Weather Today : राज्यात हवामानाचा कहर, कुठे ढगाळ वातावरण तर कुठे थंडीच्या तडाखा वाढला

हिंगोली : मागील काही दिवसापासून हिंगोली सह मराठवाड्यातील अनेक भागात ढगाळ वातावरण निर्माण होऊन घटक जाणाऱ्या तापमानात वाढ झाली आहे. सकाळी आणि रात्रीच्या सुमारास झोंबणारे थंडगारवारे सुटत आहेत. त्यामुळे परत वातावरणात घट होताना दिसत आहे. थंडीपासून बचाव करण्यासाठी नागरिक आता गावागावात शेकोटी यांचा आधार घेऊ लागले आहेत.

मागील आठवडाभरापासून राज्यात गुलाबी थंडी पडली आहे. त्यात उत्तरेकडून येणाऱ्या वाऱ्यांमुळे राज्यात थंडीचा जोर आणखी वाढणार आहे. राज्यातल्या अनेक शहरांचं तापमान १० अंश सेल्सिअसपर्यंत खाली येण्याचा अंदाज हवामान खात्यानं वर्तवण्यात आला आहे. मध्य महाराष्ट्र, मराठवाडा आणि विदर्भातील तापमानात आधीच घट झाली आहे. उत्तर महाराष्ट्रातील अनेक भागांचं तापमान तर ८ ते ९ अंशांपर्यंत खाली आलं आहे. त्यामुळे नागरिक शेकोट्यांचा आधार घेताना दिसत आहेत. तर ऊबदार कपडेही कपाटाबाहेर काढून वापरात आलेत.

करोनाचा फटका! इंडिगोचा १३ ते ३१ जानेवारीदरम्यान ३३ विमाने रद्द करण्याचा निर्णय
अवकाळी पाऊस आणि कमी दाबाच्या पट्ट्यांमुळे यंदा राज्यात गुलाबी थंडीचं जरा उशिराच आगमन झालं. पण आता ही थंडी फेब्रुवारीपर्यंत राज्यभरात कायम राहणार आहे. त्यामुळे गुलाबी थंडीचा अनुभव पुढचे दोन महिने तुम्हा-आम्हाला घेता येणार आहे. त्यात अजून तापमानाचा पारा आणखी घसरण्याचा अंदाज आहे. उत्तरेकडून येणाऱ्या वाऱ्यांमुळे राज्यातील थंडीचा जोर आणखी वाढणार आहे.