म. टा. प्रतिनिधी, जळगाव
भारतीय जनता पक्ष स्थापना दिवस देशभरात ६ एप्रिल रोजी साजरा होणार आहे. यासाठी शनिवारी (दि. १७) जळगावात बैठक आयोजित केली होती. यात प्रदेशाध्यक्ष रावसाहेब दानवे यांच्यासह आमदार एकनाथ खडसे यांची गैरहजेरी अनेकांना खटकली. मुंबईच्या मेळाव्यासाठी जळगाव जिल्ह्यातून ५० हजार तर खान्देशातून एक लाख कार्यकर्ते जाणार असल्याची माहिती जलसंपदामंत्री गिरीश महाजन यांनी बैठकीत दिली.
शहरातील सिंधी कॉलनी येथील संत बाबा हरदासराम सभागृहातील भाजप संघटन विस्तार पर्व धुळे, नंदुरबार, जळगाव विभागीय नियोजन बैठक पार पडली. धुळे, नंदुरबार, जळगाव या तिन्ही जिल्ह्यातील पदाधिकाऱ्यांच्या जिल्हास्तरीय मेळाव्याचे आयोजन शहरातील सिंधी कॉलनी येथील संत बाबा हरदासराम सभागृहात करण्यात आले होते. बराच वेळ माजी मंत्री आमदार एकनाथ खडसे तसेच पर्यटन विकास मंत्री जयप्रकाश रावल येणार असल्याचे सांगण्यात आले. मात्र, ऐनवेळी आमदार खडसे उपस्थित नसल्याने पदाधिकाऱ्यांसह कार्यकर्त्यांमध्ये संभ्रम निर्माण झाला होता. या वेळी खासदार रक्षा खडसे, खासदार ए. टी. पाटील, आमदार उदयसिंग पाडवी, ओबीसी सेलचे प्रदेशाध्यक्ष विजय चौधरी, डॉ. जोहरा शाह आदी उपस्थित होते.
विरोधकांमध्ये धास्ती
गेल्या अनेक वर्षापासून भाजप विरोधकाची भूमिका बजावत होता. त्यावेळी शेतकरी व सर्वसामान्य नागरिकांच्या हितासाठी रस्त्यावर उतरून आंदोलने, मोर्चे काढली जात होती. मात्र भाजप सरकारच्या विकासामुळे काँग्रेस, राष्ट्रवादी काँग्रेस धास्तावले असल्याने ते मोर्चा काढत नसल्याचा टोला मंत्री गिरीश महाजन यांनी लगावला. ६ एप्रिल रोजी मुंबईत होणाऱ्या भाजपच्या स्थापना दिनासाठी ज्येष्ठ नेत्यांनी मेहनत घेतली आहे. मुंबई येथे राष्ट्रीय अध्यक्ष अमित शहा यांच्या उपस्थितीत हा राज्यस्तरीय मेळावा होणार आहे. यानिमित्त प्रत्येक गावागावात पक्षाचे ध्वज लावा, असे आवाहन प्रदेश सरचिटणीस डॉ. रामदास आंबटकर यांनी केले.
भारतीय जनता पक्ष स्थापना दिवस देशभरात ६ एप्रिल रोजी साजरा होणार आहे. यासाठी शनिवारी (दि. १७) जळगावात बैठक आयोजित केली होती. यात प्रदेशाध्यक्ष रावसाहेब दानवे यांच्यासह आमदार एकनाथ खडसे यांची गैरहजेरी अनेकांना खटकली. मुंबईच्या मेळाव्यासाठी जळगाव जिल्ह्यातून ५० हजार तर खान्देशातून एक लाख कार्यकर्ते जाणार असल्याची माहिती जलसंपदामंत्री गिरीश महाजन यांनी बैठकीत दिली.
शहरातील सिंधी कॉलनी येथील संत बाबा हरदासराम सभागृहातील भाजप संघटन विस्तार पर्व धुळे, नंदुरबार, जळगाव विभागीय नियोजन बैठक पार पडली. धुळे, नंदुरबार, जळगाव या तिन्ही जिल्ह्यातील पदाधिकाऱ्यांच्या जिल्हास्तरीय मेळाव्याचे आयोजन शहरातील सिंधी कॉलनी येथील संत बाबा हरदासराम सभागृहात करण्यात आले होते. बराच वेळ माजी मंत्री आमदार एकनाथ खडसे तसेच पर्यटन विकास मंत्री जयप्रकाश रावल येणार असल्याचे सांगण्यात आले. मात्र, ऐनवेळी आमदार खडसे उपस्थित नसल्याने पदाधिकाऱ्यांसह कार्यकर्त्यांमध्ये संभ्रम निर्माण झाला होता. या वेळी खासदार रक्षा खडसे, खासदार ए. टी. पाटील, आमदार उदयसिंग पाडवी, ओबीसी सेलचे प्रदेशाध्यक्ष विजय चौधरी, डॉ. जोहरा शाह आदी उपस्थित होते.
विरोधकांमध्ये धास्ती
गेल्या अनेक वर्षापासून भाजप विरोधकाची भूमिका बजावत होता. त्यावेळी शेतकरी व सर्वसामान्य नागरिकांच्या हितासाठी रस्त्यावर उतरून आंदोलने, मोर्चे काढली जात होती. मात्र भाजप सरकारच्या विकासामुळे काँग्रेस, राष्ट्रवादी काँग्रेस धास्तावले असल्याने ते मोर्चा काढत नसल्याचा टोला मंत्री गिरीश महाजन यांनी लगावला. ६ एप्रिल रोजी मुंबईत होणाऱ्या भाजपच्या स्थापना दिनासाठी ज्येष्ठ नेत्यांनी मेहनत घेतली आहे. मुंबई येथे राष्ट्रीय अध्यक्ष अमित शहा यांच्या उपस्थितीत हा राज्यस्तरीय मेळावा होणार आहे. यानिमित्त प्रत्येक गावागावात पक्षाचे ध्वज लावा, असे आवाहन प्रदेश सरचिटणीस डॉ. रामदास आंबटकर यांनी केले.