शेतकरी कुटुंबांना धनादेश वाटप

चाळीसगाव : नापिकी व कर्जबाजारीपणामुळे जीवन संपविलेल्या तीन शेतकऱ्यांच्या वारसांना प्रत्येकी एक लाखांची शासकीय मदत देण्यात आली.

या मदतीचे धनादेश आमदार किशोर पाटील यांच्या हस्ते सोपविण्यात आले. तसेच राष्ट्रीय कुटुंब कल्याण योजनेंतर्गत २६ लाभार्थ्यांना प्रत्येकी २० हजारांची मदत देण्यात आली. पाचोरा येथील तहसील कार्यालयाच्या सभागृहात हा हा कार्यक्रम पार पडला. या वेळी तहसीलदार बी. ए. कापसे, नायब तहसीलदार अमित भोईटे उपस्थित होते. नेरी येथील बाळू भास्कर शेलार, आनंदा कोळी (कुरंगी), कोकडी येथील युवराज जाधव यांच्या वारसांना ३० हजारांचा धनादेश व ७० हजारांचे पोस्ट बचत प्रमाणपत्र देण्यात आले. प्रसंगी अरुण पाटील, पद्मसिंह पाटील, गणेश पाटील, भरत खंडेलवाल उपस्थित होते.