वन्यजीवप्रेमींकडून निषेध रॅली
म. टा. प्रतिनिधी, जळगाव
यवतमाळ जिल्ह्यातील तीन तालुक्यांमध्ये धुमाकूळ घालणाऱ्या ‘अवनी’ या वाघीणीला ठार करण्यात आले. वाघीणीला बेशुद्ध न करता ठार मारण्यात आल्याचा रविवारी शहरातील विविध पर्यावरण व वन्यजीव प्रेमींकडून निषेध व्यक्त करण्यात आला. या वेळी वन्यजीव प्रेमींकडून कँडल पेटवून अवनीला श्रद्धांजली देण्यात आली.
शहरातील काव्यरत्नावली चौकात झालेल्या या कार्यक्रमात पर्यावरण शाळेचे संचालक राजेंद्र नन्नवरे, व्याघ्र अभ्यासक अभय उजागरे, ग्रीन अर्थ संघटनेचे मिलींद भारंबे, सुरेंद्र चौधरी, संजय पाटील, वन्यजीव संरक्षक संस्थेचे अध्यक्ष बाळकृष्ण देवरे, वासुदेव वाढे, केशर उपाध्ये, चेतना नन्नवरे, अमन गुर्जर, योगेश गालफाडे यांच्यासह अनेक व्याघ्रप्रेमी उपस्थित होते. या ठिकाणी दोन विद्यार्थ्यांनी वाघाच्या बछड्याचे रुप धारण केले होते. तसेच वाघाची प्रतिकृतीदेखील या वेळी ठेवण्यात आली होती. ‘जस्टिस फॉर अवनी’चे फलक घेतलेले वन्यजीव प्रेमी लक्ष वेधून घेत होते. काव्यरत्नावली चौक परिसरात कॅँडल मार्च काढली, त्यानंतर शोकसभा घेण्यात आली.
शिकाऱ्यांविरोधात जनयाचिका
या वेळी जळगाव जिल्ह्यातील वाघांचे अस्तित्व कायम ठेवण्यासाठी प्रयत्न करण्याचा निर्णय घेण्यात आला. तसेच अवनीच्या हत्येप्रकरणी सखोल चौकशीची मागणी प्राणीप्रेमींनी केली. शासन व प्रशासनाने अवनीच्या पिलांचा शोध घेऊन त्यांचे जीव वाचवण्यासाठी प्रयत्न करण्याची मागणीदेखील करण्यात आली. तसेच अवनीला ठार मारणारे हैदराबादचे शिकारी नवाब शाफत अली व अजगर अली यांच्या विरोधात जनहित याचिका दाखल करण्याचा निर्णयदेखील घेण्यात आल्याचे सभेच्या शेवटी जाहीर करण्यात आले.
म. टा. प्रतिनिधी, जळगाव
यवतमाळ जिल्ह्यातील तीन तालुक्यांमध्ये धुमाकूळ घालणाऱ्या ‘अवनी’ या वाघीणीला ठार करण्यात आले. वाघीणीला बेशुद्ध न करता ठार मारण्यात आल्याचा रविवारी शहरातील विविध पर्यावरण व वन्यजीव प्रेमींकडून निषेध व्यक्त करण्यात आला. या वेळी वन्यजीव प्रेमींकडून कँडल पेटवून अवनीला श्रद्धांजली देण्यात आली.
शहरातील काव्यरत्नावली चौकात झालेल्या या कार्यक्रमात पर्यावरण शाळेचे संचालक राजेंद्र नन्नवरे, व्याघ्र अभ्यासक अभय उजागरे, ग्रीन अर्थ संघटनेचे मिलींद भारंबे, सुरेंद्र चौधरी, संजय पाटील, वन्यजीव संरक्षक संस्थेचे अध्यक्ष बाळकृष्ण देवरे, वासुदेव वाढे, केशर उपाध्ये, चेतना नन्नवरे, अमन गुर्जर, योगेश गालफाडे यांच्यासह अनेक व्याघ्रप्रेमी उपस्थित होते. या ठिकाणी दोन विद्यार्थ्यांनी वाघाच्या बछड्याचे रुप धारण केले होते. तसेच वाघाची प्रतिकृतीदेखील या वेळी ठेवण्यात आली होती. ‘जस्टिस फॉर अवनी’चे फलक घेतलेले वन्यजीव प्रेमी लक्ष वेधून घेत होते. काव्यरत्नावली चौक परिसरात कॅँडल मार्च काढली, त्यानंतर शोकसभा घेण्यात आली.
शिकाऱ्यांविरोधात जनयाचिका
या वेळी जळगाव जिल्ह्यातील वाघांचे अस्तित्व कायम ठेवण्यासाठी प्रयत्न करण्याचा निर्णय घेण्यात आला. तसेच अवनीच्या हत्येप्रकरणी सखोल चौकशीची मागणी प्राणीप्रेमींनी केली. शासन व प्रशासनाने अवनीच्या पिलांचा शोध घेऊन त्यांचे जीव वाचवण्यासाठी प्रयत्न करण्याची मागणीदेखील करण्यात आली. तसेच अवनीला ठार मारणारे हैदराबादचे शिकारी नवाब शाफत अली व अजगर अली यांच्या विरोधात जनहित याचिका दाखल करण्याचा निर्णयदेखील घेण्यात आल्याचे सभेच्या शेवटी जाहीर करण्यात आले.