गडचिरोली : टिपागड डोंगराखाली तलवारगढ येथे शिरून जंगली हत्तीने एका वृद्धाला ठार केल्याची घटना शनिवारी सायंकाळच्या सुमारास घडली. मागील १५ दिवसांत या हत्तींनी दोन जणांचे जीव घेतले तर एक जखमी झाला आहे.
मागील वर्षी ओडिशामधून हे जंगली हत्ती छत्तीसगडमधून गडचिरोली जिल्ह्यात आले. कोरची, कुरखेडा, धानोरा या तीन तालुक्यांत धुमाकूळ घातला होता. त्यानंतर काही महिन्यांपूर्वी हे हत्ती छत्तीसगडच्या सीमेत गेले होते. आता परत येऊन महिनाभरापासून गडचिरोली-गोंदिया सीमेलगत धुमाकूळ घालत आहेत.
कोरची तालुक्यात तलवारगढ हे गाव येते. जंगल परिसरात हे गाव असल्याने जंगली हत्तींनी गावात प्रवेश केला. धनसिंग धर्मू टेकाम (७१) यांच्या घरात शिरून त्यांना ठार मारले. अनेकांची घरेही जमीनदोस्त केली. तर न्याहायकल येथील चम्मीबाई धनसिंग पुडो, सुखदेव कल्लूराम कुरचाम, चैतू सुखदेव कुरचाम या तीन शेतकऱ्यांच्या शेतीचेही नुकसान केले. याविषयीची माहिती मिळताच पूर्व मुरमगाव वनपरिक्षेत्राचे वनकर्मचारी गावात दाखल झाले. त्यांनी नुकसानीचे पंचनामे केले.
यापूर्वी लेकुरबोडी येथील ८० वर्षीय वृद्धेला या हत्तींनी सोंडेत उचलून फेकले होते. यातच तिचा जीव गेला होता. तर बेळगाव घाटावर दुचाकीने प्रवास करीत असलेल्या कोरचीतील एका व्यापाऱ्याला जखमी केले होते. मागील आठ दिवसांपासून सदर हत्ती हे कोटगल क्षेत्रातील टिपागढ, तलवारगढ, न्याहायकल जंगल परिसरात फिरत असल्याची माहिती आहे.
दरम्यान, जंगली हत्तींना केळीची झाडे आणि मोहफुल आवडतात. गडचिरोली जिल्ह्यातील अनेक घरांमध्ये मोहफुल साठवून ठेवलेले असतात. याच्या वासाने हे जंगली हत्ती गावात प्रवेश करीत असल्याचा अंदाज वर्तविला जात आहे.
मागील वर्षी ओडिशामधून हे जंगली हत्ती छत्तीसगडमधून गडचिरोली जिल्ह्यात आले. कोरची, कुरखेडा, धानोरा या तीन तालुक्यांत धुमाकूळ घातला होता. त्यानंतर काही महिन्यांपूर्वी हे हत्ती छत्तीसगडच्या सीमेत गेले होते. आता परत येऊन महिनाभरापासून गडचिरोली-गोंदिया सीमेलगत धुमाकूळ घालत आहेत.
कोरची तालुक्यात तलवारगढ हे गाव येते. जंगल परिसरात हे गाव असल्याने जंगली हत्तींनी गावात प्रवेश केला. धनसिंग धर्मू टेकाम (७१) यांच्या घरात शिरून त्यांना ठार मारले. अनेकांची घरेही जमीनदोस्त केली. तर न्याहायकल येथील चम्मीबाई धनसिंग पुडो, सुखदेव कल्लूराम कुरचाम, चैतू सुखदेव कुरचाम या तीन शेतकऱ्यांच्या शेतीचेही नुकसान केले. याविषयीची माहिती मिळताच पूर्व मुरमगाव वनपरिक्षेत्राचे वनकर्मचारी गावात दाखल झाले. त्यांनी नुकसानीचे पंचनामे केले.
यापूर्वी लेकुरबोडी येथील ८० वर्षीय वृद्धेला या हत्तींनी सोंडेत उचलून फेकले होते. यातच तिचा जीव गेला होता. तर बेळगाव घाटावर दुचाकीने प्रवास करीत असलेल्या कोरचीतील एका व्यापाऱ्याला जखमी केले होते. मागील आठ दिवसांपासून सदर हत्ती हे कोटगल क्षेत्रातील टिपागढ, तलवारगढ, न्याहायकल जंगल परिसरात फिरत असल्याची माहिती आहे.
दरम्यान, जंगली हत्तींना केळीची झाडे आणि मोहफुल आवडतात. गडचिरोली जिल्ह्यातील अनेक घरांमध्ये मोहफुल साठवून ठेवलेले असतात. याच्या वासाने हे जंगली हत्ती गावात प्रवेश करीत असल्याचा अंदाज वर्तविला जात आहे.