राखीवसह ४९ जागांवर उमेदवार
म. टा. प्रतिनिधी, जळगाव
महापालिका निवडणुकीत माघारीनंतर १९ प्रभागांमधील ७५ जागांसाठी अपक्षांसह ३०३ उमेदवार रिंगणात आहेत. यात तब्बल १४५ महिलांचा समावेश आहे. राखीव जागांसह ४९ जागांवर या १४५ महिला उमेदवार आपले नशिब आजमावित आहेत.
महापालिका निवडणुकीच्या ७५ जागांपैकी ३८ जागा महिलांसाठी राखीव करण्यात आल्याने पालिकेत पुरुषांच्या तुलनेत महिलांची संख्या जास्त असणार आहे. सरकारने महिलांसाठी स्थानिक स्वराज्य संस्थांमध्ये ५० टक्के आरक्षणाला मंजुरी दिल्याने स्थानिक स्वराज्य संस्थांमधील चित्र बदलले आहे. कधीकाळी पालिकांमध्ये पुरुष नगरसेवकांचीच मक्तेदारी असल्याचे चित्र होते. पण सरकारच्या समान कायद्यामुळे आता पुरुषांच्या खांद्याला खांदा लावून महिला नगरसेविका काम करीत आहेत.
१९ प्रभागांमधील ७५ जागांपैकी अनुसूचित जमाती प्रवर्गाच्या ५ जागांसाठी ३ महिला राखीव व २ पुरुष जागांसाठी, अनुसूचित जमातींकरीता आरक्षित असलेल्या ४ जागांमधून २ महिलांकरिता, मागास प्रवर्ग २० जागांमधून १० महिला तर सर्वसाधारण ४६ जागांमधून २३ महिला राखीवची सोडत काढण्यात आली आहे. जळगाव महापालिकेत ३७ जागा पुरुषांच्या तर ३८ जागा महिलांसाठी राखीव आहेत.
महापौरही महिलाच
जळगाव महापालिका महापौरपदाचे आरक्षण काढण्यात आले आहे. त्यात महिला नागरिकांचा मागास प्रवर्गासाठी महापौरपद राखीव असल्याने जळगावची आगामी महापौर महिलाच असणार आहे. त्यामुळे महापालिकेत खऱ्या अर्थाने ‘महिलाराज’ राहणार आहे.
म. टा. प्रतिनिधी, जळगाव
महापालिका निवडणुकीत माघारीनंतर १९ प्रभागांमधील ७५ जागांसाठी अपक्षांसह ३०३ उमेदवार रिंगणात आहेत. यात तब्बल १४५ महिलांचा समावेश आहे. राखीव जागांसह ४९ जागांवर या १४५ महिला उमेदवार आपले नशिब आजमावित आहेत.
महापालिका निवडणुकीच्या ७५ जागांपैकी ३८ जागा महिलांसाठी राखीव करण्यात आल्याने पालिकेत पुरुषांच्या तुलनेत महिलांची संख्या जास्त असणार आहे. सरकारने महिलांसाठी स्थानिक स्वराज्य संस्थांमध्ये ५० टक्के आरक्षणाला मंजुरी दिल्याने स्थानिक स्वराज्य संस्थांमधील चित्र बदलले आहे. कधीकाळी पालिकांमध्ये पुरुष नगरसेवकांचीच मक्तेदारी असल्याचे चित्र होते. पण सरकारच्या समान कायद्यामुळे आता पुरुषांच्या खांद्याला खांदा लावून महिला नगरसेविका काम करीत आहेत.
१९ प्रभागांमधील ७५ जागांपैकी अनुसूचित जमाती प्रवर्गाच्या ५ जागांसाठी ३ महिला राखीव व २ पुरुष जागांसाठी, अनुसूचित जमातींकरीता आरक्षित असलेल्या ४ जागांमधून २ महिलांकरिता, मागास प्रवर्ग २० जागांमधून १० महिला तर सर्वसाधारण ४६ जागांमधून २३ महिला राखीवची सोडत काढण्यात आली आहे. जळगाव महापालिकेत ३७ जागा पुरुषांच्या तर ३८ जागा महिलांसाठी राखीव आहेत.
महापौरही महिलाच
जळगाव महापालिका महापौरपदाचे आरक्षण काढण्यात आले आहे. त्यात महिला नागरिकांचा मागास प्रवर्गासाठी महापौरपद राखीव असल्याने जळगावची आगामी महापौर महिलाच असणार आहे. त्यामुळे महापालिकेत खऱ्या अर्थाने ‘महिलाराज’ राहणार आहे.