माओवाद्यांची वनरक्षकांना बेदम मारहाण
म. टा. वृत्तसेवा, गडचिरोलीः भामरागड तालुक्यात कर्तव्यावर असलेल्या दोन वनरक्षकांना माओवाद्यांनी जंगलात नेऊन बेदम मारहाण केली. त्यांचे मोबाईल आणि जीपीएस यंत्र हिसकावून घेतल्याने वनविभागाच्या कर्मचाऱ्यांमध्ये दहशत पसरली आहे. या दोन्ही वनरक्षकांवर अहेरीच्या रुग्णालयात उपचार सुरू आहेत.
नारगुंडा पोलिस ठाण्याच्या हद्दीतील विसागुंडा गावाजवळ वनतलावाचे काम सुरू होणार आहे. रोजगार हमी योजनेच्या माध्यमातून या तलावाचे काम करण्यासाठी मंगळवारी युकेश राऊत आणि जागेश्वर सुरगाये हे दोन वनरक्षक या भागात गेले. गावकऱ्यांशी चर्चा करून परत येत असताना विसामुडी नाल्याजवळ माओवाद्यांनी त्यांना अडविले. दोघांनाही जंगलात नेऊन झाडाला बांधले. 'पळून जाण्याचा प्रयत्न केल्यास तुम्हाला ठार मारू,' अशी धमकी दिली. बेदम मारहाण करून त्यांची मोटारसायकल, मोबाईल, जमीन मोजणीचे जीपीएस यंत्र आणि नोंदवही हिसकावून घेतली. या घटनेने हादरलेल्या वनरक्षकांनी कशीबशी सुटका करून घेत भामरागड पोलिस ठाणे गाठले. नंतर तक्रारही दाखल केली. पोलिस अधीक्षक अंकित गोयल यांनी तपास करून योग्य कारवाईची ग्वाही दिली आहे. तर गडचिरोली वनवृत्ताचे वनसंरक्षक किशोर मानकर यांनी या घटनेची सखोल चौकशी करण्याचे निर्देश भामरागडचे उपवनसंरक्षक पांडे यांना दिले आहेत.
वनविभाग पुन्हा टार्गेटवर
माओवाद्यांनी वनविभागाच्या कामाला विरोध करून यापूर्वीही वनकर्मचाऱ्यांना मारहाण केली होती. राजकुमार या वनरक्षकाची एटापल्लीत हत्याही केली होती. सिरोंचा वनविभागात देचलीपेठाच्या जंगलात माओवाद्यांनी वनविभागाकडील शस्त्रे पळवून नेली होती. आता परत एकदा माओवाद्यांनी वनकर्मचाऱ्यांना मारहाण करून वनविभाग लक्ष्यावर आल्याचा दाखवून देण्याचा प्रयत्न केला आहे.
म. टा. वृत्तसेवा, गडचिरोलीः भामरागड तालुक्यात कर्तव्यावर असलेल्या दोन वनरक्षकांना माओवाद्यांनी जंगलात नेऊन बेदम मारहाण केली. त्यांचे मोबाईल आणि जीपीएस यंत्र हिसकावून घेतल्याने वनविभागाच्या कर्मचाऱ्यांमध्ये दहशत पसरली आहे. या दोन्ही वनरक्षकांवर अहेरीच्या रुग्णालयात उपचार सुरू आहेत.
नारगुंडा पोलिस ठाण्याच्या हद्दीतील विसागुंडा गावाजवळ वनतलावाचे काम सुरू होणार आहे. रोजगार हमी योजनेच्या माध्यमातून या तलावाचे काम करण्यासाठी मंगळवारी युकेश राऊत आणि जागेश्वर सुरगाये हे दोन वनरक्षक या भागात गेले. गावकऱ्यांशी चर्चा करून परत येत असताना विसामुडी नाल्याजवळ माओवाद्यांनी त्यांना अडविले. दोघांनाही जंगलात नेऊन झाडाला बांधले. 'पळून जाण्याचा प्रयत्न केल्यास तुम्हाला ठार मारू,' अशी धमकी दिली. बेदम मारहाण करून त्यांची मोटारसायकल, मोबाईल, जमीन मोजणीचे जीपीएस यंत्र आणि नोंदवही हिसकावून घेतली. या घटनेने हादरलेल्या वनरक्षकांनी कशीबशी सुटका करून घेत भामरागड पोलिस ठाणे गाठले. नंतर तक्रारही दाखल केली. पोलिस अधीक्षक अंकित गोयल यांनी तपास करून योग्य कारवाईची ग्वाही दिली आहे. तर गडचिरोली वनवृत्ताचे वनसंरक्षक किशोर मानकर यांनी या घटनेची सखोल चौकशी करण्याचे निर्देश भामरागडचे उपवनसंरक्षक पांडे यांना दिले आहेत.
वनविभाग पुन्हा टार्गेटवर
माओवाद्यांनी वनविभागाच्या कामाला विरोध करून यापूर्वीही वनकर्मचाऱ्यांना मारहाण केली होती. राजकुमार या वनरक्षकाची एटापल्लीत हत्याही केली होती. सिरोंचा वनविभागात देचलीपेठाच्या जंगलात माओवाद्यांनी वनविभागाकडील शस्त्रे पळवून नेली होती. आता परत एकदा माओवाद्यांनी वनकर्मचाऱ्यांना मारहाण करून वनविभाग लक्ष्यावर आल्याचा दाखवून देण्याचा प्रयत्न केला आहे.