धक्कादायक! ८ महिन्याच्या गर्भवती महिलेचा मृत्यू, वर्षाच्या अखेरी काळजाचा ठोका चुकावणारी घटना

हिंगोली : वसमत तालुक्यात रस्त्यावर असलेल्या भेंडेगाव पाटी जवळ भरधाव कार ने धडक दिल्यामुळे दुचाकीवरील आठ महिन्यांची गर्भवती असलेली महिला जागीच मरण पावली आहे. तर पतीची मृत्यूशी झुंज सुरु आहे. या घटनेमुळे संपूर्ण परिसरात खळबळ उडाली असून अधिक तपास सुरू असल्याची माहिती आहे.

मिळालेल्या माहितीनुसार, कन्याकुमारी गजानन बोखारे वय २२ वर्ष असं मयत झालेल्या महिलेचे नाव आहे. तर पती गजानन बोखारे हे नांदेड येथील खाजगी रुग्णालयात मृत्यूशी झुंज देत आहेत. या जोडप्यांचा मागील वर्षी लॉकडाऊनमध्ये विवाह झाला होता.

New Year Guidelines : नागरिकांनो, नववर्षाचे स्वागत घरीच करा; पालिकेचे नियम वाचलेत का?
गर्भवती असलेल्या कन्याकुमारी यांची रुग्णालयामध्ये तपासणी सुरू होती, दवाखाना करून गावाच्या दिशेने परत येत असताना. त्यांच्यावर काळाने घाला घातला आहे. दोघेही वसमत तालुक्यातील पांगरा बोखारे गावचे रहिवासी आहेत.सदरील घटना ही रात्री उशिरा घडली असून या प्रकरणी अद्याप तरी पोलीस स्थानकात कुठल्याही प्रकारची नोंद झाली नाही.

गर्भवती महिला तसेच पोटातील बाळ मरण पावले. तसेच पतीची मृत्यूशी झुंज पांगरा गावावर शोककळा पसरली आहे. घरामध्ये सकारात्मक वार्ता येणे अगोदरच त्याच्या कुटुंबीयांना दुःखाला सामोरे जावे लागले. हिंगोली जिल्ह्यात डिसेंबर महिन्याचा शेवटचा आठवडा हा अपघाताच्या घटनांनी गाजला आहे. कालदेखील विविध ठिकाणी अपघाताच्या वेगवेगळ्या घटना घडल्याची माहिती समोर आली आहे.