म. टा. प्रतिनिधी, जळगाव
मोटारसायकलचा लहान मुलाला कट लागल्यामुळे आई-वडील रागावतील या भीतीपोटी एका बारावर्षीय बालकाने शेतातील फवारणीचे औषध प्राशन करून आत्महत्या केल्याची खळबळजनक घटना मंगळवारी (दि. १४) सकाळी साडेदहा वाजता यावल तालुक्यातील किनगाव या गावी घडली. चेतन संजय पाटील असे मृत बालकाचे नाव आहे.
चेतन हा किनगाव येथे आई-वडील तसेच मोठा भाऊ यांच्यासोबत राहत होता. चेतन हा नववीत होता. आज मंगळवारी, नेहमीप्रमाणे वडील संजय व आई दोघे सकाळीच शेतात कामाला गेले होते. मोठा भाऊ गौरवदेखील शाळेत गेला होता. सकाळी घराजवळ मोटारसायकलवरून फिरत असताना त्याच्या मोटारसायकलचा कट एका सहा ते सात वर्षाच्या बालकाला लागला. त्यात तोल जाऊन मोटारसायकल त्या बालकाच्या अंगावर पडली. मात्र, यात दोघांना किरकोळ खरचटले गेले. परंतु, त्या लहान बालकाला लागल्यामुळे आई-वडील आपल्याला रागावतील या भीतीने चेतन तेथून मोटारसायकल घेऊन घराकडे आला. घरात आल्यानंतर आई-वडील रागावतील या भीतीपोटी त्याने घरात पडलेले फवारणीचे औषध प्राशन केले. यावेळी शेजारील रहिवासी व मित्रमंडळींना चेतनने विषप्राशन केल्याचे लक्षात येताच त्यांनी तात्काळ त्याला किनगाव येथील प्राथमिक उपकेंद्रात उपचारार्थ नेले. प्रकृती जास्तच खालावल्याने त्याला जिल्हा रुग्णालयात हलविण्यात आले. डॉक्टरांनी त्याची तपासणी केली असता त्याला मृत घोषित केले. यावेळी चेतन याच्या आई-वडीलांनी देखील रुग्णालय गाठले. मुलाच्या मृत्यूची बातमी कळताच त्यांनी एकच आक्रोश केला. यावेळी नातेवाईकांनी रुग्णालयात गर्दी केली होती.
मोटारसायकलचा लहान मुलाला कट लागल्यामुळे आई-वडील रागावतील या भीतीपोटी एका बारावर्षीय बालकाने शेतातील फवारणीचे औषध प्राशन करून आत्महत्या केल्याची खळबळजनक घटना मंगळवारी (दि. १४) सकाळी साडेदहा वाजता यावल तालुक्यातील किनगाव या गावी घडली. चेतन संजय पाटील असे मृत बालकाचे नाव आहे.
चेतन हा किनगाव येथे आई-वडील तसेच मोठा भाऊ यांच्यासोबत राहत होता. चेतन हा नववीत होता. आज मंगळवारी, नेहमीप्रमाणे वडील संजय व आई दोघे सकाळीच शेतात कामाला गेले होते. मोठा भाऊ गौरवदेखील शाळेत गेला होता. सकाळी घराजवळ मोटारसायकलवरून फिरत असताना त्याच्या मोटारसायकलचा कट एका सहा ते सात वर्षाच्या बालकाला लागला. त्यात तोल जाऊन मोटारसायकल त्या बालकाच्या अंगावर पडली. मात्र, यात दोघांना किरकोळ खरचटले गेले. परंतु, त्या लहान बालकाला लागल्यामुळे आई-वडील आपल्याला रागावतील या भीतीने चेतन तेथून मोटारसायकल घेऊन घराकडे आला. घरात आल्यानंतर आई-वडील रागावतील या भीतीपोटी त्याने घरात पडलेले फवारणीचे औषध प्राशन केले. यावेळी शेजारील रहिवासी व मित्रमंडळींना चेतनने विषप्राशन केल्याचे लक्षात येताच त्यांनी तात्काळ त्याला किनगाव येथील प्राथमिक उपकेंद्रात उपचारार्थ नेले. प्रकृती जास्तच खालावल्याने त्याला जिल्हा रुग्णालयात हलविण्यात आले. डॉक्टरांनी त्याची तपासणी केली असता त्याला मृत घोषित केले. यावेळी चेतन याच्या आई-वडीलांनी देखील रुग्णालय गाठले. मुलाच्या मृत्यूची बातमी कळताच त्यांनी एकच आक्रोश केला. यावेळी नातेवाईकांनी रुग्णालयात गर्दी केली होती.