अजिंठा चौफुलीचा आराखडा तयार

जळगाव : अजिंठा चौफुलीच्या अतिक्रमण निर्मूलन मोहिमेनंतर या चौफुलीचा विकास करण्यात येणार असून, प्रभारी आयुक्त किशोर राजे निंबाळकर यांच्या कल्पनेतून या चौफुलीचा प्राथमिक विकास आराखडा महापालिकेतर्फे तयार करण्यात आला आहे.

प्रभारी आयुक्त किशोर राजे निंबाळकर यांच्या कल्पनेतील विकास आराखड्याचे संकल्पना चित्र तयार करण्यात आले असून यानुसार या चौफुलीचा विकास करण्याचे श्री. निंबाळकर यांनी निश्चित केले आहे. यामुळे या भागातील वाहतूक कोंडी सुटण्यास मदत होणार आहे. त्याचबरोबर या संकल्पना चित्रानुसार शहराचे प्रवेशद्वार असलेल्या या चौफुलीचे सुशोभीकरण होणार असून, यामुळे शहराच्या सौंदर्यात भर पडणार आहे.