धुळ्यात पांझरा नदीकाठी कार्यवाही
म. टा. वृत्तसेवा, धुळे
शहरातील पांझरा नदीकाठी दुतर्फा प्रत्येकी साडेपाच किलोमीटरचे रस्ते तयार करण्यात येत आहेत. हे काम प्रगतीपथावर असल्याने या रस्त्यांसाठी सोमवार (दि. ८) पासून उत्तरेकडील गणपतीपुळे ते ब्रिजकम बंधाऱ्यापर्यंतचे अतिक्रमण काढण्यास सुरुवात करण्यात आली. याठिकाणी काही निवासी तर काही गुरांच्या गोठ्याचे अतिक्रमण होते. विशेष म्हणजे, हे अतिक्रमण निर्मूलन करताना कुठल्याही प्रकारचा विरोध स्थानिकांनी केला नाही कारण शहरातील विकासात यामुळे भरच पडणार आहे, असे स्थानिकांकडून सांगण्यात आले आहे.
वाहतुकीचा ताण कमी करण्याच्या दृष्टिने दीर्घकालीन उपाययोजना म्हणून आमदार अनिल गोटे यांनी पांझरा नदीकाठी दोन्ही बाजूने रस्ते उभारण्याची संकल्पना मांडून त्यासाठी निधीही उपलब्ध करून घेतला. शिवाय हे काम महापालिका हद्दीत असले, तरी ते सार्वजनिक बांधकाम विभागाच्या माध्यमातून व्हावे, अशी अटच त्यांनी या कामाच्या मंजुरीच्या वेळी ठेवली. यामुळे हे काम सार्वजनिक बांधकाम विभागाच्या माध्यमातून करण्यात येत आहे. रस्त्यांच्या कामाला सुरुवात झाली असून, या भागात असलेल्या २८ अतिक्रमणांचा प्रश्न होता. हे अतिक्रमण काढण्यासंबंधी संबंधितांना सूचनाही देण्यात आल्या होत्या. शिवाय या रस्त्यावरील अतिक्रमणाची पाहणी जिल्हाधिकारी डॉ. दिलीप पांढरपट्टे, प्रांताधिकारी गणेश मिसाळ, तहसीलदार अमोल मोरे, सार्वजनिक बांधकाम विभागाचे उपकार्यकारी अभियंता विनोद भदाणे यांनी केली होती. त्यानुसार हे अतिक्रमण काढण्याचे निश्चित करण्यात आले होते. गेल्या दोन दिवसांपासून अतिक्रमण निर्मूलनासाठी सार्वजनिक बांधकाम विभागाने ५ जेसीबींसह डंपर व ट्रॅक्टर तसेच अधिकारी, कर्मचाऱ्यांचा ताफा रस्त्यावर उतरविला असून, हे अतिक्रमण काढून याठिकाणी नवीन रस्त्याच्या कामाला सुरुवात करण्यात येणार आहे. जनतेनही या अतिक्रमण निर्मूलनाला विरोध केला नाही, त्यामुळे प्रशासनानेही समाधान व्यक्त केले.
म. टा. वृत्तसेवा, धुळे
शहरातील पांझरा नदीकाठी दुतर्फा प्रत्येकी साडेपाच किलोमीटरचे रस्ते तयार करण्यात येत आहेत. हे काम प्रगतीपथावर असल्याने या रस्त्यांसाठी सोमवार (दि. ८) पासून उत्तरेकडील गणपतीपुळे ते ब्रिजकम बंधाऱ्यापर्यंतचे अतिक्रमण काढण्यास सुरुवात करण्यात आली. याठिकाणी काही निवासी तर काही गुरांच्या गोठ्याचे अतिक्रमण होते. विशेष म्हणजे, हे अतिक्रमण निर्मूलन करताना कुठल्याही प्रकारचा विरोध स्थानिकांनी केला नाही कारण शहरातील विकासात यामुळे भरच पडणार आहे, असे स्थानिकांकडून सांगण्यात आले आहे.
वाहतुकीचा ताण कमी करण्याच्या दृष्टिने दीर्घकालीन उपाययोजना म्हणून आमदार अनिल गोटे यांनी पांझरा नदीकाठी दोन्ही बाजूने रस्ते उभारण्याची संकल्पना मांडून त्यासाठी निधीही उपलब्ध करून घेतला. शिवाय हे काम महापालिका हद्दीत असले, तरी ते सार्वजनिक बांधकाम विभागाच्या माध्यमातून व्हावे, अशी अटच त्यांनी या कामाच्या मंजुरीच्या वेळी ठेवली. यामुळे हे काम सार्वजनिक बांधकाम विभागाच्या माध्यमातून करण्यात येत आहे. रस्त्यांच्या कामाला सुरुवात झाली असून, या भागात असलेल्या २८ अतिक्रमणांचा प्रश्न होता. हे अतिक्रमण काढण्यासंबंधी संबंधितांना सूचनाही देण्यात आल्या होत्या. शिवाय या रस्त्यावरील अतिक्रमणाची पाहणी जिल्हाधिकारी डॉ. दिलीप पांढरपट्टे, प्रांताधिकारी गणेश मिसाळ, तहसीलदार अमोल मोरे, सार्वजनिक बांधकाम विभागाचे उपकार्यकारी अभियंता विनोद भदाणे यांनी केली होती. त्यानुसार हे अतिक्रमण काढण्याचे निश्चित करण्यात आले होते. गेल्या दोन दिवसांपासून अतिक्रमण निर्मूलनासाठी सार्वजनिक बांधकाम विभागाने ५ जेसीबींसह डंपर व ट्रॅक्टर तसेच अधिकारी, कर्मचाऱ्यांचा ताफा रस्त्यावर उतरविला असून, हे अतिक्रमण काढून याठिकाणी नवीन रस्त्याच्या कामाला सुरुवात करण्यात येणार आहे. जनतेनही या अतिक्रमण निर्मूलनाला विरोध केला नाही, त्यामुळे प्रशासनानेही समाधान व्यक्त केले.