हॉकर्सच्या याचिकेवर आज सुनावणी

म. टा. प्रतिनिधी, जळगाव

बळीराम पेठेतील हॉकर्सधारकांनी महापालिकेविरुद्ध औरंगाबाद खंडपीठात याचिका दाखल केली होती. या याचिकेवर गुरुवारी (दि. २३) अंतिम सुनावणी होणार असल्याची माहिती अतिक्रमण निर्मूलन विभागाकडून देण्यात आली.

शहरातील रस्ते अतिक्रमण मुक्त करून हे रस्ते मोकळे करण्याचे आदेश उच्च न्यायालयाने दिले होते. यावर बळीराम पेठेतील पाच हॉकर्सधारकांनी मनपा विरुद्ध खंडपीठात धाव घेतली होती. या याचिकेवर आज न्यायमूर्ती एस. एस. शिंदे व के. के. सोनवणे यांच्या न्यायालयात कामकाज झाले. दाखल करण्यात आलेल्या याचिकेवर याचिकाकर्त्यांकडून अॅड. महेश भोकरीकर यांनी तर मनपाकडून अॅड. पी. आर. पाटील यांनी सुमारे पाऊण तास युक्तिवाद सादर करण्यात आला.