गावाकडे सुट्टीवर आलेल्या जवानाची राहत्या घरी गळफास घेऊन आत्महत्या; काय घडलं नेमकं?
हिंगोली जिल्ह्यात एक धक्कादायक प्रकार घडला आहे. गावाकडे सुट्टीवर आलेल्या जवानाने राहत्या घरी गळफास घेऊन आत्महत्या केल्याची घटना घडली आहे. या आत्महत्येचे कारण अद्याप स्पष्ट झालेले नाही.
हायलाइट्स:
- हिंगोलीत जवानाची आत्महत्या
- आत्महत्येचं कारण अद्याप अस्पष्ट
- सुट्टीसाठी आला होता गावी
हिंगोलीः कळमनुरी तालुक्यातील पोतरा येथे राज्य राखीव दलाचे जवान यांनी राहत्या घरी गळफास घेऊन आत्महत्या केल्याची घटना घडली आहे. आज सकाळी दहा वाजण्याच्या सुमारास हा प्रकार घडला आहे. त्यांच्या आत्महत्येचे नेमके कारण समजू शकलेले नाही. पोलिसांनी दिलेल्या माहितीनुसार, पोतरा येथील राज्य राखीव दलाचे जवान दिनेश बालासाहेब मुलगीर (३२) हे हिंगोलीच्या राज्य राखीव दलाच्या एफ कंपनीमध्ये कार्यरत होते. १० नोव्हेंबर २०२१ पासून ते गडचिरोली येथे नक्षलग्रस्त भागात बंदोबस्तासाठी गेले होते. मागील सहा दिवसांपूर्वीच ते सुट्टीवर गावाकडे आले होते. त्यानंतर आज सकाळी दहा वाजण्याच्या सुमारास त्यांनी घरातील एका खोलीत गळफास घेऊन आत्महत्या केली.
वाचाः भाजप आमदाराची ग्रामसेवकाला शिवीगाळ करतानाची ऑडिओ क्लिप व्हायरल
दिनेश यांनी आत्महत्या केल्याचा प्रकार त्यांच्या आईच्या लक्षात आल्यानंतर त्यांनी तातडीने मदतीसाठी इतरांना बोलवले. त्यानंतर त्यांना तातडीने उपचारासाठी आखाडा बाळापूर येथील ग्रामीण रुग्णालयात दाखल करण्यात आले. मात्र उपचार सुरू असताना त्यांचा मृत्यू झाला. त्यांच्या पश्चात आई-वडील, पत्नी व दोन मुली असा परिवार आहे. दरम्यान, या घटनेची माहिती मिळाल्यानंतर आखाडा बाळापूर पोलिस ठाण्याचे सहाय्यक पोलिस निरीक्षक पंढरीनाथ बोधनापोड, उपनिरीक्षक बालाजी पुंड यांच्यासह पोलिसांनी घटनास्थळी भेट देऊन पाहणी केली.
वाचाः आगामी निवडणुकांसाठी MIM चं टार्गेट नांदेड, पक्ष विस्तारासाठी लागले कामाला
जवान मुलगीर हे सन २०१२ मध्ये राज्य राखीव दलामध्ये भरती झाले होते. त्यांनी महाराष्ट्रासह महाराष्ट्राच्या बाहेरही कायदा व सुव्यवस्था राखण्यासाठी कर्तव्य बजावले आहे. तसेच निवडणूक काळातही ते बंदोबस्तामध्ये होते. राज्य राखीव दलामध्ये मनमिळाऊ व्यक्तिमत्त्व म्हणून त्यांची ओळख होती.
वाचाः कमी शेतीतही लाखोंची कमाई देणारे पिक; हिंगोलीतील तरुणाने साधली प्रगती
वाचाः भाजप आमदाराची ग्रामसेवकाला शिवीगाळ करतानाची ऑडिओ क्लिप व्हायरल
दिनेश यांनी आत्महत्या केल्याचा प्रकार त्यांच्या आईच्या लक्षात आल्यानंतर त्यांनी तातडीने मदतीसाठी इतरांना बोलवले. त्यानंतर त्यांना तातडीने उपचारासाठी आखाडा बाळापूर येथील ग्रामीण रुग्णालयात दाखल करण्यात आले. मात्र उपचार सुरू असताना त्यांचा मृत्यू झाला. त्यांच्या पश्चात आई-वडील, पत्नी व दोन मुली असा परिवार आहे. दरम्यान, या घटनेची माहिती मिळाल्यानंतर आखाडा बाळापूर पोलिस ठाण्याचे सहाय्यक पोलिस निरीक्षक पंढरीनाथ बोधनापोड, उपनिरीक्षक बालाजी पुंड यांच्यासह पोलिसांनी घटनास्थळी भेट देऊन पाहणी केली.
वाचाः आगामी निवडणुकांसाठी MIM चं टार्गेट नांदेड, पक्ष विस्तारासाठी लागले कामाला
जवान मुलगीर हे सन २०१२ मध्ये राज्य राखीव दलामध्ये भरती झाले होते. त्यांनी महाराष्ट्रासह महाराष्ट्राच्या बाहेरही कायदा व सुव्यवस्था राखण्यासाठी कर्तव्य बजावले आहे. तसेच निवडणूक काळातही ते बंदोबस्तामध्ये होते. राज्य राखीव दलामध्ये मनमिळाऊ व्यक्तिमत्त्व म्हणून त्यांची ओळख होती.
वाचाः कमी शेतीतही लाखोंची कमाई देणारे पिक; हिंगोलीतील तरुणाने साधली प्रगती