अमळनेर : येथील नगरपालिकेचे मुख्याधिकारी डॉ. उत्कर्ष गूटे यांना शहरातील भुयारी गटार योजनेच्या अंमलबजावणीत दुर्लक्ष केल्यामुळे, त्यांना मंगळवारी (दि. ३) प्रशासनाने निलंबित केले आहे. अमळनेर नगरपालिका मुख्याधिकारीपदाचा प्रभारी चार्ज भुसावळचे मुख्याधिकारी बी. टी. बाविस्कर यांच्याकडे देण्यात आला असून, दुपारी तीन वाजेला ते पदभार घेणार असल्याची प्राथमिक माहिती आहे. अमळनेर नगरपालिकेचे मुख्याधिकारी डॉ. उत्कर्ष गुटे यांनी शहरात झालेल्या भुयारी गटार योजनेच्या अंमलबजावणीत दुर्लक्ष केले होते. याबाबत त्यांच्याविरुद्ध महाराष्ट्र नागरी सेवा नियम १९७९ च्या पोटनियम (१) (अ )व (ब) नुसार निलंबित करण्याचे सरकारचे आदेश आले होते. तसेच जिल्हा प्रशासनाने आयोजित केलेल्या शहर पाणीपुरवठा नियोजन बैठकीसह मुंबईच्या बैठकीला कुठलेही कारण न देता अनुपस्थित राहणे या कारणांमुळे विभागाने त्यांना तातडीने निलंबित करण्याचे आदेश काढले. सदर आदेश मंगळवारी, दुपारी नगरपालिकेला प्राप्त झाले असून, त्यांनुसार निलंबनाची कारवाई करण्यात आलेली आहे.
अमळनेर नगरपालिकेचे मुख्याधिकारी निलंबित
अमळनेर नगरपालिकेचे मुख्याधिकारी डॉ. उत्कर्ष गूटे यांना शहरातील भुयारी गटार योजनेच्या अंमलबजावणीत दुर्लक्ष केल्यामुळे, त्यांना मंगळवारी (दि. ३) प्रशासनाने निलंबित केले आहे.
Maharashtra Times 4 Apr 2018, 7:47 am