म. टा. प्रतिनिधी, जळगाव
सार्वजनिक ठिकाणी धूम्रपान करणे व तंबाखू खाण्यावर शासनाने बंदी घातली आहे. तरीही नागरिकांकडून सर्रासपणे सार्वजनिक ठिकाणी धूम्रपान केले जाते. तंबाखू खावून भिंतीवर रस्त्यावर थुंकले जाते. आज गुरुवारी सिव्हिल हॉस्पिटलमध्ये सकाळी धूम्रपान निर्मूलन पथकाने ८ धूम्रपान करणाऱ्या व तंबाखू खाणाऱ्या नागरिकांसह कर्मचाऱ्यांना पकडून त्यांना जागेवर दंडात्मक कारवाई केली आहे.
राज्य सरकारच्या आदेशानुसार गुरुवारी (दि. १५) सकाळी जिल्हा शल्यचिकित्सक सुनील भांबरे, वैद्यकीय अधिकारी जयकर, रवींद्र पवार, मंगेश बोरसे, दंत शल्यचिकित्सक डॉ. सपना गोस्वामी, पोलिस कर्मचारी उमाकांत चौधरी तसेच सिव्हिलमधील धूम्रपान निर्मूलन विभागासह पथकाने तपासणी केली. यात सिव्हिल परिसरात पथकाला आठ जण तंबाखू सेवन करताना आणि धूम्रपान करताना मिळून आले. पथकाने त्यांना जागेवर पकडून या व्यसनामुळे होणाऱ्या आजारांची माहिती देत त्यांना जागीच २०० रुपयांचा दंड ठोठावला. तर सिव्हिलच्या दोन कर्मचाऱ्यांवर देखील कारवाई करण्यात आली.
वीजचोरीप्रकरणी एक वर्षाची शिक्षा
जळगाव : वीजचोरी प्रकरणी सत्र न्यायालय शहादाने विनायक निंबा पवार (रा. शहादा) यांना घरगुती वीज मीटरमध्ये फेरफार करून वीज चोरी केल्याबद्दल एक वर्ष कारावास व १६००० रुपये दंडाची शिक्षा ठोठावली आहे. नंदुरबार येथील महावितरणच्या भरारी पथकाने वीज चोरीविरुद्ध कारवाई करून महावितरणच्या नाशिक पोलिस स्टेशन येथे गुन्हा दि. २१ जानेवारी, २०१२ रोजी गुन्हा नोंद केला होता. दि. ३० डिसेंबर, २०११ रोजी भरारी पथकाने ग्राहकाच्या घरगुती वीज पुरवठा व विद्युत संच मांडणीची तपासणी केली असता वीज मीटरमध्ये फेरफार केल्याचे निदर्शनास आले.
सार्वजनिक ठिकाणी धूम्रपान करणे व तंबाखू खाण्यावर शासनाने बंदी घातली आहे. तरीही नागरिकांकडून सर्रासपणे सार्वजनिक ठिकाणी धूम्रपान केले जाते. तंबाखू खावून भिंतीवर रस्त्यावर थुंकले जाते. आज गुरुवारी सिव्हिल हॉस्पिटलमध्ये सकाळी धूम्रपान निर्मूलन पथकाने ८ धूम्रपान करणाऱ्या व तंबाखू खाणाऱ्या नागरिकांसह कर्मचाऱ्यांना पकडून त्यांना जागेवर दंडात्मक कारवाई केली आहे.
राज्य सरकारच्या आदेशानुसार गुरुवारी (दि. १५) सकाळी जिल्हा शल्यचिकित्सक सुनील भांबरे, वैद्यकीय अधिकारी जयकर, रवींद्र पवार, मंगेश बोरसे, दंत शल्यचिकित्सक डॉ. सपना गोस्वामी, पोलिस कर्मचारी उमाकांत चौधरी तसेच सिव्हिलमधील धूम्रपान निर्मूलन विभागासह पथकाने तपासणी केली. यात सिव्हिल परिसरात पथकाला आठ जण तंबाखू सेवन करताना आणि धूम्रपान करताना मिळून आले. पथकाने त्यांना जागेवर पकडून या व्यसनामुळे होणाऱ्या आजारांची माहिती देत त्यांना जागीच २०० रुपयांचा दंड ठोठावला. तर सिव्हिलच्या दोन कर्मचाऱ्यांवर देखील कारवाई करण्यात आली.
वीजचोरीप्रकरणी एक वर्षाची शिक्षा
जळगाव : वीजचोरी प्रकरणी सत्र न्यायालय शहादाने विनायक निंबा पवार (रा. शहादा) यांना घरगुती वीज मीटरमध्ये फेरफार करून वीज चोरी केल्याबद्दल एक वर्ष कारावास व १६००० रुपये दंडाची शिक्षा ठोठावली आहे. नंदुरबार येथील महावितरणच्या भरारी पथकाने वीज चोरीविरुद्ध कारवाई करून महावितरणच्या नाशिक पोलिस स्टेशन येथे गुन्हा दि. २१ जानेवारी, २०१२ रोजी गुन्हा नोंद केला होता. दि. ३० डिसेंबर, २०११ रोजी भरारी पथकाने ग्राहकाच्या घरगुती वीज पुरवठा व विद्युत संच मांडणीची तपासणी केली असता वीज मीटरमध्ये फेरफार केल्याचे निदर्शनास आले.