गुरांना चरण्यासाठी जंगलात घेऊन गेला; पण तो परत आलाच नाही

गडचिरोलीः जिल्ह्यातील कुरखेडा तालुक्यात समाविष्ठ अरततोंडी येथील कृष्णा लोम्बाजी लोहंबरे (३४) यांचा मृतदेह गुरुवारी २३ सप्टेंबर रोजी गावापासून पाच किलोमीटर अंतरावर देऊळगाव खरमतटोला जंगलात आढळून आला. त्याचा मृत्यू सर्पदंशाने झाला असावा असा अंदाज व्यक्त केला जात आहे.

मृतक कृष्णा हा गावातील गुरे राखण्याचे काम करीत होता. बुधवारी नेहमीप्रमाणे गावातील गुरे घेऊन जंगलात गेला होता, सायंकाळी गुरे परत आली मात्र, रात्र होऊनही कृष्णा परत न आल्याने कुटुंबियाकडून रात्री शोधमोहीम राबविण्यात आली. परंतु, त्याचा पत्ता लागला नाही. गुरुवारी सकाळी पुन्हा शोध मोहीम राबविण्यात आली. तेव्हा गावापासून पाच किलोमीटर अंतरावर जंगलात त्याचा मृतदेह आढळून आला.

वाचाः राज्यातील दहा लाख वाहनचालकांना नोटीस; कारण काय?

घटनेची माहिती मिळताच वनविभागाचे कर्मचारी तसेच पोलिसांनी घटनास्थळ गाठून पंचनामा केला व मृतदेह उत्तरीय तपासणीसाठी कुरखेडा उपजिल्हा रुग्णालयात पाठविले मृतकांच्या कुटुंबीयांना शासकीय मदत मिळावी, अशी मागणी गावकऱ्यांनी केली आहे. त्यांच्या पश्चात पत्नी दोन मुले आई-वडील भाऊ असा मोठा आप्तपरिवार आहे.

वाचाः काँग्रेसनेत्यांचे लोटांगण; फडणवीसांच्या भेटीमुळं शिवसेना- राष्ट्रवादीत नाराजीवाचाः अनिल देशमुख यांच्या अर्जावर २९ सप्टेंबरला सुनावणी