महापालिका निवडणुकीत महापौरसाठी स्वत:चे नाव
म. टा. वृत्तसेवा, धुळे
शहराचे आमदार अनिल गोटे यांनी अखेर स्वतःचेच नाव महापौर उमेदवार म्हणून घोषित करीत ‘मेरा वचन ही मेरा शासन है’, असे म्हणत रविवारी (दि. ११) रात्री सभेत स्वकियांविरोधात दंड थोपटले आहे. त्यामुळे आता धुळ्यात ‘भाजप विरुद्ध भाजप’ अशीच लढत महापालिकेच्या निवडणुकीत दिसून येणार असल्याचे चित्र आहे.
माझ्या ताब्यात महापालिका द्या, तुम्हाला रोज एक तास पिण्याचे पाणी, गुळगुळीत रस्ते, गरिबांच्या झोपड्यांना सातबारा उतारा देण्याचा शब्द त्यांनी या वेळी बोलताना दिला. आमदार अनिल गोटे यांनी, रविवारी (दि. ११) आपल्या भाषणात स्वकियांसोबत अन्य विरोधकांवर टीका केली. बाहेरून आलेल्या लोकांनी आपल्याला राजकारण शिकवू नये. प्रत्येकाच्या फायलींचे भरलेले गोडावून आपल्याकडे असून, माझ्या नादी लागाल तर ते गोडावून खुले करून तुमची वाट लावेल, असा सज्जड दमही त्यांनी भरला.
विरोधकांवर निशाणा
केंद्रीय संरक्षण राज्यमंत्री डॉ. सुभाष भामरे यांच्यावर सरळ निशाणा साधत आमदार गोटे यांनी ‘रेल्वे आली म्हणे’ असे सांगणारे डॉ. भामरे हे खोटारडे असून, फेकमफाक करण्यात मास्टर असल्याची टीका केली. ते सगळीकडे सांगत सुटताहेत २५ हजार कोटी आणले, मात्र ते कुणी पाहिले. त्यातून कोणती कामे झालीत, असे प्रश्न त्यांनी उपस्थित केले. आमदार गोटे यांनी महापौर पदासाठी स्वतःचेच नाव घोषित करून बॉम्ब टाकला असून, त्याचे काय परिणाम होतात ते पाहणे मजेशीर ठरेल. आमदार गोटेंनी मंत्री जयकुमार रावल यांनाही फैलावर घेतले. त्यांच्याच खात्यात भ्रष्टाचार बोकाळल्याची टीकाही गोटेंनी केली. राष्ट्रवादी काँग्रेसचे माजी आमदार राजवर्धन कदमबांडे यांच्यासोबतच्या छुप्या युतीबाबतही आमदार गोटे यांनी भाष्य केले. आजचा भाजप स्वर्गीय अटलबिहारी वाजपेयी यांना अपेक्षित उरला नसल्याची खंतही त्यांनी मांडली.
आज भूमिका स्पष्ट करणार
भारतीय जनता पक्षाच्या राज्यातील सर्व आमदारांना आमदार अनिल गोटे खुले पत्र देणार असून, विधिमंडळ अधिवेशनाच्या पहिल्या दिवशी मी विधानसभा अध्यक्षांना प्रत्यक्ष भेटून सदस्यत्वाचा राजीनामा देणार असल्याची माहिती आमदार अनिल गोटे यांनी ‘मटा’शी बोलताना दिली. आज (दि. १३) दुपारी सोशल मीडियावर याबाबतची इतर माहिती देणार असल्याचेही त्यांनी सांगितले.
म. टा. वृत्तसेवा, धुळे
शहराचे आमदार अनिल गोटे यांनी अखेर स्वतःचेच नाव महापौर उमेदवार म्हणून घोषित करीत ‘मेरा वचन ही मेरा शासन है’, असे म्हणत रविवारी (दि. ११) रात्री सभेत स्वकियांविरोधात दंड थोपटले आहे. त्यामुळे आता धुळ्यात ‘भाजप विरुद्ध भाजप’ अशीच लढत महापालिकेच्या निवडणुकीत दिसून येणार असल्याचे चित्र आहे.
माझ्या ताब्यात महापालिका द्या, तुम्हाला रोज एक तास पिण्याचे पाणी, गुळगुळीत रस्ते, गरिबांच्या झोपड्यांना सातबारा उतारा देण्याचा शब्द त्यांनी या वेळी बोलताना दिला. आमदार अनिल गोटे यांनी, रविवारी (दि. ११) आपल्या भाषणात स्वकियांसोबत अन्य विरोधकांवर टीका केली. बाहेरून आलेल्या लोकांनी आपल्याला राजकारण शिकवू नये. प्रत्येकाच्या फायलींचे भरलेले गोडावून आपल्याकडे असून, माझ्या नादी लागाल तर ते गोडावून खुले करून तुमची वाट लावेल, असा सज्जड दमही त्यांनी भरला.
विरोधकांवर निशाणा
केंद्रीय संरक्षण राज्यमंत्री डॉ. सुभाष भामरे यांच्यावर सरळ निशाणा साधत आमदार गोटे यांनी ‘रेल्वे आली म्हणे’ असे सांगणारे डॉ. भामरे हे खोटारडे असून, फेकमफाक करण्यात मास्टर असल्याची टीका केली. ते सगळीकडे सांगत सुटताहेत २५ हजार कोटी आणले, मात्र ते कुणी पाहिले. त्यातून कोणती कामे झालीत, असे प्रश्न त्यांनी उपस्थित केले. आमदार गोटे यांनी महापौर पदासाठी स्वतःचेच नाव घोषित करून बॉम्ब टाकला असून, त्याचे काय परिणाम होतात ते पाहणे मजेशीर ठरेल. आमदार गोटेंनी मंत्री जयकुमार रावल यांनाही फैलावर घेतले. त्यांच्याच खात्यात भ्रष्टाचार बोकाळल्याची टीकाही गोटेंनी केली. राष्ट्रवादी काँग्रेसचे माजी आमदार राजवर्धन कदमबांडे यांच्यासोबतच्या छुप्या युतीबाबतही आमदार गोटे यांनी भाष्य केले. आजचा भाजप स्वर्गीय अटलबिहारी वाजपेयी यांना अपेक्षित उरला नसल्याची खंतही त्यांनी मांडली.
आज भूमिका स्पष्ट करणार
भारतीय जनता पक्षाच्या राज्यातील सर्व आमदारांना आमदार अनिल गोटे खुले पत्र देणार असून, विधिमंडळ अधिवेशनाच्या पहिल्या दिवशी मी विधानसभा अध्यक्षांना प्रत्यक्ष भेटून सदस्यत्वाचा राजीनामा देणार असल्याची माहिती आमदार अनिल गोटे यांनी ‘मटा’शी बोलताना दिली. आज (दि. १३) दुपारी सोशल मीडियावर याबाबतची इतर माहिती देणार असल्याचेही त्यांनी सांगितले.