कजगाव, वाघळीतील घटना
म. टा. वृत्तसेवा, चाळीसगाव
तालुक्यातील वाघळी व भडगाव तालुक्यातील कजगाव येथील सेन्ट्रल बँकेच्या शाखेत चोरट्यांनी चोरीचा प्रयत्न केला. कजगाव येथे बँकेतील सायरनचा आवाज झाल्याने व वाघळी येथे बँकेतील तिजोरी न फुटल्याने चोरट्यांचा हा प्रयत्न फसला. शुक्रवारी (दि. १३) मध्यरात्री २ ते ३ वाजेदरम्यान ही घटना घडली.
भडगाव तालुक्यातील कजगाव येथील संत सावता माळी चौकातील सेंट्रल बँकेच्या शाखेत अज्ञात चोरट्यांनी चोरीचा प्रयत्न केला. मात्र अद्ययावत सायरन सिस्टीम मुळे मोठी चोरी टळली. सायरनचा आवाज झाल्याने चोरटे अंधाराचा फायदा घेत पसार झाले.
माहिती अशी की, शुक्रवारी मध्यरात्री नंतर अज्ञात चोरट्यांनी बँकेचे मुख्य प्रवेशद्वाराच्या शटर चे दोघं कुलूप तोडून आत प्रवेश केला. चोरट्यांनी आत प्रवेश केल्यानंतर बँकेत सेन्सॉरने जोडलेली सायरन सुविधांचा जोरदार आवाज सुरू झाला. त्यामुळे चोरट्यांनी तेथुन धूम ठोकली. सायरनच्या आवाजाने पोलिस चौकीत हजर असलेले पोलिस हवालदार विजय पाटील व विजय राजपूत तसेच सराफ बाजार चौकातील पहारेकरी हुसेन शेख यांनी बँकेच्या दिशेने धाव घेतली. तेथे त्यांना बँकेच्या गेटचे कुलूप तोडलेले दिसले. तिघांनी ताबडतोब परिसर पिंजून काढला मात्र रात्रीच्या अंधाराचा फायदा घेत चोरटे तेथून पसार झाले.
सायरनमुळे घटना टळली
अद्ययावत सायरन सिस्टिममुळे चोरट्यांचा बँकेत चोरीचा प्रयत्न फसला. या सेन्सॉर सिस्टिमने काही सेकंदातच शाखा व्यवस्थापक ऋषीकेश, सहाय्यक व्यवस्थापक सुरेश कुमार, शिपाई रामा चौधरी तिघांना चोरटे बँकेत शिरताच कॉल जाऊन तिघेही सतर्क झाले. शाखा व्यवस्थापक रात्रीच बँकेत हजर होऊन त्यांनी पाहणी केली असता काहीही चोरी न झाल्याचे त्यांना लक्षात आले. याप्रकरणी भडगाव पोलिस ठाण्यात गुन्हा नोंदविण्यात आला आहे. उपविभागीय पोलिस अधिकारी अरविंद पाटील, पोलिस निरीक्षक धनंजय येरूळे यांनी भेट देऊन पाहणी केली.
वाघळीतही चोरीचा प्रयत्न
वाघळी येथे भडगाव रस्त्यावर सेन्ट्रल बँक ऑफ इंडियाची शाखा आहे. याठिकाणी शुक्रवारी (दि. १३) मध्यरात्री तीन वाजेच्या सुमारास अज्ञात चोरट्यांनी परिसरातील इलेक्ट्रिक सर्व्हिस वायर कट करून बँकेच्या मुख्य दरवाजाचे कडी-कुलूप तोडत बँकेत प्रवेश केला. चोरट्यांनी बँकेतील सीसीटीव्ही कॅमेरे फिरवत तिजोरी फोडण्याचा प्रयत्न केला.
परंतु, तिजोरी भक्कम असल्याने शर्थीचे प्रयत्न करूनदेखील तिजोरी न फुटल्याने चोरट्यांना खाली हात परतावे लागले. शनिवारी (दि. १४) सकाळी ही घटना उघडकीस आली. बँकेच्या सीसीटीव्ही कॅमेऱ्यात चेहऱ्याला रूमाल गुंडाळलेले दोन चोरटे कैद झाल्याची माहिती वाघळीचे सरपंच विकास चौधरी यांनी दिली. याप्रकरणी सायंकाळपर्यंत घटनेची पोलिसात कुठलीच नोंद झालेली नव्हती. मुख्य रस्त्यावर भर चौकात एकाच रात्री दोन बँक फोडण्याचा चोरट्यांचा प्रयत्न केल्याने पोलिसांसमोर एक आव्हान उभे राहिले आहे.
