यंदाही राज्यातील ३६ लाख विद्यार्थ्यी एकाच ड्रेसमध्ये दिसणार, १०८ कोटींचा निधी मंजूर

हिंगोली : राज्यामध्ये शाळेत शिक्षण घेणाऱ्या ३६ लाख विद्यार्थ्यांची यावर्षी देखील एकाच गणवेशावर बोळवन होनार आहे. शासनाने गवणेश योजनेमध्ये विद्यार्थांना प्रत्येकी एका गणवेशासाठी ३०० रुपये प्रमाणे १०८ कोटी रुपयांचा निधी मंजुर केला आहे. त्यामुळे यंदा देखील विद्यार्थी व पालकांना नाराजी पत्करून समोरे जावं लागणार आहे.

राज्यात शालेय गणवेश योजने मध्ये जिल्हा परिषद , नगरपालिका, अनुदानित व्यवस्थापनाच्या शाळामधून विद्यार्थांना गणवेश वाटप केला जातो. यामध्ये समग्र शिक्षा अबियानाअंतर्गत गणवेश वाटपासाठी लागणाऱ्या निधीमधून ६०टक्के निधी केंद्र शासनाचा तर ४० टक्के निधी राज्य शासनाचा असतो. यामध्ये इयत्ता पहिली ते आठवीच्या सर्व मुलींना तसेच अनुसूचित जाती, अनुसूचित जमाती, तसेच दारिद्र रेषेखालील पालकांच्या पाल्यांना गणवेश दिला जातो. यापूर्वी पात्र विद्यार्थ्यांना प्रत्येकी दोन गणवेश दिले जात होते.

ओमिक्रॉनचा धोका! पुणे महापालिकेनं केली अशी 'जम्बो' तयारी
यावर्षीही शासनाकडून प्रत्येकी एकच गणवेश मंजूर करण्यात आला आहे. राज्यातील ३६.०४ लाख विद्यार्थांना प्रत्येकी एक गणवेश मंजुर करण्यात आला असून त्यासाठी प्रत्येकी ३०० रूपये याप्रमाणे १०८ कोटी १२ लाख रुपयांचा निधी मंजुर करण्यात आला आहे. या संदर्भात समग्र शिक्षा कडून शिक्षण विभागाला पत्र देखील पाठविल्याचे समजते. तर गणवेश खरेदी बाबतचे अधिकार शाळा व्यवस्थापन समितीना देण्यात आल्याचे सूत्राकडून संगण्यात आले. या निर्णयामुळे यावर्षी सुध्दा एकच गणवेशावर बोळवण होणार असल्यानं विद्यार्यांनसह पालकामधून नाराजीचा सूरू उमटू लागला आहे.