जळगाव: जलसंपदा मंत्री गिरीश महाजन यांचं वर्चस्व असलेल्या जामनेर नगरपरिषदेवर भाजपनं शतप्रतिशत विजय प्राप्त केला आहे. जामनेर नगर परिषदेच्या २४ पैकी २४ जागांवर भाजपने दणदणीत विजय मिळविला असून भाजपच्या नगराध्यक्षपदाच्या उमेदवार आणि महाजन यांच्या पत्नी साधना महाजन या सुद्धा निवडून आल्या आहेत.
जामनेर नगरपरिषदेच्या पंचवार्षिक निवडणुकीची आज सकाळी मतमोजणी सुरू झाली असता पहिल्या फेरीपासूनच भाजपनं सर्वच्या सर्व जागांवर आघाडी घेतली होती. अवघ्या तीन तासांतच या निवडणुकीचे सर्व निकाल हाती आले असून नगरपरिषदेच्या सर्वच्या सर्व २४ जागांवर भाजप विजयी झाला आहे.
आजरामध्ये विकास आघाडी
कोल्हापूरमधील आजरा नगरपंचायतीच्या पहिल्याच निवडणुकीत भाजपप्रणित आजरा शहर विकास आघाडीने दणदणीत यश मिळविले आहे. या आघाडीने १७ पैकी ९ जागा जिंकत आजरा नगरपंचायतीवर वर्चस्व प्रस्थापित केलं आहे. काँग्रेस, राष्ट्रवादी आणि शिवसेना आघाडीला ५ जागांवर समाधान मानावं लागलं असून परिवर्तन आघाडी आणि अपक्षांना प्रत्येकी एक जागा मिळाली आहे. दरम्यान, आजराच्या पहिल्या नगराध्यक्षा होण्याचा मान ज्योत्सना चराटी यांना मिळण्याची शक्यता असल्याचं सूत्रांनी सांगितलं.
जामनेर नगरपरिषदेच्या पंचवार्षिक निवडणुकीची आज सकाळी मतमोजणी सुरू झाली असता पहिल्या फेरीपासूनच भाजपनं सर्वच्या सर्व जागांवर आघाडी घेतली होती. अवघ्या तीन तासांतच या निवडणुकीचे सर्व निकाल हाती आले असून नगरपरिषदेच्या सर्वच्या सर्व २४ जागांवर भाजप विजयी झाला आहे.
आजरामध्ये विकास आघाडी
कोल्हापूरमधील आजरा नगरपंचायतीच्या पहिल्याच निवडणुकीत भाजपप्रणित आजरा शहर विकास आघाडीने दणदणीत यश मिळविले आहे. या आघाडीने १७ पैकी ९ जागा जिंकत आजरा नगरपंचायतीवर वर्चस्व प्रस्थापित केलं आहे. काँग्रेस, राष्ट्रवादी आणि शिवसेना आघाडीला ५ जागांवर समाधान मानावं लागलं असून परिवर्तन आघाडी आणि अपक्षांना प्रत्येकी एक जागा मिळाली आहे. दरम्यान, आजराच्या पहिल्या नगराध्यक्षा होण्याचा मान ज्योत्सना चराटी यांना मिळण्याची शक्यता असल्याचं सूत्रांनी सांगितलं.