आहुजानगरातील प्रकार
म. टा. प्रतिनिधी, जळगाव
आहुजानगरातील रुद्रनगर हाऊसिंग सोसायटीमध्ये जवेण झाल्यानंतर सोमवारी रात्री ९.३० वाजता परिसरातच शतपावली करणाऱ्या महिलेच्या गळ्यातील सोन्याचे मंगळसूत्र दुचाकीवरून आलेल्या दोन स्वारांनी लांबविले. अर्चना लक्ष्मण लोखंडे (वय ३२) या सोमवारी रात्री ९.३० वाजता वंदना शिरसाठ व सुलोचना चित्ते यांच्यासोबत शतपावली करण्यासाठी घराबाहेर पडल्या होत्या. महामार्गाकडे येणाऱ्या रस्त्यावर पायी चालत असताना समोरून दुचाकीने दोन भामटे येऊन थेट अर्चना यांच्याजवळ थांबले. मागे बसलेल्याने त्यांच्या गळ्यातील ३० हजार रुपये किमतीचे सोन्याचे मंगळसूत्र तोडून दुचाकीने पळ काढला. यानंतर अर्चना यांनी आरडाओरड केल्याने सोबत असलेल्या महिला व शेजारी शेकोटी पेटवून बसलेले पवन शिरसाठ, प्रतीक बाविस्कर व चंद्रकांत सपकाळे या तरुणांनीदेखील भामट्यांचा पाठलाग केला. मात्र, अंधाराचा फायदा घेत दोघे भामटे पसार झाले. अर्चना यांनी दिलेल्या फिर्यादीवरून तालुका पोलिस ठाण्यात गुन्हा दाखल करण्यात आला आहे.
जोशी पेठेत ५५ हजाराची चोरी
झोपताना दरवाजा उघडा राहिल्याचे संधी साधून चोरट्यांनी नवीन जोशी कॉलनीतील एका घरातून सोन्याचे ब्रेसलेट व दोन अंगठ्या चोरून नेल्याची घटना सोमवारी रात्री घडली. विनोद रामभाऊ भोपे (वय २८, रा. नवीन जोशी कॉलनी) सोमवारी रात्री भाच्यासह घरात झोपले होते. झोपताना घराचा दरवाजा उघडा राहिल्याने चोरट्यांनी आत प्रवेश केला. स्वयंपाकघरात असलेल्या एका शोकेसमधील ३० हजार रुपये किमतीचे सोन्याचे ब्रेसलेट व २५ हजार रुपये किमतीच्या दोन अंगठ्या असा ५५ हजार रुपयांचा ऐवज चोरट्यांनी लांबवला. मंगळवारी (दि. ४) सकाळी ७ वाजता हा प्रकार उघडकीस आला आहे. भोपे यांनी दिलेल्या फिर्यादीवरून एमआयडीसी पोलिस ठाण्यात गुन्हा दाखल करण्यात आला आहे.
अवैध दारू अड्ड्यावर छापे
रामानंदनगर पोलिस ठाण्याच्या हद्दीतील पिंप्राळा हुडको व समतानगर या भागात सोमवारी (दि. ३) पोलिस उपअधीक्षक डॉ. निलाभ रोहन यांच्या पथकाने छापे मारले. पाच जणांकडून सुमारे ४ हजार ५०० रुपयांची अवैध दारू जप्त करण्यात आली आहे. समतानगरातील दिलीप सोनू अडकमोल (वय ४७), दादा शिवदास अडकमोल (वय ५०), अनिता दिलीप माचरे (वय ४५) यांना अटक केली आहे. तर सुमनबाई उर्फ शोभाबाई सोनवणे आणि शारदा श्रावण मोरे या दोन्ही पळून गेल्या आहेत.
मोबाइल चोरटा पोलिसांच्या ताब्यात
जळगाव : मानराज पार्कजवळ धावत्या दुचाकीवरून तरुणाचा मोबाइल लांबवणाऱ्या चोरट्यास एमआयडीसीच्या गस्तीच्या पथकाने पहाटे कंजरवाडा परिसरातून अटक केली. संदीप पांडूरंग कोळी (वय २२, रा. भालशिव, ता. यावल) असे या संशयिताचे नाव आहे. मानराज पार्क परिसरात राहणारा शुभम मनोज जाधव (वय १७) हा सोमवारी रात्री नऊ वाजता कुत्रा फिरवित असताना दुचाकीस्वाराने त्याचा मोबाइल हिसकावून नेला होता. पहाटे तीन वाजता संदीप कंजरवाडा परिसरात घरफोडी करण्याच्या उद्देशाने संशयितरित्या फिरत होता. या वेळी एमआयडीसी पोलिस ठाण्याचे किशोर पाटील, भास्कर ठाकरे हे दोघे हद्दीत गस्त घालत होते. त्यांना संदीप संशयितरित्या फिरतांना आढळला असता त्याला ताब्यात घेऊन झडती घेत एक स्क्रू ड्रायव्हर, चाव्यांचा गुच्छा, दोन मोबाइल सापडले. पोलिसी खाक्या दाखवल्यानंतर त्याने गुन्ह्याची कबुली दिली. पोलिसांनी त्याच्याजवळील वस्तूंसह दुचाकीदेखील जप्त केली आहे. त्याच्याविरुद्ध एमआयडीसी व रामानंदनगर अशा दोन्ही पोलिस ठाण्यात स्वतंत्र गुन्हे दाखल करण्यात आले आहे.
