जळगावात संक्रातीला १३१ स्वच्छता रॅली

जळगाव ः जळगाव महापालिकेकडून संक्रातीला शनिवारी (दि. १४) विद्यार्थ्यांच्या स्वच्छतेचे प्रबोधन करणाऱ्या १३१ रॅली काढण्यात येणार आहे. यात शहरातील १३१ शाळांमधील १३४२ शिक्षक आणि ४२,७८० विद्यार्थी सहभागी होणार असल्याची माहिती आयुक्त जीवन सोनवणे यांनी दिली.

स्वच्छतेबाबत नागरिकांमध्ये जागृती व्हावी, स्वच्छतेचा संदेश प्रत्येकापर्यंत पोहचावा यासाठी स्वच्छता प्रबोधन रॅली काढण्यात येत आहे. शनिवारी, सकाळी ९ ते १० या कालावधीत रॅली राहिल. ज्या परिसरात शाळा असेल, त्याच परिसरात शाळेतील विद्यार्थी स्वच्छतेच्या संदेशाचे फलक घेऊन जनजागृती करणार आहेत. १३१ शाळांच्या मुख्याध्यापकांशी याबाबत चर्चा झाली आहे.