बळीराजाचं पिवळं सोनं चकाकलं, हळदीचे दर वाढल्याने शेतकऱ्यांना दिलासा

हिंगोली : शेतकऱ्यांचं पिवळं सोनं म्हणून ओळखल्या जाणाऱ्या हळदीने पुन्हा एकदा चांगली झळाळी घेतली आहे. पुन्हा एकदा हळद शेतकऱ्यांना पिवळे करणार यात शंका नाही. हळद खरेदीसाठी महाराष्ट्रात बाजारपेठ सर्वदूर परिचित आहे. आज हिंगोलीच्या बाजार समितीमध्ये विदर्भासह सह मराठवाड्यातून मोठ्या प्रमाणावर आवक झाली आहे. कालचे हळदीचे दर हे ८५०० रुपयापर्यंत होते. या दरामध्ये आज आणखी वाढ होण्याची शक्यता आहे.

बुलढाणा, औरंगाबाद, परळी, आदी ठिकाणाहून वाहने दाखल झाली आहेत. ४ हजार पोत्यांची आवक झाल्याची माहिती बाजार समितीने दिली आहे. येत्या हळदीचे दर वाढतील अशी शक्यता व्यापाऱ्यांनी वर्तवली आहे. वाहनांच्या लांबच लांब रांगा बाजार समिती परिसरात बघायला मिळाल्या. मराठवाड्यासह इतरही राज्यात मोठ्या प्रमाणावर अतिवृष्टीने हळदी पिकाचे मोठे नुकसान झाले आहे. याचाच परिणाम हा भाववाढीवर दिसून येत आहे.

अमरावतीकरांसाठी चिंता वाढली, जिल्ह्यात करोनाचा शिरकाव, पाहा किती आहे नवे रुग्ण?
मागील काही दिवसापासून सतत वातावरणात बदल होत असल्यामुळें हळद पिकावर मोठा परिणाम झाल्याचे दिसुन येते. करपा, बुरशी आदी रोगांचा रोगांचा प्रादुर्भाव जाणवत आहे. याचाच परिणाम येणाऱ्या काळात उत्पादन वाढीवर होणार आहे. हवामानातील बदल हा नुकसानकारक ठरत आहे.