म. टा. वृत्तसेवा, धुळे
नागपूर-सुरत महामार्गावरील अजंगगाव शिवारात असलेल्या कोयल पेट्रोलपंपावर रविवारी (दि. १६) पहाटे तीन वाजेच्या सुमारास दरोडेखोरांनी कर्मचाऱ्यांना मारहाण करीत दरोडा टाकल्याची घटना घडली आहे. यावेळी दरोडेखोरांनी केलेल्या हल्ल्यात पेट्रोलपंपावर झोपलेल्या जेसीबी चालकाचा जागीच मृत्यू झाला. तर अन्य तीन कर्मचारी जखमी झाले. या दरोड्यात एकूण चौदा हजार रुपयांचा ऐवज लंपास केला आहे. ही चड्डी बनियान दरोडेखोरांची टोळी असल्याचा संशय पोलिसांनी व्यक्त केला आहे.
धुळे तालुक्यातील फागणे ते अजंग गावादरम्यान असलेल्या रस्त्यावर कोयल पेट्रोलपंप आहे. हा पंप २४ तास सुरू असतो, रविवारी, पहाटे तीन वाजेच्या सुमारास पंपावर कामाला असलेले मॅनेजर प्रकाश बुधा पाटील (वय ३३, रा. फागणे), जगदीश सूर्यवंशी (वय २०, रा. फागणे) आणि दीपक पाटील (वय ३५, रा. देवभाने) हे तिघे टी. व्ही. पाहत बसले होते. त्यांना तीनजण चड्डी बनियानावर तोंडाला फडके बांधून पेट्रोलपंपामध्ये येताना दिसले. त्यामुळे ते सावध झाले. मात्र तिघा कर्मचाऱ्यांच्या कॅबिनकडे येत असताना शेजारच्या खोलीच्या बाहेर झोपलेले जेसीबीचालक इस्माईल बाबूभाई उर्फ सैय्यद (वय ७४, रा. शिवाजी चौक, निफाड जि. नाशिक) यांनाही जाग आल्याने ते नेमके काय झाले हे पाहण्यासाठी उठून येत असताना दरोडेखोरांना ते विरोध करण्यासाठी येत असल्याचे वाटल्याने त्यांनी प्रथम त्यांच्यावर हल्ला केला. हल्ला जोरदार असल्याने इस्माईल बाबूभाई हे मृत्यूमुखी पडले. हे पाहून इतर तिघे घाबरले. दरोडेखोरांनी प्रवेश करीत कर्मचाऱ्यांना दमदाटी करीत 'पैसे किधर है' अशी विचारणा केली. यावेळी घाबरलेले प्रकाश पाटील यांनी पैसे काढून दिल्यानंतर दरोडेखोरांनी त्यांच्या हातातील चांदीचे एक हजार रुपये किमतीचे ब्रेसलेट आणि त्यांचा तीन हजार रुपये किमतीचा मोबाइल हिसकावून घेतला. दरोडेखोर जाताच जगदीश सूर्यवंशी या कर्मचाऱ्याने मोटारसायकलने पेट्रोलपंपाचे मालक विखील रमेश शामसुखा यांना याची माहिती दिली. त्यांनी पोलिसांशी संपर्क साधून पेट्रोलपंप गाठला.
याप्रकरणी प्रकाश बुधा पाटील यांनी दिलेल्या तक्रारीवरून तालुका पोलिस स्टेशनला भादंवी कलम ३०२, ३९४, ३९७, ३४ नुसार खून, दरोड्याचा गुन्हा दाखल करण्यात आला आहे. घटनास्थळी पोलिस निरीक्षक दिवाणसिंग वसावे, उपविभागीय पोलिस अधिकारी हिंमत जाधव यांनी
भेट दिली.
नागपूर-सुरत महामार्गावरील अजंगगाव शिवारात असलेल्या कोयल पेट्रोलपंपावर रविवारी (दि. १६) पहाटे तीन वाजेच्या सुमारास दरोडेखोरांनी कर्मचाऱ्यांना मारहाण करीत दरोडा टाकल्याची घटना घडली आहे. यावेळी दरोडेखोरांनी केलेल्या हल्ल्यात पेट्रोलपंपावर झोपलेल्या जेसीबी चालकाचा जागीच मृत्यू झाला. तर अन्य तीन कर्मचारी जखमी झाले. या दरोड्यात एकूण चौदा हजार रुपयांचा ऐवज लंपास केला आहे. ही चड्डी बनियान दरोडेखोरांची टोळी असल्याचा संशय पोलिसांनी व्यक्त केला आहे.
धुळे तालुक्यातील फागणे ते अजंग गावादरम्यान असलेल्या रस्त्यावर कोयल पेट्रोलपंप आहे. हा पंप २४ तास सुरू असतो, रविवारी, पहाटे तीन वाजेच्या सुमारास पंपावर कामाला असलेले मॅनेजर प्रकाश बुधा पाटील (वय ३३, रा. फागणे), जगदीश सूर्यवंशी (वय २०, रा. फागणे) आणि दीपक पाटील (वय ३५, रा. देवभाने) हे तिघे टी. व्ही. पाहत बसले होते. त्यांना तीनजण चड्डी बनियानावर तोंडाला फडके बांधून पेट्रोलपंपामध्ये येताना दिसले. त्यामुळे ते सावध झाले. मात्र तिघा कर्मचाऱ्यांच्या कॅबिनकडे येत असताना शेजारच्या खोलीच्या बाहेर झोपलेले जेसीबीचालक इस्माईल बाबूभाई उर्फ सैय्यद (वय ७४, रा. शिवाजी चौक, निफाड जि. नाशिक) यांनाही जाग आल्याने ते नेमके काय झाले हे पाहण्यासाठी उठून येत असताना दरोडेखोरांना ते विरोध करण्यासाठी येत असल्याचे वाटल्याने त्यांनी प्रथम त्यांच्यावर हल्ला केला. हल्ला जोरदार असल्याने इस्माईल बाबूभाई हे मृत्यूमुखी पडले. हे पाहून इतर तिघे घाबरले. दरोडेखोरांनी प्रवेश करीत कर्मचाऱ्यांना दमदाटी करीत 'पैसे किधर है' अशी विचारणा केली. यावेळी घाबरलेले प्रकाश पाटील यांनी पैसे काढून दिल्यानंतर दरोडेखोरांनी त्यांच्या हातातील चांदीचे एक हजार रुपये किमतीचे ब्रेसलेट आणि त्यांचा तीन हजार रुपये किमतीचा मोबाइल हिसकावून घेतला. दरोडेखोर जाताच जगदीश सूर्यवंशी या कर्मचाऱ्याने मोटारसायकलने पेट्रोलपंपाचे मालक विखील रमेश शामसुखा यांना याची माहिती दिली. त्यांनी पोलिसांशी संपर्क साधून पेट्रोलपंप गाठला.
याप्रकरणी प्रकाश बुधा पाटील यांनी दिलेल्या तक्रारीवरून तालुका पोलिस स्टेशनला भादंवी कलम ३०२, ३९४, ३९७, ३४ नुसार खून, दरोड्याचा गुन्हा दाखल करण्यात आला आहे. घटनास्थळी पोलिस निरीक्षक दिवाणसिंग वसावे, उपविभागीय पोलिस अधिकारी हिंमत जाधव यांनी
भेट दिली.