म. टा. प्रतिनिधी, जळगाव
जळगाव-आसोदा रस्त्याच्या दुरवस्थेची दखल घेत त्यावरील खड्डे बुजवून सपाटीकरण करण्याचे आदेश महापौर व आयुक्तांनी दिले आहेत. या रस्त्याच्या परिसरातील रहिवाशांनी काही दिवसांपूर्वी महापौरांची भेट घेऊन रस्त्याच्या दुरुस्तीची मागणी केली होती.
जळगावमधील मोहन टॉकीज ते आसोदा नाका हा दोनशे मीटरचा रस्ता गेल्या अनेक वर्षांपासून खराब झाला आहे. या रस्त्यावर अनेक ठिकाणी मोठे खड्डे पडले आहेत. रस्त्यालगतच्या विस्तारीत रहिवासी भागात गटारी नसल्याने तेथील सांडपाणी या रस्त्यावरून वाहत असते. हे पाणी खड्ड्यांमध्ये साचून डबकी तयार झाली आहे. त्यामुळे हा रस्ता तातडीने दुरुस्त करावा, अशी मागणी असोद्याच्या ग्रामस्थांनी केली होती. महापौर नितीन लढ्ढा, आयुक्त जीवन सोनवणे, माजी उपमहपौर सुनील महाजन, विष्णू भंगाळे, बांधकाम अभियंता सुनील भोळे, आरोग्य अधिकारी उदय पाटील यांनी या रस्त्याची सोमवारी पाहणी केली. त्यांनी रस्त्याचे सपाटीकरण करण्यासह खड्ड्यामध्ये मुरूम टाकण्याच्या सूचना बांधकाम विभागाला दिल्या आहेत.
सार्वजनिक बांधकाम करणार रस्ता
रस्त्याचे काँक्रिटीकरण सार्वजनिक बांधकाम विभागाकडून केले जाणार आहे. त्यासाठी दोन कोटी १० लाख रुपयांचा निधी मंजूर झाला आहे. दोन महिन्यांत या कामास सुरुवात केली जाणार आहे. तोपर्यंत तात्पुरती दुरुस्ती होणार आहे.
जळगाव-आसोदा रस्त्याच्या दुरवस्थेची दखल घेत त्यावरील खड्डे बुजवून सपाटीकरण करण्याचे आदेश महापौर व आयुक्तांनी दिले आहेत. या रस्त्याच्या परिसरातील रहिवाशांनी काही दिवसांपूर्वी महापौरांची भेट घेऊन रस्त्याच्या दुरुस्तीची मागणी केली होती.
जळगावमधील मोहन टॉकीज ते आसोदा नाका हा दोनशे मीटरचा रस्ता गेल्या अनेक वर्षांपासून खराब झाला आहे. या रस्त्यावर अनेक ठिकाणी मोठे खड्डे पडले आहेत. रस्त्यालगतच्या विस्तारीत रहिवासी भागात गटारी नसल्याने तेथील सांडपाणी या रस्त्यावरून वाहत असते. हे पाणी खड्ड्यांमध्ये साचून डबकी तयार झाली आहे. त्यामुळे हा रस्ता तातडीने दुरुस्त करावा, अशी मागणी असोद्याच्या ग्रामस्थांनी केली होती. महापौर नितीन लढ्ढा, आयुक्त जीवन सोनवणे, माजी उपमहपौर सुनील महाजन, विष्णू भंगाळे, बांधकाम अभियंता सुनील भोळे, आरोग्य अधिकारी उदय पाटील यांनी या रस्त्याची सोमवारी पाहणी केली. त्यांनी रस्त्याचे सपाटीकरण करण्यासह खड्ड्यामध्ये मुरूम टाकण्याच्या सूचना बांधकाम विभागाला दिल्या आहेत.
सार्वजनिक बांधकाम करणार रस्ता
रस्त्याचे काँक्रिटीकरण सार्वजनिक बांधकाम विभागाकडून केले जाणार आहे. त्यासाठी दोन कोटी १० लाख रुपयांचा निधी मंजूर झाला आहे. दोन महिन्यांत या कामास सुरुवात केली जाणार आहे. तोपर्यंत तात्पुरती दुरुस्ती होणार आहे.