म. टा. वृत्तसेवा, चाळीसगाव
तालुक्यातील वाघळी व भडगाव तालुक्यातील कजगाव येथील सेन्ट्रल बँकेच्या शाखेत चोरट्यांनी चोरीचा प्रयत्न केला. कजगाव येथे बँकेतील सायरनचा आवाज झाल्याने व वाघळी येथे बँकेतील तिजोरी न फुटल्याने चोरट्यांचा हा प्रयत्न फसला. शुक्रवारी (दि. १३) मध्यरात्री २ ते ३ वाजेदरम्यान ही घटना घडली.
भडगाव तालुक्यातील कजगाव येथील संत सावता माळी चौकातील सेंट्रल बँकेच्या शाखेत अज्ञात चोरट्यांनी चोरीचा प्रयत्न केला. मात्र अद्ययावत सायरन सिस्टीम मुळे मोठी चोरी टळली. सायरनचा आवाज झाल्याने चोरटे अंधाराचा फायदा घेत पसार झाले.
माहिती अशी की, शुक्रवारी मध्यरात्री नंतर अज्ञात चोरट्यांनी बँकेचे मुख्य प्रवेशद्वाराच्या शटर चे दोघं कुलूप तोडून आत प्रवेश केला. चोरट्यांनी आत प्रवेश केल्यानंतर बँकेत सेन्सॉरने जोडलेली सायरन सुविधांचा जोरदार आवाज सुरू झाला. त्यामुळे चोरट्यांनी तेथुन धूम ठोकली. सायरनच्या आवाजाने पोलिस चौकीत हजर असलेले पोलिस हवालदार विजय पाटील व विजय राजपूत तसेच सराफ बाजार चौकातील पहारेकरी हुसेन शेख यांनी बँकेच्या दिशेने धाव घेतली. तेथे त्यांना बँकेच्या गेटचे कुलूप तोडलेले दिसले. तिघांनी ताबडतोब परिसर पिंजून काढला मात्र रात्रीच्या अंधाराचा फायदा घेत चोरटे तेथून पसार झाले.
सायरनमुळे घटना टळली
अद्ययावत सायरन सिस्टिममुळे चोरट्यांचा बँकेत चोरीचा प्रयत्न फसला. या सेन्सॉर सिस्टिमने काही सेकंदातच शाखा व्यवस्थापक ऋषीकेश, सहाय्यक व्यवस्थापक सुरेश कुमार, शिपाई रामा चौधरी तिघांना चोरटे बँकेत शिरताच कॉल जाऊन तिघेही सतर्क झाले. शाखा व्यवस्थापक रात्रीच बँकेत हजर होऊन त्यांनी पाहणी केली असता काहीही चोरी न झाल्याचे त्यांना लक्षात आले. याप्रकरणी भडगाव पोलिस ठाण्यात गुन्हा नोंदविण्यात आला आहे. उपविभागीय पोलिस अधिकारी अरविंद पाटील, पोलिस निरीक्षक धनंजय येरूळे यांनी भेट देऊन पाहणी केली.
वाघळीतही चोरीचा प्रयत्न
वाघळी येथे भडगाव रस्त्यावर सेन्ट्रल बँक ऑफ इंडियाची शाखा आहे. याठिकाणी शुक्रवारी (दि. १३) मध्यरात्री तीन वाजेच्या सुमारास अज्ञात चोरट्यांनी परिसरातील इलेक्ट्रिक सर्व्हिस वायर कट करून बँकेच्या मुख्य दरवाजाचे कडी-कुलूप तोडत बँकेत प्रवेश केला. चोरट्यांनी बँकेतील सीसीटीव्ही कॅमेरे फिरवत तिजोरी फोडण्याचा प्रयत्न केला.
परंतु, तिजोरी भक्कम असल्याने शर्थीचे प्रयत्न करूनदेखील तिजोरी न फुटल्याने चोरट्यांना खाली हात परतावे लागले. शनिवारी (दि. १४) सकाळी ही घटना उघडकीस आली. बँकेच्या सीसीटीव्ही कॅमेऱ्यात चेहऱ्याला रूमाल गुंडाळलेले दोन चोरटे कैद झाल्याची माहिती वाघळीचे सरपंच विकास चौधरी यांनी दिली. याप्रकरणी सायंकाळपर्यंत घटनेची पोलिसात कुठलीच नोंद झालेली नव्हती. मुख्य रस्त्यावर भर चौकात एकाच रात्री दोन बँक फोडण्याचा चोरट्यांचा प्रयत्न केल्याने पोलिसांसमोर एक आव्हान उभे राहिले आहे.