हिंगोली : पोलिसांच्या मारा पुढे भुतही पळतात अशी म्हण प्रचलित आहे. पोलीस म्हटलं की भल्याभल्यांना घाम फुटतो. याची प्रत्यक्ष प्रचिती काल हिंगोलीमध्ये अनुभवायला मिळाली. एका दुचाकीस्वाराला पोलिसांनी थांबवलं आणि विचारपूस केली असता असं काही झालं की यानंतर पोलिसही हादरले. पोलिसांनी विचारलेल्या प्रश्नांना उत्तरं देताना घाबरला आणि झाडाझडती घेतली असता त्याच्याकडे धक्कादायक वस्तू असल्याचं समोर आलं.
औंढा नागनाथ तालुक्यातील येहळेगाव सोळंके शिवारात स्थानिक गुन्हे शाखेच्या पथकाने टाकलेल्या छाप्यात २ लाख रुपये किंमतीचा साडेसहा किलो गांजा तसेच दोन दुचाकी जप्त करण्यात आल्या आहेत. या प्रकरणी चौघांवर औंढा नागनाथ पोलीस ठाण्यात आज सकाळी गुन्हा दाखल करण्यात आला आहे.
पोलिसांनी दिलेल्या माहितीनुसार, येहळेगाव सोळंके शिवारात दोन दुचाकीवर आलेल्या चौघांकडे गांजा असल्याची माहिती पोलिसांना मिळाली होती. त्यावरून पोलिस अधिक्षक राकेश कलासागर, सहाय्यक पोलीस अधिक्षक यतीश देशमुख यांच्या मार्गदर्शनाखाली गुन्हे शाखेचे निरीक्षक उदय खंडेराय, उपनिरीक्षक शिवसांब घेवारे, जमादार बालाजी बोके, संभाजी लकुळे, सुनील अंभोरे, भगवान आडे, किशोर सावंत यांच्या पथकाने गुरुवारी ता. २३ रात्री छापा टाकला.
यामध्ये दुचाकीवर असलेल्या चौघांची पोलिसांनी चौकशी सुरु केली. मात्र, पोलिसांना पाहताच त्यांना समाधानकारक उत्तरे देता आली नाही. त्यामुळे पोलिसांनी त्यांची तपासणी केली असता त्यांच्या जवळ २ लाख रुपये किंमतीचा ६.५० किलो गांजा सापडला. पोलिसांनी गांजा व दोन दुचाकी असा ३ लाख रुपयांचा ऐवज जप्त केला आहे.
या प्रकरणी पोलीस निरीक्षक खंडेराय यांच्या तक्रावरून एकनाथ सदाशिव शिंदे (रा. असोंदा), दत्तराव गोविंदराव गारकर (रा. फुलदाभा), कुंडलीक संभाजी पवार, नरोजी कोंडबाराव बोरगड (दोघे रा. नहाद) यांच्या विरुध्द औंढा नागनाथ पोलिस ठाण्यात गुन्हा दाखल झाला आहे. पोलीस निरीक्षक वैजनाथ मुंडे पुढील तपास करीत आहेत.
औंढा नागनाथ तालुक्यातील येहळेगाव सोळंके शिवारात स्थानिक गुन्हे शाखेच्या पथकाने टाकलेल्या छाप्यात २ लाख रुपये किंमतीचा साडेसहा किलो गांजा तसेच दोन दुचाकी जप्त करण्यात आल्या आहेत. या प्रकरणी चौघांवर औंढा नागनाथ पोलीस ठाण्यात आज सकाळी गुन्हा दाखल करण्यात आला आहे.
पोलिसांनी दिलेल्या माहितीनुसार, येहळेगाव सोळंके शिवारात दोन दुचाकीवर आलेल्या चौघांकडे गांजा असल्याची माहिती पोलिसांना मिळाली होती. त्यावरून पोलिस अधिक्षक राकेश कलासागर, सहाय्यक पोलीस अधिक्षक यतीश देशमुख यांच्या मार्गदर्शनाखाली गुन्हे शाखेचे निरीक्षक उदय खंडेराय, उपनिरीक्षक शिवसांब घेवारे, जमादार बालाजी बोके, संभाजी लकुळे, सुनील अंभोरे, भगवान आडे, किशोर सावंत यांच्या पथकाने गुरुवारी ता. २३ रात्री छापा टाकला.
यामध्ये दुचाकीवर असलेल्या चौघांची पोलिसांनी चौकशी सुरु केली. मात्र, पोलिसांना पाहताच त्यांना समाधानकारक उत्तरे देता आली नाही. त्यामुळे पोलिसांनी त्यांची तपासणी केली असता त्यांच्या जवळ २ लाख रुपये किंमतीचा ६.५० किलो गांजा सापडला. पोलिसांनी गांजा व दोन दुचाकी असा ३ लाख रुपयांचा ऐवज जप्त केला आहे.
या प्रकरणी पोलीस निरीक्षक खंडेराय यांच्या तक्रावरून एकनाथ सदाशिव शिंदे (रा. असोंदा), दत्तराव गोविंदराव गारकर (रा. फुलदाभा), कुंडलीक संभाजी पवार, नरोजी कोंडबाराव बोरगड (दोघे रा. नहाद) यांच्या विरुध्द औंढा नागनाथ पोलिस ठाण्यात गुन्हा दाखल झाला आहे. पोलीस निरीक्षक वैजनाथ मुंडे पुढील तपास करीत आहेत.