महाराष्ट्र हादरला! आमरण उपोषणाला बसलेल्या आजोबांचा मृत्यू, आजींची प्रकृती चिंताजनक

धुळे : महाराष्ट्राला हादरवून सोडणारी धक्कादायक घटना धुळ्यात घडली आहे. उपोषणाला बसलेल्या वृद्ध दाम्पत्यांपैकी वृद्ध आजोबांचा उपोषणादरम्यान प्रकृती खालावल्याने मृत्यू झाला आहे तर आजींचीदेखील प्रकृती चिंताजनक असल्याची माहिती समोर येत आहे.

मिळालेल्या माहितीनुसार, सुधन्वा भदाने आणि त्यांच्या पत्नी रंजना भदाणे हे वृद्ध दाम्पत्य गेल्या १४ मार्चपासून प्रशासनाच्या विरोधामध्ये उपोषणासाठी बसले होते. तीन दिवसांच्या उपोषणानंतर दोघांचीही प्रकृती खालावली होती. अखेर यात आजोंबाचा मृत झाला तर आजींची प्रकृती गंभीर असल्याचं सांगण्यात येत आहे. पण तरीदेखील या तीन दिवसांमध्ये प्रशासनाचा कुठलाही अधिकारी या वृद्ध दांपत्याची साधी विचारणा करण्यासाठीदेखील फिरकला नसल्याचा आरोप नातेवाईकांकडून करण्यात आला आहे.

Weather Alert : राज्यावर पुन्हा आस्मानी संकट; मुंबई, पुण्यासह 'या' जिल्ह्यांना हवामानाचा इशारा
संतप्त नातेवाईकांनी संबंधित दुर्लक्ष करणाऱ्या अधिकाऱ्यांवर कारवाईची मागणी करत मृतदेह ताब्यात न घेण्याचा पावित्रा घेतला असून आजींवर सध्या शासकीय जिल्हा रुग्णालयात उपचार सुरू आहेत. यासंबंधी आता पोलीस अधिक तपास करत असल्याची माहिती आहे.