंतर अधिकारी तडवींविरुद्ध गुन्हा दाखल करण्यासाठी एसीबीने वरिष्ठ कार्यालयात पत्रव्यवहार केला.
रस्ते अपघात कमी करण्यासाठी काम करणाऱ्या संस्थेच्या बिलांच्या मोबदल्यात ४० हजारांची लाच मागितल्याप्रकरणी धुळे प्रादेशिक परिवहन अधिकारी पी. के. तडवी यांच्याविरोधात एसीबीने देवपूर पोलिस स्टेशन येथे गुन्हा दाखल केला आहे.
शहरातील साईनाथ एजन्सीमार्फत रस्ता सुरक्षा फाउंडेशन या संस्थेमार्फत रस्ता सुरक्षा सप्ताहानिमित्त साहित्याचा पुरवठा केल्याचे १ लाख ८० हजार रुपयांचे बिल प्रादेशिक परिवहन अधिकारी पी. के. तडवी यांच्याकडे जमा केले होते. त्याबदल्यात अधिकारी तडवी यांनी तक्रारदार यांच्याकडून ४० हजारांची मागणी केली. याबाबत तक्रारदार यांनी धुळे लाचलुचपत प्रतिबंधक विभागाकडे लेखी तक्रार केली. त्यानुसार २६ एप्रिल रोजी तक्रारदारांनी कर्मचाऱ्याकडे तडजोडीअंती ३० हजार रुपये दिले असता, कर्मचाऱ्याने ती रक्कम घेतली नाही. तडवींनीदेखील रक्कम स्वीकारली नाही. त्यानंतर अधिकारी तडवींविरुद्ध गुन्हा दाखल करण्यासाठी एसीबीने वरिष्ठ कार्यालयात पत्रव्यवहार केला.