म. टा. वृत्तसेवा, चाळीसगाव
पाचोरा शहरात वाहतुकीस शिस्त लावण्यासाठी वाहतुकीस अडथळा निर्माण करणाऱ्या हातगाडी धारकांवर व बेशिस्तपणे उभ्या करणाऱ्या दुचाकी चालकांवर पोलिसांनी कारवाईचा बडगा उगारला आहे. पोलिसांनी बेशिस्त दुचाकीस्वार व हातगाडी धारकांवर शनिवारी (दि. २४) कारवाई करत वाहने जप्त करून पोलिस स्टेशनमध्ये आणली. पोलिसांच्या या धडक कारवाईमुळे हातगाडीवर व्यवसाय करणाऱ्यांमध्ये खळबळ उडाली असून, नागरिकांमधून समाधान व्यक्त होत आहे.
रस्त्यांवर वाहने व हातगाडी उभ्या करून अतिक्रमण करणाऱ्यांवर कारवाई करण्याची मागणी गेल्या अनेक दिवसांपासून होत होती. पोलिस निरीक्षक धनंजय येरूळे यांच्या मार्गदर्शनाखाली कारवाई सुरू करण्यात आली. शहरात विना परवाना वाहन चालविणे, रस्त्यावर वाहन उभे करून वाहतुकीस अडथळा निर्माण करणे, सरकारी कार्यालयांच्या बाहेर अस्ताव्यस्त वाहने उभे करणे, अतिक्रमण करणारे हातगाडीधारकांवर कारवाई करण्यात आली.
शहरातील शिवाजी चौक, जामनेर रोड, महाराणा प्रताप चौक, स्टेशन परिसर, जारगाव चौफुलीसह प्रांत कार्यालय,पोलिस स्टेशन परिसरात कारवाई करण्यात आली. सहाय्यक पोलिस निरीक्षक अविनाश आंधळे, सचिन सानप, छबुलाल नागरे, भीमराव इंगळे, प्रकाश पाटील, गजू काळे आदी पोलिस कर्मचाऱ्यांनी ही कारवाई केली. या कारवाईचे शहरवासीयांनी स्वागत केले आहे.
पाचोरा शहरात वाहतुकीस शिस्त लावण्यासाठी वाहतुकीस अडथळा निर्माण करणाऱ्या हातगाडी धारकांवर व बेशिस्तपणे उभ्या करणाऱ्या दुचाकी चालकांवर पोलिसांनी कारवाईचा बडगा उगारला आहे. पोलिसांनी बेशिस्त दुचाकीस्वार व हातगाडी धारकांवर शनिवारी (दि. २४) कारवाई करत वाहने जप्त करून पोलिस स्टेशनमध्ये आणली. पोलिसांच्या या धडक कारवाईमुळे हातगाडीवर व्यवसाय करणाऱ्यांमध्ये खळबळ उडाली असून, नागरिकांमधून समाधान व्यक्त होत आहे.
रस्त्यांवर वाहने व हातगाडी उभ्या करून अतिक्रमण करणाऱ्यांवर कारवाई करण्याची मागणी गेल्या अनेक दिवसांपासून होत होती. पोलिस निरीक्षक धनंजय येरूळे यांच्या मार्गदर्शनाखाली कारवाई सुरू करण्यात आली. शहरात विना परवाना वाहन चालविणे, रस्त्यावर वाहन उभे करून वाहतुकीस अडथळा निर्माण करणे, सरकारी कार्यालयांच्या बाहेर अस्ताव्यस्त वाहने उभे करणे, अतिक्रमण करणारे हातगाडीधारकांवर कारवाई करण्यात आली.
शहरातील शिवाजी चौक, जामनेर रोड, महाराणा प्रताप चौक, स्टेशन परिसर, जारगाव चौफुलीसह प्रांत कार्यालय,पोलिस स्टेशन परिसरात कारवाई करण्यात आली. सहाय्यक पोलिस निरीक्षक अविनाश आंधळे, सचिन सानप, छबुलाल नागरे, भीमराव इंगळे, प्रकाश पाटील, गजू काळे आदी पोलिस कर्मचाऱ्यांनी ही कारवाई केली. या कारवाईचे शहरवासीयांनी स्वागत केले आहे.