म. टा. वृत्तसेवा, जळगाव
एकनाथ खडसे-अंजली दमानिया वाद आणखी चिघळण्याची शक्यता असून जळगाव जिल्ह्यातील तापी विकास महामंडळाच्या अखत्यारीतील चार प्रकल्पांबाबतची माहितीसाठी बुधवारी अंजली दमानिया या सायंकाळी थेट जळगावात दाखल होऊन तापी विकास महामंडळाच्या कार्यालयात धडक दिली. त्या आज जळगाव आरटीओंची भेट घेऊन दुपारनंतर मुक्ताईनगरला जाणार आहेत.
बुधवारी शहरात अंजली दमानिया आल्यानंतर त्यांना संबंधीत माहिती ही तापी महामंडळात नसून गिरणाभवनात मिळू शकेल, असे सांगण्यात आले. नंतर त्या गिरणाभवनात आल्या व त्यांनी अधीक्षक अभियंता संजीव चोपडे यांची भेट घेतली. दमानिया यांनी पद्मालय प्रकल्प, मुक्ताईनगरची कुऱ्हा वढोदा सिंचन योजना, निम्न तापी प्रकल्पाच्या गेटसंबंधीच्या कामांबाबत मूळ कागदपत्रांची मागणी केली. याबाबतची कागदपत्रे अधीक्षक अभियंता चोपडे यांनी तत्काळ उपलब्ध करून देण्याचे आदेश दिले आहेत.
पत्रकारांशी बोलताना दमानिया यांनी या दौऱ्यात खडसे यांच्याशी संबंधीत संस्थांसाठी गोळा होत असलेला पैसा याबाबत आपण माहिती घेणार आहोत, असे सांगितले. तसेच आज सकाळी जळगाव आरटीओ सुभाष वारे यांची ‘लिमोझीन’ कार संदर्भात भेट घेणार असल्याचेही दमानिया यांनी यावेळी सांगितले.
आज मुक्ताईनगरला जाणार
अंजली दमानिया या गुरूवारी दुपारुन मुक्ताईनगरला जाणार असून खडसेंची जमीन तेथे काय उगवते ते पाहणार आहेत. राष्ट्रवादी काँग्रेस पक्षात जसे छगन भुजबळ होते तसे एकनाथ खडसे हे भाजपमधील भुजबळ असल्याचे दमानिया यांनी सांगितले. यावेळी दमानिया यांच्यासोबत आप पक्षाचे कार्यकर्ते होते. मात्र आपण कोणत्याही पक्षात नाही, असे सांगून हे कार्यकर्ते केवळ मदतीसाठी आले असल्याचे त्यांनी पत्रकारांना सांगितले.
एकनाथ खडसे-अंजली दमानिया वाद आणखी चिघळण्याची शक्यता असून जळगाव जिल्ह्यातील तापी विकास महामंडळाच्या अखत्यारीतील चार प्रकल्पांबाबतची माहितीसाठी बुधवारी अंजली दमानिया या सायंकाळी थेट जळगावात दाखल होऊन तापी विकास महामंडळाच्या कार्यालयात धडक दिली. त्या आज जळगाव आरटीओंची भेट घेऊन दुपारनंतर मुक्ताईनगरला जाणार आहेत.
बुधवारी शहरात अंजली दमानिया आल्यानंतर त्यांना संबंधीत माहिती ही तापी महामंडळात नसून गिरणाभवनात मिळू शकेल, असे सांगण्यात आले. नंतर त्या गिरणाभवनात आल्या व त्यांनी अधीक्षक अभियंता संजीव चोपडे यांची भेट घेतली. दमानिया यांनी पद्मालय प्रकल्प, मुक्ताईनगरची कुऱ्हा वढोदा सिंचन योजना, निम्न तापी प्रकल्पाच्या गेटसंबंधीच्या कामांबाबत मूळ कागदपत्रांची मागणी केली. याबाबतची कागदपत्रे अधीक्षक अभियंता चोपडे यांनी तत्काळ उपलब्ध करून देण्याचे आदेश दिले आहेत.
पत्रकारांशी बोलताना दमानिया यांनी या दौऱ्यात खडसे यांच्याशी संबंधीत संस्थांसाठी गोळा होत असलेला पैसा याबाबत आपण माहिती घेणार आहोत, असे सांगितले. तसेच आज सकाळी जळगाव आरटीओ सुभाष वारे यांची ‘लिमोझीन’ कार संदर्भात भेट घेणार असल्याचेही दमानिया यांनी यावेळी सांगितले.
आज मुक्ताईनगरला जाणार
अंजली दमानिया या गुरूवारी दुपारुन मुक्ताईनगरला जाणार असून खडसेंची जमीन तेथे काय उगवते ते पाहणार आहेत. राष्ट्रवादी काँग्रेस पक्षात जसे छगन भुजबळ होते तसे एकनाथ खडसे हे भाजपमधील भुजबळ असल्याचे दमानिया यांनी सांगितले. यावेळी दमानिया यांच्यासोबत आप पक्षाचे कार्यकर्ते होते. मात्र आपण कोणत्याही पक्षात नाही, असे सांगून हे कार्यकर्ते केवळ मदतीसाठी आले असल्याचे त्यांनी पत्रकारांना सांगितले.