गडचिरोली : आष्टी जवळपासच्या परिसरात नरभक्षक बिबट्याने आणखी एका इसमाला ठार केल्याची घटना आज ०१ ऑक्टोबर रोजी पहाटे उघडकीस आली. शंकर गंगाराम चिताडे (५५) वर्ष राहणार इल्लूर,तालुका चामोर्शी, जिल्हा गडचिरोली असे बिबट्याच्या हल्ल्यात ठार झालेल्या इसमाचे नाव आहे. मिळालेल्या माहितीनुसार, ३० सप्टेंबरला ११ वाजताच्या सुमारास शंकर चिताडे हा इल्लूर गावशेजारील जंगलात सरपण गोळा करण्यासाठी गेला होता. रात्री उशिरापर्यंत घरी न परतल्याने नातेवाईक व गावकऱ्यांनी शोध मोहीम राबविली. दरम्यान, आज पहाटेच्या सुमारास जंगलात त्याचा मृतदेह आढळला. सदर मृतक इसमाच्या नरभक्षक बिबट्याने लचके तोडले होते.
सध्या गडचिरोली जिल्ह्यात मानव व वन्यजीव संघर्ष सुरू असून मानवावरील वन्यप्राण्यांचे हल्ले काही थांबताना दिसत नाहीत. आष्टी परिसरात ही घटना घडली असलीतरी सदर जंगल परिसर हा चपराळा अभयारण्यातील कंपार्टमेंट क्रमांक २२३/२४ मध्ये घडली आहे. यापूर्वी १५ सप्टेंबर रोजी मार्कंडा वनपरिक्षेत्र कार्यालय लगतच्या जंगलात मात्र, वनविकास महामंडळाच्या हद्दीत बिबट्याने हल्ला करून मनोज तिरुपती देवावार या ७ वर्षीय बालकाला ठार केले होते.
एवढेच नव्हे तर ४ सप्टेंबर रोजी अहेरी वनपरिक्षेत्र अंतर्गत येत असलेल्या लगाम उपक्षेत्रातील येल्ला येथे बिबट्याच्या हल्ल्यात मुत्ता टेकुलवार यांना सुद्धा आपला जीव गमवावा लागला. २९ सप्टेंबर रोजी आष्टी-इल्लूर येथील पेपर मिल कॉलनीत सकाळी ८ वाजता च्या सुमारास बबीता दिलीप मंडल या ४५ वर्षीय महिलेवर बिबट्याने हल्ला केला होता. सदर महिला घरामागे भांडी घासत असताना जवळच दबा धरून बसलेल्या बिबट्याने तिच्यावर हल्ला केला होता. त्या महिलेच्या गळ्यावर गंभीर जखम झाल्याने तिला आष्टी येथील ग्रामीण रुग्णालयात उपचारार्थ दाखल केले होते. सध्या ती महिला चंद्रपूर येथे उपचार घेत आहे. याच परिसरात एका ६ वर्षीय मुलावर सुद्धा बिबट्याने हल्ला करून जखमी केला होता हे विशेष.
सप्टेंबर महिन्यात घडलेल्या या सर्व घटना चपराळा अभयारण्यलगत असलेल्या अहेरी वनपरिक्षेत्र, मार्कंडा वनपरिक्षेत्र,वनविकास महामंडळ व चौडमपल्ली वनपरिक्षेत्रातील चपराळा अभयारण्यात घडले आहे. आजच्या घटनेची माहिती मिळताच उपविभागीय वनअधिकारी राहुल सिंग तोलिया (वन्यजीव), चौडमपल्लीचे वनपरिक्षेत्र अधिकारी गणेश लांडगे आणि मार्कण्डा वनपरिक्षेत्रातील काही कर्मचारी घटनास्थळी दाखल झाले आहे.
यापूर्वी घडलेल्या घटनांमुळे या नरभक्षक बिबट्याला जेरबंद करण्याची मागणी परिसरातील नागरिकांकडून करण्यात आली होती. त्या अनुषंगाने त्या नरभक्षक बिबट्याला पकडण्याची तयारी सुरू असून कर्मचाऱ्यांची गस्त सुद्धा वाढविण्यात आल्याची माहिती मार्कण्डाचे वनपरिक्षेत्र अधिकारी भारती राऊत यांनी 'मटा' शी बोलताना दिले आहे.
सध्या गडचिरोली जिल्ह्यात मानव व वन्यजीव संघर्ष सुरू असून मानवावरील वन्यप्राण्यांचे हल्ले काही थांबताना दिसत नाहीत. आष्टी परिसरात ही घटना घडली असलीतरी सदर जंगल परिसर हा चपराळा अभयारण्यातील कंपार्टमेंट क्रमांक २२३/२४ मध्ये घडली आहे. यापूर्वी १५ सप्टेंबर रोजी मार्कंडा वनपरिक्षेत्र कार्यालय लगतच्या जंगलात मात्र, वनविकास महामंडळाच्या हद्दीत बिबट्याने हल्ला करून मनोज तिरुपती देवावार या ७ वर्षीय बालकाला ठार केले होते.
एवढेच नव्हे तर ४ सप्टेंबर रोजी अहेरी वनपरिक्षेत्र अंतर्गत येत असलेल्या लगाम उपक्षेत्रातील येल्ला येथे बिबट्याच्या हल्ल्यात मुत्ता टेकुलवार यांना सुद्धा आपला जीव गमवावा लागला. २९ सप्टेंबर रोजी आष्टी-इल्लूर येथील पेपर मिल कॉलनीत सकाळी ८ वाजता च्या सुमारास बबीता दिलीप मंडल या ४५ वर्षीय महिलेवर बिबट्याने हल्ला केला होता. सदर महिला घरामागे भांडी घासत असताना जवळच दबा धरून बसलेल्या बिबट्याने तिच्यावर हल्ला केला होता. त्या महिलेच्या गळ्यावर गंभीर जखम झाल्याने तिला आष्टी येथील ग्रामीण रुग्णालयात उपचारार्थ दाखल केले होते. सध्या ती महिला चंद्रपूर येथे उपचार घेत आहे. याच परिसरात एका ६ वर्षीय मुलावर सुद्धा बिबट्याने हल्ला करून जखमी केला होता हे विशेष.
सप्टेंबर महिन्यात घडलेल्या या सर्व घटना चपराळा अभयारण्यलगत असलेल्या अहेरी वनपरिक्षेत्र, मार्कंडा वनपरिक्षेत्र,वनविकास महामंडळ व चौडमपल्ली वनपरिक्षेत्रातील चपराळा अभयारण्यात घडले आहे. आजच्या घटनेची माहिती मिळताच उपविभागीय वनअधिकारी राहुल सिंग तोलिया (वन्यजीव), चौडमपल्लीचे वनपरिक्षेत्र अधिकारी गणेश लांडगे आणि मार्कण्डा वनपरिक्षेत्रातील काही कर्मचारी घटनास्थळी दाखल झाले आहे.
यापूर्वी घडलेल्या घटनांमुळे या नरभक्षक बिबट्याला जेरबंद करण्याची मागणी परिसरातील नागरिकांकडून करण्यात आली होती. त्या अनुषंगाने त्या नरभक्षक बिबट्याला पकडण्याची तयारी सुरू असून कर्मचाऱ्यांची गस्त सुद्धा वाढविण्यात आल्याची माहिती मार्कण्डाचे वनपरिक्षेत्र अधिकारी भारती राऊत यांनी 'मटा' शी बोलताना दिले आहे.