मटा ऑनलाइन वृत्त । नंदुरबार
महाडमध्ये पुराच्या तडाख्याने पूल कोसळून झालेल्या दुर्घटनेत दोन एसटी बस वाहून गेल्याची घटना ताजी असतानाच आज पहाटे नंदुरबारमध्येही पुरात एसटी बस वाहून गेल्याची दुर्घटना घडली. स्थानिकांच्या प्रसंगावधानामुळे या बसमधील चालक, वाहक व १७ प्रवाशांना वाचवण्यात यश आलं आहे.
गुजरातला लागून असलेल्या महाराष्ट्रातील नंदुरबार जिल्ह्यात काल बुधवारपासून मुसळधार पाऊस कोसळत आहे. संततधार पावसामुळे जिल्ह्यातील अनेक नद्या दुथडी भरून वाहत आहेत. नवापूरमधील रंगावली नदीला तर पूर आला असून याच पुरात एसटी बस वाहून गेली.
ही एसटी बस जालना येथून सूरतकडे जात होती. पहाटे साडेपाचच्या सुमारास ही बस नवापूर शहरापासून जवळच असलेल्या रंगावली नदीपुलावरून जात असताना पुरात अडकली. पूल पूर्णपणे पाण्यात बुडाला होता मात्र चालकाला त्याचा अंदाज न आल्याने बस पाण्याच्या प्रवाहासोबत वाहून गेली.
दरम्यान, नदीशेजारीच वस्ती असल्याने या दुर्घटनेबाबत कळताच स्थानिकांनी धाव घेतली आणि महाडची पुनरावृत्ती टळली. बसमधील सर्व १७ प्रवासी तसेच वाहक आणि चालकाला जेसीबीच्या सहाय्याने सुखरूप बाहेर काढण्यात यश आलं आहे.
महाडमध्ये पुराच्या तडाख्याने पूल कोसळून झालेल्या दुर्घटनेत दोन एसटी बस वाहून गेल्याची घटना ताजी असतानाच आज पहाटे नंदुरबारमध्येही पुरात एसटी बस वाहून गेल्याची दुर्घटना घडली. स्थानिकांच्या प्रसंगावधानामुळे या बसमधील चालक, वाहक व १७ प्रवाशांना वाचवण्यात यश आलं आहे.
गुजरातला लागून असलेल्या महाराष्ट्रातील नंदुरबार जिल्ह्यात काल बुधवारपासून मुसळधार पाऊस कोसळत आहे. संततधार पावसामुळे जिल्ह्यातील अनेक नद्या दुथडी भरून वाहत आहेत. नवापूरमधील रंगावली नदीला तर पूर आला असून याच पुरात एसटी बस वाहून गेली.
ही एसटी बस जालना येथून सूरतकडे जात होती. पहाटे साडेपाचच्या सुमारास ही बस नवापूर शहरापासून जवळच असलेल्या रंगावली नदीपुलावरून जात असताना पुरात अडकली. पूल पूर्णपणे पाण्यात बुडाला होता मात्र चालकाला त्याचा अंदाज न आल्याने बस पाण्याच्या प्रवाहासोबत वाहून गेली.
दरम्यान, नदीशेजारीच वस्ती असल्याने या दुर्घटनेबाबत कळताच स्थानिकांनी धाव घेतली आणि महाडची पुनरावृत्ती टळली. बसमधील सर्व १७ प्रवासी तसेच वाहक आणि चालकाला जेसीबीच्या सहाय्याने सुखरूप बाहेर काढण्यात यश आलं आहे.