ajit pawar : 'त्यांची युती झाली की नाही? हेच कळत नाही', अजित पवारांचा भाजप-मनसेला टोला

गडचिरोली : उपमुख्यमंत्री अजित पवार आणि गृहमंत्री दिलीप वळसे पाटील आज गडचिरोली जिल्हा पोलिस मुख्यालयात दाखल झाले. त्यांनी शहीद पोलीस स्मृती स्तंभावर आदरांजली वाहिली. याच ठिकाणी असलेल्या शहीद पोलीस स्मृती गॅलरीला भेट देत त्यांनी माहिती जाणून घेतली. यावेली अजित पवार यांनी माध्यमांशी संवाद साधला. देशाला स्वातंत्र्य मिळून आता ७५ वर्षे झाली. मात्र आजवर हा भोंग्याचा ( ajit pawar slams mns ) प्रश्न कधी उपस्थित झाला नाही. या प्रश्नापेक्षा लोकांच्या रोजीरोटीचा प्रश्न अधिक महत्त्वाचा आहे, असे म्हणत अजितदादांनी मनसे अध्यक्ष राज ठाकरे यांना टोला लगावला.

राज्यात भाजप-मनसेच्या युतीची जोरदार चर्चा सुरू आहे. यावरील अजितदादांनी उत्तर दिलं. राज्य आणि देशात राजयकी पक्षांच्या अशा आघाड्या होत असतात. देशपातळीवर NDA-UPA अशा आघाड्या आपण पाहिल्या आहेत. यांची युती झाली की नाही याबाबत संभ्रम आहे. काही कळायला मार्ग नाही. पण सत्तेसाठी अशा युती आणि आघाड्या होत असतात, असे अजित पवार म्हणाले.

raj thackeray : 'राज' सभेला असा असणार पोलिसांचा बंदोबस्त; इतर जिल्ह्यांतून मागवला जाणार फौजफाटा

गडचिरोली जिल्ह्यातील मर्दिनटोला येथे १३ नोव्हेंबर २०२१ ला जंगल परिसरात झालेल्या चकमकीत यशस्वी पोलीस पथकाचा सन्मान सोहळा पोलीस मुख्यालयात पार पडला. या चकमकीत ४ राज्यांचा नक्षल प्रमुख असलेला मिलिंद तेलतुंबडे टिपला गेला होता. सन्मान सोहळ्यात कौतुक करताना प्रत्येक पथक जवानाची अजित पवार यांनी आस्थेने विचारपूस केली. त्यांच्या शौर्य-पराक्रमाची पवार यांनी प्रशंसा केली. C60 नक्षल विरोधी पथक जवानांच्या कमांडो भत्त्यात वाढ करण्याची घोषणाही अजित पवार यांनी यावेळी केली.

राज ठाकरेंच्या पुणे दौऱ्याची थाटात सुरुवात; वेशीवेशीवर मनसैनिक स्वागताला