वरिष्ठांच्या निर्णयाकडे इच्छुकांच्या नजरा
म. टा. वृत्तसेवा, धुळे
महापालिकेच्या पंधरा वर्षांच्या कारकिर्दीत दुसऱ्यांदा भाजपचा महापौर विराजमान होणार आहे. निवडून आलेल्या भाजपच्या उमेदवारांमध्ये मातब्बर, अनुभवी, उच्च शिक्षित तसेच तरुण व्यक्तींचा समावेश आहे. त्यामुळे महापौरपदी कोणाची वर्णी लागते, याविषयी नागरिकांमध्ये उत्सुकता निर्माण झाली आहे. मात्र, आता या पदासाठी स्पर्धा होण्याची शक्यता व्यक्त होत आहे.
या पदासाठी ठेकेदार शीतल नवले, उद्योजक हर्षकुमार रेलन, भाजपच्या गटनेत्या प्रतिभा चौधरी, विद्यमान स्थायी समिती सभापती वालीबेन मंडोरे यांच्या नावांची जास्त चर्चा आहे. दरम्यान, महापालिकेतील राष्ट्रवादी काँग्रेसच्या सत्तेचा कार्यकाळ दि. ३१ डिसेंबरला संपुष्टात येणार आहे. महापालिकेत सन २००९ ते २०१३ या पंचवार्षिक काळात राष्ट्रवादी काँग्रेसची सत्ता असताना दुसऱ्या अडीच वर्षाच्या काळासाठी मंजुळा गावित यांच्या माध्यमातून फक्त तीन नगरसेवक असतानाही भारतीय जनता पार्टीला महापौरपद मिळाले होते. त्यानंतर आता पहिल्यांदाच भाजपने महापालिकेत एकहाती सत्ता मिळवली आहे. त्यामुळे धुळ्यात दुसऱ्यांदा भाजपाचा महापौर बसणार असल्याचे स्पष्ट झाले आहे.
यांच्या नावांची चर्चा
महापौरपदासाठी भाजपात स्पर्धा होणार असल्याचे दिसून येत आहे. मात्र, पक्षश्रेष्ठी सांगतील तीच व्यक्ती महापौरपदी विराजमान होणार आहे. त्यामुळे सध्या तरी या पदासाठी माजी महापौर मोहन नवले यांचे सुपुत्र शीतल नवले, उद्योजक हर्षकुमार रेलन यांची नावे आघाडीवर आहेत. शीतल नवले व त्यांचे काका रावण नवले यांच्यातील लढत चर्चेच्या केंद्रस्थानी होती. या लढतीत पुतणे शीतल नवले यांनी बाजी मारली आहे. तर हर्षकुमार नवले हे माजी नगरसेवक असल्याने त्यांनाही मनपातील कामकाजाचा अनुभव आहे. तर भाजपाच्या गटनेत्या प्रतिभा चौधरी या चौथ्यांदा निवडून आल्या आहेत. स्थायी समितीच्या सभापती वालीबेन मंडोरे याही राजकारणात नवीन नाहीत. त्यांनी सभापतीपदाची जबाबदारी यशस्वीपणे पार पाडली. त्यामुळे ही नावे महापौरपदाच्या स्पर्धेत असण्याची शक्यता आहे. परंतु, मनपातील भाजपाचा दुसरा महापौर कोण? याविषयी नागरिकांमध्ये निरनिराळ्या चर्चा सुरू झाल्या आहेत. निवडणुकीनंतर विजयी झालेल्या उमेदवारांची नावे राजपत्रात प्रसिद्ध करण्याची तयारी महापालिका प्रशासनाकडून सुरू झाली आहे. कदाचित आज (दि. १३) नाव राजपत्रात प्रसिद्ध झाल्यानंतर गट नोंदणी केली जाणार असून, त्यानंतरच महापौरपदाच्या निवडणुकीचा कार्यक्रम निश्चित केला जाईल, अशी माहिती मनपा सूत्रांनी दिली.
