३१ लेट लतिफांना प्रभारी आयुक्तांकडून नोटिसा

म. टा. प्रतिनिधी, जळगाव

महापालिकेत उशिरा येणाऱ्या कर्मचाऱ्यांची पुन्हा जिल्हाधिकारी तथा प्रभारी आयुक्त किशोर राजेनिंबाळकर यांनी मनपाच्या प्रवेशद्वारावर मंगळवारी (दि. ८) सकाळी हजेरी घेतली. या वेळी ३१ कर्मचारी उशिरा आल्याने आढळले असून, त्यांना कारणे दाखवा नोटीस बजविण्यात आल्या आहेत.

महापालिकेतील कर्मचाऱ्यांना कार्यालयात वेळेवर येण्याबाबत फेब्रुवारी महिन्यात आयुक्त किशोर राजेनिंबाळकरांनी सकाळी साडेनऊ वाजेला प्रवेशद्वारावर उभे राहून हजेरी घेतली होती. त्यात अनेक कर्मचारी दहा वाजेपर्यंत आले नसल्याने त्यांना नोटीस देऊन शिस्त लावण्यात आली होती. तर कार्यालयाची वेळ सकाळी ९ वाजून ४५ मिनिट ते सायंकाळी ५ वाजून ४५ मिनिट ही ठरवून दिली होती. या वेळी उशिरा येणाऱ्या ३१ कर्मचाऱ्यांना प्रभारी आयुक्तांनी त्यांच्या दालनात बोलवून घेतले. यापूढे उशिरा आल्यास कारवाई करण्याची तंबी भरलेली आहे. याबाबत आयुक्तांनी महापालिकेत आज सकाळी कर्मचाऱ्यांची घेतलेली हजेरी घेतली. यात २४ कर्मचारी उशिरा आल्याने त्यांना आयुक्तांनी तंबी दिली. तसेच या कर्मचाऱ्यांना कारणे दाखवा नोटीसही देण्यात आली.