म. टा. वृत्तसेवा, धुळे
पांझरा चौपाटीबाबत येथील स्टॉलधारक को-ऑपरेटिव्ह सोसायटीने महसूल राज्यमंत्री संजय राठोड यांनी चौपाटी नियमानुकूल करण्यास नकार दिल्याच्या निर्णयावर पुनर्विलोकन अर्ज राज्य सरकारकडे दाखल केला होता. त्यावर नैसर्गिक न्याय तत्वानुसार १ एप्रिलला सुनावणी होईल. त्यामुळेच १ एप्रिलला निर्णय जाहीर होईपर्यंत जिल्हा महसूल यंत्रणेने आज (दि. १०) चौपाटीवर होणारी अतिक्रमण निर्मुलन मोहीम तूर्त थांबवावी, असे निर्देश महसूल राज्यमंत्री संजय राठोड यांनी धुळे जिल्हाधिकाऱ्यांना गुरुवारी (दि. ९) सायंकाळी दूरध्वनीद्वारे दिले आहेत. त्यामुळे स्टॉलधारकांना तूर्त दिलासा मिळाला आहे.
दुसरीकडे चौपाटीवरील कारवाई करू देणार नाही, अशी भूमिका लोकसंग्राम पक्षाच्या कार्यकर्त्यांसह स्टॉल धारकांनी गुरुवारी (दि. ९) सकाळी घेतली. तेजस गोटे यांच्या नेतृत्वाखाली चौपाटीवर स्टॉल धारकांनी कुटुंबासह आंदोलनाला सुरुवात केली आहे. पांझरा किनारी आमदार अनिल गोटे यांनी उभारलेल्या चौपाटीवर अतिक्रमण ठरवून तेथील ५३ स्टॉल, ९० बाक, पाण्याच्या टाक्या आणि बांधकाम हटविण्याची नोटीस महापालिका प्रशासनाकडून बजावण्यात आली आहे. या नोटिसीनंतर आमदार गोटे आणि विरोधकांमध्ये आरोप-प्रत्यारोप झाले. त्यामुळे शहरात चांगलेच राजकीय वातावरण तापले होते.
पक्षांच्या भूमिकेकडे नागरिकांचे लक्ष
या सर्व प्रकाराबाबत धुळेकरांमधून निरनिराळ्या प्रकारचे तर्कवितर्क लावले जात आहेत. मात्र, प्रशासनाने चौपाटीवरील अतिक्रमण हटविण्यासाठी मनपाचे पाच ट्रॅक्टर, पाच ट्रक, १ जेसीबी, क्रेन, ५ ब्रेकर, कटर या साहित्यासह ३० कामगारांची व्यवस्था केली आहे. आता या कारवाईच्या स्थगितीचे आदेश आल्यानंतर मनपा आणि महसूल विभागाची तयारी सध्या तरी थांबवावी लागणार आहे. त्यामुळे आज (दि. १०) पांझरा चौपाटीवरील अतिक्रमण काढण्यासाठी विरोध करणारे आमदार गोटे यांच्या लोकसंग्राम पक्षाची काय भूमिका असले याकडे लक्ष लागले आहे. तर दुसरीकडे शिवसेना, राष्ट्रवादीच्या पाठपुराव्यामुळे अतिक्रमण निघत असल्याचा आरोपदेखील केला आहे. आता स्थगितीनंतर भूमिका काय, याकडे लक्ष लागले आहे.
पांझरा चौपाटीबाबत येथील स्टॉलधारक को-ऑपरेटिव्ह सोसायटीने महसूल राज्यमंत्री संजय राठोड यांनी चौपाटी नियमानुकूल करण्यास नकार दिल्याच्या निर्णयावर पुनर्विलोकन अर्ज राज्य सरकारकडे दाखल केला होता. त्यावर नैसर्गिक न्याय तत्वानुसार १ एप्रिलला सुनावणी होईल. त्यामुळेच १ एप्रिलला निर्णय जाहीर होईपर्यंत जिल्हा महसूल यंत्रणेने आज (दि. १०) चौपाटीवर होणारी अतिक्रमण निर्मुलन मोहीम तूर्त थांबवावी, असे निर्देश महसूल राज्यमंत्री संजय राठोड यांनी धुळे जिल्हाधिकाऱ्यांना गुरुवारी (दि. ९) सायंकाळी दूरध्वनीद्वारे दिले आहेत. त्यामुळे स्टॉलधारकांना तूर्त दिलासा मिळाला आहे.
दुसरीकडे चौपाटीवरील कारवाई करू देणार नाही, अशी भूमिका लोकसंग्राम पक्षाच्या कार्यकर्त्यांसह स्टॉल धारकांनी गुरुवारी (दि. ९) सकाळी घेतली. तेजस गोटे यांच्या नेतृत्वाखाली चौपाटीवर स्टॉल धारकांनी कुटुंबासह आंदोलनाला सुरुवात केली आहे. पांझरा किनारी आमदार अनिल गोटे यांनी उभारलेल्या चौपाटीवर अतिक्रमण ठरवून तेथील ५३ स्टॉल, ९० बाक, पाण्याच्या टाक्या आणि बांधकाम हटविण्याची नोटीस महापालिका प्रशासनाकडून बजावण्यात आली आहे. या नोटिसीनंतर आमदार गोटे आणि विरोधकांमध्ये आरोप-प्रत्यारोप झाले. त्यामुळे शहरात चांगलेच राजकीय वातावरण तापले होते.
पक्षांच्या भूमिकेकडे नागरिकांचे लक्ष
या सर्व प्रकाराबाबत धुळेकरांमधून निरनिराळ्या प्रकारचे तर्कवितर्क लावले जात आहेत. मात्र, प्रशासनाने चौपाटीवरील अतिक्रमण हटविण्यासाठी मनपाचे पाच ट्रॅक्टर, पाच ट्रक, १ जेसीबी, क्रेन, ५ ब्रेकर, कटर या साहित्यासह ३० कामगारांची व्यवस्था केली आहे. आता या कारवाईच्या स्थगितीचे आदेश आल्यानंतर मनपा आणि महसूल विभागाची तयारी सध्या तरी थांबवावी लागणार आहे. त्यामुळे आज (दि. १०) पांझरा चौपाटीवरील अतिक्रमण काढण्यासाठी विरोध करणारे आमदार गोटे यांच्या लोकसंग्राम पक्षाची काय भूमिका असले याकडे लक्ष लागले आहे. तर दुसरीकडे शिवसेना, राष्ट्रवादीच्या पाठपुराव्यामुळे अतिक्रमण निघत असल्याचा आरोपदेखील केला आहे. आता स्थगितीनंतर भूमिका काय, याकडे लक्ष लागले आहे.