म. टा. वृत्तसेवा, धुळे
महापालिकेच्या पंधरा वर्षांच्या कारकिर्दीत दुसऱ्यांदा भाजपचा महापौर विराजमान होणार आहे. निवडून आलेल्या भाजपच्या उमेदवारांमध्ये मातब्बर, अनुभवी, उच्च शिक्षित तसेच तरुण व्यक्तींचा समावेश आहे. त्यामुळे महापौरपदी कोणाची वर्णी लागते, याविषयी नागरिकांमध्ये उत्सुकता निर्माण झाली आहे. मात्र, आता या पदासाठी स्पर्धा होण्याची शक्यता व्यक्त होत आहे.
या पदासाठी ठेकेदार शीतल नवले, उद्योजक हर्षकुमार रेलन, भाजपच्या गटनेत्या प्रतिभा चौधरी, विद्यमान स्थायी समिती सभापती वालीबेन मंडोरे यांच्या नावांची जास्त चर्चा आहे. दरम्यान, महापालिकेतील राष्ट्रवादी काँग्रेसच्या सत्तेचा कार्यकाळ दि. ३१ डिसेंबरला संपुष्टात येणार आहे. महापालिकेत सन २००९ ते २०१३ या पंचवार्षिक काळात राष्ट्रवादी काँग्रेसची सत्ता असताना दुसऱ्या अडीच वर्षाच्या काळासाठी मंजुळा गावित यांच्या माध्यमातून फक्त तीन नगरसेवक असतानाही भारतीय जनता पार्टीला महापौरपद मिळाले होते. त्यानंतर आता पहिल्यांदाच भाजपने महापालिकेत एकहाती सत्ता मिळवली आहे. त्यामुळे धुळ्यात दुसऱ्यांदा भाजपाचा महापौर बसणार असल्याचे स्पष्ट झाले आहे.
यांच्या नावांची चर्चा
महापौरपदासाठी भाजपात स्पर्धा होणार असल्याचे दिसून येत आहे. मात्र, पक्षश्रेष्ठी सांगतील तीच व्यक्ती महापौरपदी विराजमान होणार आहे. त्यामुळे सध्या तरी या पदासाठी माजी महापौर मोहन नवले यांचे सुपुत्र शीतल नवले, उद्योजक हर्षकुमार रेलन यांची नावे आघाडीवर आहेत. शीतल नवले व त्यांचे काका रावण नवले यांच्यातील लढत चर्चेच्या केंद्रस्थानी होती. या लढतीत पुतणे शीतल नवले यांनी बाजी मारली आहे. तर हर्षकुमार नवले हे माजी नगरसेवक असल्याने त्यांनाही मनपातील कामकाजाचा अनुभव आहे. तर भाजपाच्या गटनेत्या प्रतिभा चौधरी या चौथ्यांदा निवडून आल्या आहेत. स्थायी समितीच्या सभापती वालीबेन मंडोरे याही राजकारणात नवीन नाहीत. त्यांनी सभापतीपदाची जबाबदारी यशस्वीपणे पार पाडली. त्यामुळे ही नावे महापौरपदाच्या स्पर्धेत असण्याची शक्यता आहे. परंतु, मनपातील भाजपाचा दुसरा महापौर कोण? याविषयी नागरिकांमध्ये निरनिराळ्या चर्चा सुरू झाल्या आहेत. निवडणुकीनंतर विजयी झालेल्या उमेदवारांची नावे राजपत्रात प्रसिद्ध करण्याची तयारी महापालिका प्रशासनाकडून सुरू झाली आहे. कदाचित आज (दि. १३) नाव राजपत्रात प्रसिद्ध झाल्यानंतर गट नोंदणी केली जाणार असून, त्यानंतरच महापौरपदाच्या निवडणुकीचा कार्यक्रम निश्चित केला जाईल, अशी माहिती मनपा सूत्रांनी दिली.