शाळा सुटली, स्विटी घराकडे निघाली; गावाजवळ पोहोचताच नियतीनं घात केला; सारेच हळहळले

गडचिरोली: शाळा सुटल्यावर नेहमीप्रमाणे आपल्या घरी परतताना मेघगर्जनेसह वीज कोसळल्यानं नववीत शिकणाऱ्या विद्यार्थिनीचा दुर्दैवी मृत्यू झाला आहे. आज सकाळी साडे दहाच्या सुमारास गडचिरोली जिल्ह्यातील चामोर्शी तालुक्यात ही घटना घडली. स्विटी बंडू सोमणकर असं विद्यार्थिनीचं नाव आहे.

चामोर्शी तालुक्यातील कुनघाडा केंद्रातील विश्वशांती विद्यालय, कुनघाडा येथे इयत्ता नवव्या वर्गात शिक्षण घेत होती. मालेर चक येथून कुनघाडा या गावाचे अंतर दोन किलोमीटर आहे. स्विटी नेहमीप्रमाणे आपल्या गावातील विद्यार्थ्यांनीसोबत सायकलने निघाली. आज (१८ मार्च) सकाळची शाळा आटोपून ती साडे दहाच्या सुमारास सायकलनं घरी येत होती. अगदी गावाजवळ येताच वीज कोसळली. यामुळे स्विटीचा मृत्यू झाला. विशेष म्हणजे तिच्या मागे-पुढे आणखी काही शाळकरी मुली होत्या. मात्र त्या काही अंतरावर असल्यानं त्यांना इजा झाली नाही, अशी माहिती केंद्रप्रमुख गोमासे यांनी दिली.
रस्त्याचं काम करताना काढलं तिकीट; मजुराला लागली ७५ लाखांची लॉटरी, आता सतावतेय वेगळीच भीती
राज्यात सध्या अवकाळी पाऊस सुरू असून गडचिरोली जिल्ह्यातही याचा परिणाम बघायला मिळाला. मागील दोन ते तीन दिवसांपासून गडचिरोली जिल्ह्यात ढगाळ वातावरण असून १७ आणि १८ मार्च रोजी हलक्या सरी पडल्या आहेत. तर काही ठिकाणी चांगला पाऊस झाला. जिल्ह्यात १८ मार्चला सकाळपासून सोसाट्याचा वारा सुटला आहे.
तो माझा जीव घेईल! संशयानं पछाडलं, एअर फोर्स अधिकाऱ्यानं डॉक्टरला संपवलं; कारण ठरली 'ती'
विशेष म्हणजे भारतीय हवामान खात्याच्या नागपूर विभागानं शुक्रवारी १७ मार्चला सायंकाळच्या सुमारास पुढील ४८ तासांत गडचिरोली जिल्ह्यात विजांच्या कडकडाटासह मेघगर्जना वादळी वाऱ्यासह गारपीट होण्याची शक्यता वर्तवली होती. नागरिकांनी उचित सतर्कता बाळगण्याचं आवाहन भ्रमणध्वनी संदेशाद्वारे करण्यात आलं होतं.