जळगाव: जळगाव शहरातील सुप्रीम कॉलनीतील १९ वर्षीय तरुणाने सकाळी राहत्या घरात दोरीने गळफास घेऊन आत्महत्या केली. ही घटना सोमवारी सकाळी ११ वाजेच्या सुमारास समोर आली आहे. आकाश सुरेश शेरे (वय-१९ रा. सुप्रीम कॉलनी, जळगाव), असे मयत झालेल्या तरुणाचे नाव आहे. त्याच्या आत्महत्येमागचे नेमके कारण समोर आलेले नाही.
जळगावातील सुप्रीम कॉलनीत आकाश शेरे हा आई सविता आणि लहान भाऊ दीपक यांच्यासोबत वास्तव्याला होता. आकाश हा एमआयडीसी परिसरात चहाची टपरी चालवून आपला उदरनिर्वाह करत होता. नेहमीप्रमाणे सकाळी ६ वाजता आकाशने त्याच्या आईला चहाच्या टपरीवर सोडून तो परत घरी अंघोळ करण्यासाठी आला. यादरम्यान त्याने राहत्या घरात छताला दोरीच्या सहाय्याने गळफास घेऊन आत्महत्या केली.
मुलगा टपरीवर आला नाही म्हणून आई घरी गेली अन् मुलाला पाहून तिने हंबरडाच फोडला
आकाश हा टपरीवर का आला नाही म्हणून आई सविता या घरी आल्या. घरात जाताच आकाश गळफास घेतलेल्या अवस्थेत दिसला. त्याला पाहून आईने एकच हंबरडा फोडला होता. आईने आरडाओरड केल्यानंतर शेजारी राहणारे नागरिक आणि तरुणांनी धाव घेतली. तसेच, मृतदेह खाली उतरवून जिल्हा शासकीय वैद्यकीय महाविद्यालयात दाखल केला.
याठिकाणी वैद्यकीय अधिकारी डॉ. नम्रता अच्छा यांनी तपासणीअंती मयत घोषित केले. आकाशने आत्महत्या करण्याचे कारण समोर आलेले नाही. मृत आकाश याच्या पश्चात आई सविता, भाऊ दीपक आणि दोन विवाहित बहीण असा परिवार आहे. याप्रकरणी एमआयडीसी पोलीस ठाण्यात अकस्मात मृत्यूची नोंद घेण्याचे काम सुरू होते.
जळगावातील सुप्रीम कॉलनीत आकाश शेरे हा आई सविता आणि लहान भाऊ दीपक यांच्यासोबत वास्तव्याला होता. आकाश हा एमआयडीसी परिसरात चहाची टपरी चालवून आपला उदरनिर्वाह करत होता. नेहमीप्रमाणे सकाळी ६ वाजता आकाशने त्याच्या आईला चहाच्या टपरीवर सोडून तो परत घरी अंघोळ करण्यासाठी आला. यादरम्यान त्याने राहत्या घरात छताला दोरीच्या सहाय्याने गळफास घेऊन आत्महत्या केली.
मुलगा टपरीवर आला नाही म्हणून आई घरी गेली अन् मुलाला पाहून तिने हंबरडाच फोडला
आकाश हा टपरीवर का आला नाही म्हणून आई सविता या घरी आल्या. घरात जाताच आकाश गळफास घेतलेल्या अवस्थेत दिसला. त्याला पाहून आईने एकच हंबरडा फोडला होता. आईने आरडाओरड केल्यानंतर शेजारी राहणारे नागरिक आणि तरुणांनी धाव घेतली. तसेच, मृतदेह खाली उतरवून जिल्हा शासकीय वैद्यकीय महाविद्यालयात दाखल केला.
याठिकाणी वैद्यकीय अधिकारी डॉ. नम्रता अच्छा यांनी तपासणीअंती मयत घोषित केले. आकाशने आत्महत्या करण्याचे कारण समोर आलेले नाही. मृत आकाश याच्या पश्चात आई सविता, भाऊ दीपक आणि दोन विवाहित बहीण असा परिवार आहे. याप्रकरणी एमआयडीसी पोलीस ठाण्यात अकस्मात मृत्यूची नोंद घेण्याचे काम सुरू होते.