‘घरकूल’चे काम खान्देश बिल्डर्सला

धुळे : जळगाव घरकूल बांधकामाचे काम नगरपालिकेकडून खान्देश बिल्डर्सला देण्यात आले होते आणि खान्देश बिल्डर्सने हे काम ईसीसी कंपनीला करार देऊन कराराप्रमाणे १८ महिन्यांची मुदत दिली होती. या करारवर खान्देश बिल्डर्सचे संचालक जगन्नाथ वाणी यांची स्वाक्षरी होती. मात्र, नगरपालिकेकडून खान्देश बिल्डर्सला देण्यात आलेल्या मूळ करारामध्ये कामाचा कालावधी नऊ महिन्यांचा होता, असे असूनही ईसीसी कंपनीला १८ महिन्यांचा कालावधी देण्यात आल्याची माहिती मुख्य तपास अधिकारी तत्कालीन जळगाव अप्पर पोलिस अधीक्षक इशू सिंधू यांनी साक्ष नोंदविताना दिली. याप्रकरणी साक्ष नोंदविण्याचा सिंधू यांचा सहावा दिवस होता. याबाबत नगरपालिका व खान्देश बिल्डर्स यांच्यामध्ये आठ करार झाले होते. या करारासंबंधी कागदपत्रे जप्तही करण्यात आली, अशी माहिती साक्ष सिंधू यांनी दिली.