म. टा. प्रतिनिधी, जळगाव
आहुजानगरातील रुद्रनगर हाऊसिंग सोसायटीमध्ये जवेण झाल्यानंतर सोमवारी रात्री ९.३० वाजता परिसरातच शतपावली करणाऱ्या महिलेच्या गळ्यातील सोन्याचे मंगळसूत्र दुचाकीवरून आलेल्या दोन स्वारांनी लांबविले. अर्चना लक्ष्मण लोखंडे (वय ३२) या सोमवारी रात्री ९.३० वाजता वंदना शिरसाठ व सुलोचना चित्ते यांच्यासोबत शतपावली करण्यासाठी घराबाहेर पडल्या होत्या. महामार्गाकडे येणाऱ्या रस्त्यावर पायी चालत असताना समोरून दुचाकीने दोन भामटे येऊन थेट अर्चना यांच्याजवळ थांबले. मागे बसलेल्याने त्यांच्या गळ्यातील ३० हजार रुपये किमतीचे सोन्याचे मंगळसूत्र तोडून दुचाकीने पळ काढला. यानंतर अर्चना यांनी आरडाओरड केल्याने सोबत असलेल्या महिला व शेजारी शेकोटी पेटवून बसलेले पवन शिरसाठ, प्रतीक बाविस्कर व चंद्रकांत सपकाळे या तरुणांनीदेखील भामट्यांचा पाठलाग केला. मात्र, अंधाराचा फायदा घेत दोघे भामटे पसार झाले. अर्चना यांनी दिलेल्या फिर्यादीवरून तालुका पोलिस ठाण्यात गुन्हा दाखल करण्यात आला आहे.
जोशी पेठेत ५५ हजाराची चोरी
झोपताना दरवाजा उघडा राहिल्याचे संधी साधून चोरट्यांनी नवीन जोशी कॉलनीतील एका घरातून सोन्याचे ब्रेसलेट व दोन अंगठ्या चोरून नेल्याची घटना सोमवारी रात्री घडली. विनोद रामभाऊ भोपे (वय २८, रा. नवीन जोशी कॉलनी) सोमवारी रात्री भाच्यासह घरात झोपले होते. झोपताना घराचा दरवाजा उघडा राहिल्याने चोरट्यांनी आत प्रवेश केला. स्वयंपाकघरात असलेल्या एका शोकेसमधील ३० हजार रुपये किमतीचे सोन्याचे ब्रेसलेट व २५ हजार रुपये किमतीच्या दोन अंगठ्या असा ५५ हजार रुपयांचा ऐवज चोरट्यांनी लांबवला. मंगळवारी (दि. ४) सकाळी ७ वाजता हा प्रकार उघडकीस आला आहे. भोपे यांनी दिलेल्या फिर्यादीवरून एमआयडीसी पोलिस ठाण्यात गुन्हा दाखल करण्यात आला आहे.
अवैध दारू अड्ड्यावर छापे
रामानंदनगर पोलिस ठाण्याच्या हद्दीतील पिंप्राळा हुडको व समतानगर या भागात सोमवारी (दि. ३) पोलिस उपअधीक्षक डॉ. निलाभ रोहन यांच्या पथकाने छापे मारले. पाच जणांकडून सुमारे ४ हजार ५०० रुपयांची अवैध दारू जप्त करण्यात आली आहे. समतानगरातील दिलीप सोनू अडकमोल (वय ४७), दादा शिवदास अडकमोल (वय ५०), अनिता दिलीप माचरे (वय ४५) यांना अटक केली आहे. तर सुमनबाई उर्फ शोभाबाई सोनवणे आणि शारदा श्रावण मोरे या दोन्ही पळून गेल्या आहेत.
मोबाइल चोरटा पोलिसांच्या ताब्यात
जळगाव : मानराज पार्कजवळ धावत्या दुचाकीवरून तरुणाचा मोबाइल लांबवणाऱ्या चोरट्यास एमआयडीसीच्या गस्तीच्या पथकाने पहाटे कंजरवाडा परिसरातून अटक केली. संदीप पांडूरंग कोळी (वय २२, रा. भालशिव, ता. यावल) असे या संशयिताचे नाव आहे. मानराज पार्क परिसरात राहणारा शुभम मनोज जाधव (वय १७) हा सोमवारी रात्री नऊ वाजता कुत्रा फिरवित असताना दुचाकीस्वाराने त्याचा मोबाइल हिसकावून नेला होता. पहाटे तीन वाजता संदीप कंजरवाडा परिसरात घरफोडी करण्याच्या उद्देशाने संशयितरित्या फिरत होता. या वेळी एमआयडीसी पोलिस ठाण्याचे किशोर पाटील, भास्कर ठाकरे हे दोघे हद्दीत गस्त घालत होते. त्यांना संदीप संशयितरित्या फिरतांना आढळला असता त्याला ताब्यात घेऊन झडती घेत एक स्क्रू ड्रायव्हर, चाव्यांचा गुच्छा, दोन मोबाइल सापडले. पोलिसी खाक्या दाखवल्यानंतर त्याने गुन्ह्याची कबुली दिली. पोलिसांनी त्याच्याजवळील वस्तूंसह दुचाकीदेखील जप्त केली आहे. त्याच्याविरुद्ध एमआयडीसी व रामानंदनगर अशा दोन्ही पोलिस ठाण्यात स्वतंत्र गुन्हे दाखल करण्यात आले आहे.